स्याङ्जा ४ बैशाख । कालीगण्डकी गाउँपालिकामा क्याम्पस र ब्यक्तिका पसल तथा घरमा चोरी सहित सवारीसाधन तोडफोड गरेको आरोपमा ४ जना बालक पक्राउ परेका छन् ।
पक्राउ पर्नेमा कालीगण्डकी गाउँपालिकाका १८ वर्षीय एक बालक सहित १६ वर्षीय ३ बालक पक्राउ परेका हुन । यसरी पक्राउ पर्नेमा ३ जना स्याङ्जा कालीगण्डकी गाउँपालिकाका र एक जना धादिङ घर भई सोही स्थान बस्ने रहेका प्रहरी नायब उपरीक्षक हरिप्रसाद पौडेलले जानकारी दिनुभयो ।
कालीगण्डकी गाउँपालिका – ७ मिर्मीमा चोरी तथा सवारीसाधन तोडफोड गरेको आरोपमा चारजना किशोर पक्राउ परेका छन् ।
मंगलबार राती बालकहरुले मिर्मी बहुमुखी क्याम्पस र पसलमा तोडफोड सहित चोरी गर्नुका साथै २ वटा मोटरसाइकल र एउटा स्कुटर तोडफोड गरेको प्रहरीको दावी छ ।
प्रहरीका अनुसार, ‘मिर्मी बहुमुखी क्याम्पसको कम्प्युटर कक्ष र कार्यालयको ताल्चा फुटाएर किबोर्ड, माउस, कम्प्युटर पावर केवल चोरेको र टेलिफोन, सिलिङ पंखामा क्षति पुगेको, ज्ञानप्रसाद न्यौपानेको स्केटिङ पसल पनि तोडफोड गरी ३ जोर स्केटिङ जुत्ता, केही पेय पदार्थ चोरेका, नारायणप्रसाद अधिकारीको स्कुटर तथा मोटरसाइकल र प्रबिन ढकालको मोटरसाइकल घरभन्दा टाढा लगेर तोडफोड गरेका छन ।’
घरभन्दा २ किलोमीटर दुरी आँधीमुहान भन्ने स्थानमा मोटरसाइकल र स्कुटर तोडफोड गरेको अवस्थामा भेटिएको प्रहरीले जनाएको छ । आरोपित बालकहरुलाई पक्राउ गरी आवश्यक अनुसन्धान गरिरहेको प्रनाउ पौडेलले जानकारी दिनुभयो ।