स्याङ्जा ८ मंसिर । “स्वस्थ जीवनशैलीका लागि खेलकुद” भन्ने नारासहित गरिमा विकास बैंक लिमिटेडले ‘गरिमा रेस रोड’ शनिवार सम्पन्न गरेको छ ।
१९ औं वार्षिकोत्सवको अवसर पारेर बैंकले खेलकुद, रक्तदान र सामाजिक उत्तरदायित्व सम्बन्धीका कार्यक्रमगरि मनाउन लागेको हो । काठमाडौंमा सम्पन्न प्रतिस्पर्धामा खुला, कर्पोरेट र भेट्रान गरी तीन विधामा महिला तथा पुरुष बीच प्रतियोगिता भएको थियो ।
गत वर्षबाट सुरु गरिएको दौड प्रतिस्पर्धाको अहिले दोस्रो संस्करणमा १ हजार जना भन्दा बढी धावकको सहभागि थिए ।
खुला विधामा १० किलोमिटर दौड बालुवाटारस्थित बैंकको प्रस्तावित केन्द्रीय कार्यालय अगाडिबाट सुरु भई नारायणगोपालचोक, हात्तीगौंडा हुँदै बुढानिलकण्ठ नगरपालिका–३ कार्यालय पुगेर पुनः सोही मार्ग हुँदै बालुवाटारमै पुगेर सकिएको थियो ।
यसैगरी, कर्पोरेट र भेट्रान विधाको ५ किलोमिटर दूरी न्यूरो अस्पताल, बाँसबारीसम्मको रुट तय गरिएको थियो ।
पुरुषतर्फ नेपाल आर्मीका राजन रोकाय २९ मिनेट १२ सेकेन्डमा सो दुरी पार गर्दै प्रथम भए भने महिलातर्फ ओलम्पियन धाविका सन्तोषी श्रेष्ठले ३४ मिनेट ५४ सेकेन्डमा दूरी पूरा गर्दै प्रथम हुनुभएको छ भने आर्मीका धावकहरूले खुला पुरुषतर्फ सबै पुरस्कार र महिलातर्फ चार पुरस्कार जित्दै उत्कृष्ट प्रदर्शन गरे ।
विजेताहरूलाई खुला विधामा प्रथमदेखि पाँचौँ स्थानसम्म क्रमशः ५० हजार , ३५, हजार २० हजार, १५ हजार र १० हजार नगद सहित प्रमाणपत्र प्रदान गरिएको थियो ।
कर्पोरेट र भेट्रानतर्फ प्रथमदेखि पाँचौ स्थान प्राप्त गर्ने प्रतिस्पर्धीलाई क्रमशः .३० हजार, २० हजार, .१४ हजार, १० हजार र .७ हजार नगद पुरस्कार प्रदान गरिएको थियो ।
गरिमा विकास बैंक लिमिटेडका अध्यक्ष दिलिपप्रताप खाँणको अध्यक्षतामा सम्पन्न कार्यक्रममा प्रमुख कार्यकारी अधिकृत माधवप्रसाद उपाध्यायले प्रतियोगिताको उदेश्यका बारेमा जानकारी गराएका थिए ।
मंसिर ७ गते देशभरका विभिन्न ८ स्थानमा रक्तदान कार्यक्रम र १९ स्थानमा सामाजिक उत्तरदायित्व अन्तर्गतका गतिविधि सञ्चालन गर्ने जनाएको छ । गरिमा रोड रेस प्रतियोगिताको यो दोश्रो संस्करण हो ।