स्याङ्जा २७ भदौ । स्याङजाका चार राजनीतिक दलका नेताहरुले देशमा बिषम एवं संक्रमणकालिन परिस्थितिबाट छिटो निकास दिनकालागि राष्ट्रका अभिभावक राष्ट्रपति रामचन्द्र पौडेललाई आग्रह गरेका छन ।
पुतलीबजार नगरपालिका १ नेपाली कांग्रेसको मुख्यालयमा शुक्रवार साँझ बसेको बैठकपछि ४ दलद्धारा जारी संयुक्त बिज्ञप्ति मार्फत जनतामा निहित सार्वभोैमसत्ता, नागरिक सर्वोच्चता, भौगोलिक अखण्डता र बिधिको शासनलाई अंगाल्दै संबैधानिक प्रक्रिया मार्फत निकास खोज्न आग्रह गरिएको छ ।
नेपाली कांग्रेस जिल्ला सभापति राजु थापा, नेकपा एमाले जिल्ला अध्यक्ष सुर्यप्रसाद गैहे्र पारस, नेकपा माओवादी केन्द्रका जिल्ला संयोजक लोकेन्द्र थापा मगर, नेकपा एकिकृत समाजवादीका सचिव नारायणप्रसाद तिवारीद्धारा हस्ताक्षरित सो बिज्ञप्तिमा बिषम परिस्थितीमा रहेको मुलुकको निकासका लागि राष्ट्रका अभिभावक राष्ट्रपति रामचन्द्र पौडेलद्धारा सबैपक्षसंग भैरहेको पहलको स्वागत गर्दै आन्दोलनका क्रममा कांग्रेस र एमालेको पार्टी कार्यालयसंगै नेताका शालिकका तोडफोेडको दुखी तुल्याएको उल्लेख छ ।
जेन—जी पुस्ताले भ्रष्टाचार बिरुद्ध सुशासनको आब्हान गर्दे गरिएको आन्दोलनका क्रममा वीरगती प्राप्त गरेका जेनजीका युवा, सुरक्षाकर्मी लगायत आमनागरिक प्रति श्रद्धान्जली सहित घाईतेको स्वास्थ्य लाभका कामना गर्दै आन्दोलनका क्रममा निजी तथा सार्वजनिक र औधोगिक प्रतिष्ठानमाथि भएको आगजनी तथा तोडफोड, लुटपाटको निन्दा एवं भत्र्सना समेत गरिएको छ ।