स्याङजा ११ मंसिर । पुतलीबजार नगरपालिका ३ स्थित सामाग्रीचोक — इन्द्रेस — रानीश्वारा — नुवाकोट मोटरबाटो (गणेशमान सिंह मार्ग) मोटरबाटो शिलान्यास गरिएको छ ।
पुतलीबजार नगरप्रमुख तुलसीराम रेग्मीले मोटरबाटोको शिलान्यास गर्दै सुबिधायुक्त मोटरबाटो निर्माण गर्दै नुवाकोटसम्म पुरयाउने बताउनुभयो । सुबिधायुृक्त मोटरबाटोको पहुँचसंगै यहाँका स्थानीय उत्पादन बढाउन सकिनेमा जोड दिनुभयो । विकास पहिलो आवश्यकता र प्राथमिकतामा रहेको सडक संजालको निर्माणपछि विकासले गति लिने जानकारी गराउदै सडक निर्माणपछि गाउँघर चलायमान बन्ने बताउनुभयो । लामो समयदेखिको प्रतिक्षामा रहेको मोटरबाटो स्तरोन्नती सहितको निर्माण अव छिटै पूर्ण हुने चरणमा आएको जानकारी गराउनुभयो ।
सोही वडाका कार्यवाहक अध्यक्ष सोमबहादुर कुँवर, स्थानीय समाजसेवीहरु शाह मोहम्मद मिया, शेर अलि, अलि मिया, सीता गोदार लगायतले यस क्षेत्रमा आवश्यकता रहेको मोटरबाटो निर्माणले स्थानीयबासीमा खुशी बढाएको जनाउनुभयो ।
स्थानीय समाजसेवी टंकप्रसाद शर्माको अध्यक्षतामा सम्पन्न कार्यक्रमको संचालन वडासचिव राजु रेग्मीले गर्नुभएको थियो । करिब ८ किलोमीटर सो सडक निर्माणका लागि संघीय सरकारले ७५ लाख बिनियोजन गरेको नगरप्रमुख रेग्मीले जानकारी दिनुभयो ।