स्याङजा २४ भदौ । गल्याङ्ग नगरपालिका भित्रका कक्षा १० मा अध्ययनरत विद्यार्थीहरूका लागि साक्षरता तथा विशेष प्रशिक्षण कार्यक्रम सम्पन्न भएको छ ।
आइ सि एफ सी फाइनान्स लिमिटेड गल्याङ्ग शाखाको आयोजनामा तथा गल्याङ्ग नगरपालिका का नगरप्रमुख गुरुप्रसाद भट्टराईको प्रमुख आतिथ्यतामा आयोजित उक्त कार्यक्रममा नगरपालिका भित्रका विद्यालयका इस इ इ तयारी गरिरहेका विद्यार्थीहरूलाई निःशुल्क अनलाइन शिक्षा उपलब्ध गराउने उद्देश्य राखिएको थियो ।
कार्यक्रममा आइ सि एफ सी फाइनान्स लिमिटेड को पहलमा ब्mदष्तष्यल न्गचग मार्फत सञ्चालित अनलाइन कक्षा सम्बन्धी जानकारी दिइएको थियो । यस अवसरमा घुन्सा फाउन्डेशनकी संस्थापक याङजोम शेर्पाले विद्यार्थीहरूलाई प्रेरणादायी मन्तव्य दिँदै अध्ययनमा निरन्तरता र लगनशीलता आवश्यक रहेको बताउनुभयो ।
गल्याङ्ग नगरपालिकाका १९ विद्यालय बाट कक्षा १० का ३ सय २४ जना विद्यार्थीहरूको उत्साहजनक सहभागिता रहेको यस कार्यक्रममा नगरप्रमुख गुरुप्रसाद भट्टराईले विद्यार्थीहरूलाई सकारात्मक सोच, उर्जा र समाज प्रति चेतना सहित अध्ययनमा लाग्न आग्रह गर्नुभयो । उहाले वित्तीय ज्ञान विद्यालय जीवन मै प्राप्त गर्न सकेमा भविष्यमा जिम्मेवार नागरिक बन्न सजिलो हुने उल्लेख गर्नुभयो ।
कार्यक्रममा गल्याङ्ग नगरपालिकाका प्रमुख प्रशासकीय अधिकृत भविश्वर घिमिरे, वडा नम्बर ३ का वडा अध्यक्ष कृष्ण भट्टराई, वडा नम्बर ४ का वडा अध्यक्ष ढाकाराम न्यौपाने, वडा नम्बर ८ का वडा अध्यक्ष झिमबहादुर थापा साथै आई सी एफ सी फाइनान्स लिमिटेड पोखराका शाखा प्रबन्धक सुजेस पन्तको पनि उपस्थिती रहेको थियो । उपस्थित अतिथिहरू ले विद्यार्थीलाई वित्तीय चेतना दिन यस्ता कार्यक्रम आवश्यक भएको र निरन्तरता दिलाउनुपर्ने धारणा ब्यक्त गर्नुभएको थियो ।
आइ सि एफ सी फाइनान्सका मार्केटिङ प्रमुख सन्जोग गुरुङको अध्यक्षतामा सम्पन्न उक्त कार्यक्रममा स्वागत मन्तव्य गल्याङ्ग का शाखा प्रबन्धक आई सी एफ सी फाइनान्स लिमिटेड का सन्दीप अधिकारीले गरेका थिए भने कार्यक्रमको सञ्चालन खगेन्द्र भण्डारीले गर्नुभएको थियो ।