स्याङ्जा ८ असोज । जेनजी आन्दोलनका कारण कारागारबाट फरार भएका कैदी धमाधम स्याङ्जामा पक्राउ परेका छन् ।
भदौ २४ गतेको जेनजीआन्दोलनका बेला फरार रहेका ४ जनाकैदी स्याङ्जामा पक्राउ परेका हुन् । पक्राउ परेका मध्ये केन्द्रिय कारागारमा रहेका २ जना र कास्की कारागारबाट २ जनाभागेका कैदीबन्दीहरु पक्राउ परेका हुन् ।
विषेश सूचनाको आधारमा जिल्ला प्रहरी कार्यालय अस्थायीप्रहरी चौकीपौवेगौडे टक्सारबाट खटिएको विषेश अप्रेसन टोलीले बुधबार थपदुई फरार कैदीपक्राउ गरेको हो । केन्द्रिय कारागार जगन्नाथदेवल काठमाडौबाट फरार कर्तव्य ज्यान मुद्धाका ६७ वर्षीय नुनुमाया कार्की पुतलीबजार नगरपालिका ५ पौवेगौडेबाट पक्राउ परिन् । पौवेगौडे गौरीखोला घर भएको नुनुमाया कारागारबाट फरार भई आफ्नै घर आएकी थिईन् ।
यस्तै जवरजस्ती करणी मुद्धाका कास्की कारागारबाट फरार भएका २६ वर्षीय अभिषेक नेपाली पनि बुधवार पक्राउ परेका हुन । पतुलीबजार नगरपालिका ९ कोल्मा घर भएका अभिषेक पुतलीबजार १ कालाखोलाबाट पक्राउ परेका हुन । उनीहरु उहाँहरु दुुवैलाई आवश्यक कानुनी कारबाहीको लागी जिल्ला कारागार पठाएको प्रहरी नायव उपरिक्षक प्रसन्नराज चौधरीले जानकारी दिनुभयो ।
स्याङ्जा प्रहरीले मंगलबार र बुधबार गरी दुई दिनको अवधिमा जेनजी आन्दोलनका बेला कारागारबाट भाग्ने ४ कैदीलाई पक्राउ गरी स्याङ्जा कारागार पठाएको छ । ४ मध्ये २ केन्द्रिय कारागार काठमाडौ र २ जना कास्की कारागार पोखराबाट भागेका थिए ।