स्याङजा १ साउन । पुतलीबजार नगरपालिका वडा नं. ४ छोरेखोला गोठिङ झोलुंगे पुलको उदघाटन गरिएको छ । यहाँ झोलुंगे पुल बनेपछि दुबैतर्फका स्थानीयबासी खुशी भएका छन् ।
पुतलीबजार नगरप्रमुख तुलसीराम रेग्मीले बुधवार पुलको उदघाटन गर्दै उहाले नगरपालिकाले सडक, पुल लगायत पुर्बाधार निर्माणमा बिशेष ध्यान दिएको बताउनुभयो । पुल निर्माण भएसंगै स्थानीयबासीलाई निकै राहत पुगेको उहाँको भनाई छ । स्थानीयस्तरबाट गाउँ गाउँमा आयआर्जन गर्नेगरि ब्यावसायमा जोडिनुपर्नेमा जोड दिनुभयो ।
कार्यक्रममा कर्यवाहक अध्यक्ष लिलावती पौडेल, वडा सदस्यहरु मीना परियार, पुर्ब वडा अध्यक्ष ओमबहादुर खड्का, नेपाली कांग्रेस वडा सभापति इश्वरीप्रसाद पोखरेल, नेकपा एमालेका सुर्यप्रसाद सुवेदी, नेकपा एकिकृत समाजवादीका गुमानसिङ थापा, गोठिङ फाँट जग्गा एकीकरण समितीका अध्यक्ष दयाशिन्धु पोखरेल, अन्धा अन्धी सामुदायिक बिकास केन्द्रका प्रमुख एकनारायण सापकोटा सब ईन्जिनियर बिपन थापा लगायतले शुभकामना मन्तब्य ब्यक्त गर्दै पुलको उपयोगिताका बारेमा जानकारी गराउनुभयो ।
कुल ४० लाख ३७ हजार १४१ रुपैंयाको लागतमा निर्माण गरिएको पुलको लम्बाई ८२ मीटर छ । पुलका लागि संघिय अनुदान ८५ प्रतिशत, पुतलीबजारको १३ प्रतिशत र स्थानीय जनश्रमदान २ प्रतिशत लगानी छ ।
झोलुंगे पुल निर्माणका लागि अन्धाअन्धी सामुदायिक बिकास केन्द्रको प्राबिधिक र सामाजिक सहयोगमा निर्माण गरिएको पुल निर्माण समितीका अध्यक्ष डिल्लीदत्त पाध्या (केदार) ले जानकारी दिनुभयो।
पुलनिर्माणका लागि पुस ४ गते नगरपालिका र उपभोक्ता समितिबीच सम्झौता भएको थियो । असार २७ मा निर्माणसम्पन भएपछि उदघाटन गरिएको हो ।