स्याङजा २ भदौ । पुतलीबजार नगरपालिका २ मा निर्मित चिरुवा आधारभूत स्वास्थ्य केन्द्र भवनको उदघाटन सहित सोही भवनबाट सेवा प्रवाह सुचारु गरिएको छ ।
पुतलीबजार नगरप्रमुख तुलसीराम रेग्मीको नवनिर्मित भवनको सोमबार उदघाटन गर्नुभएको हो । भवन उदघाटनसंगै भवनबाट सोमबारदेखि नै स्वास्थ्य सेवा पनि सुरु भएको जनाउदै स्वास्थ्य कर्मचारीलाइृ स्वास्थ्यका सामाग्री पनि हस्तान्तरण गर्नुभएको छ ।
उदघाटन कार्यक्रममा बोल्दै प्रमुख रेग्मीले वडाबासीका स्वास्थ्य र शिक्षामा नगरपालिका संवेदनशील भएर काम गर्दै आएको र आउदा दिनमा पनि निरन्तरता दिने बताउनुभयो । स्वास्थ्य केन्द्रलाई प्राप्त हुने खालका सरकारले उपलब्ध गराएका सबै खालका औषधी र स्वास्थ्य प्राप्त गर्न सकिने उनले जानकारी गराउनुभयो । स्वास्थ्य केन्द्रबाट प्राप्त हुने सबैखालका सेवा सुबिधा समयमै लिएर स्वास्थ्य रहन पनि प्रमुख रेग्मीले सुझाव दिनुभयो ।
लामो समयदेखि बन्न नसकेको स्वास्थ्य केन्द्र निर्माणकर्तालाई पटक पटकको ताकेता र सम्बन्धित निकायसंगको छलफलबाट निचोेड निकालिएको र सफलता प्राप्त भएको प्रमुखले जानकारी गराउनुभयो । स्वास्थ्य केन्द्रको निर्माणसंगै वडाबासीलाई सहज बनेको जानकारी गराउदै स्वास्थ्य केन्द्रकालागि आवश्यक सहयोग गर्ने प्रमुख रेग्मीको भनाई छ ।
सोही कार्यक्रममा उपप्रमुख देवी अर्यालले स्वास्थ्य केन्द्र निर्माणभएपछि यहाँबाट उपलब्ध हुने स्वास्थ्य सुबिधा लिनका लागि वडाबासीलाई आग्रह गर्नुभयो । नियमित स्वास्थ्य परीक्षण गराउन समेत सुझाव दिनुभयो ।
यसैगरी, शिक्षा शाखा प्रमुख बाबुराम बराल, नगर प्रवक्ता मनोज पौडेल, पूर्ववडाअध्यक्ष तिलकराम श्रेष्ठ, नेपाली कांग्रेसका वडा सभापति बालकुमार गुरुङ, नेकपा एमाले वडा उपाध्याक्ष रेशम बहादर खत्री, राष्ट्रिय प्रजातन्त्र पार्टीका कुलबहादुर गुरुङ लगायतले आधारभूत स्वास्थ्य केन्द्रको संचालनसंगै वडाबासी लगायत छिमेकी विरुवा गाउँपालिकका केही वडाबासीलाई समेत सेवा दिनेमा जोड दिनुभयो ।
वडाअध्यक्ष भिमकुमार गुरुङको अध्यक्षतामा सम्पन्न कार्यक्रममा वडासदस्य सम्झना कुँवरले स्वागत एवं नगर स्वास्थ्य शाखा प्रमुख अनिषा सुवेदीले संचालन गर्नुभएको थियो ।
शिलान्यासको झण्डै ७ बर्षपछि भवनको उदघाटन गरिएको हो । भवन निर्माणकालागि विस २०७६ सालमा भवन शिलान्यास गरिएको थियो । ठेकेदारका कमजोरीका कारण भवन निर्माणमा ढिलाई भएको बताइएको छ । करिब ३ रोपनी क्षेत्रफलमा फैलिएको भवन १ करोड ४५ लाखको लागतमा निर्माण सम्पन्न भएको हो । सुबिधा सम्पन्न सो भवन दुई तलाको छ । स्वास्थ्य केन्दमा ३ जना स्वास्थ्यकर्मीबाट सेवा प्रवाह हुने पुतलीबजार नगरपालिकाले जनाएको छ ।