स्याङ्जा २४ कात्तिक । अर्जुनचौपारी गाउँपालिकाका बिभिन्न वडा अन्र्तगतका बिद्यालयमा गठित चेन्ज मेकर क्लबहरुले संयुक्त रुपमा सरसफाई एवं ब्यवहारिक सीप सिकाई आदानप्रदान गरेका छन ।
गाउँपालिका अन्र्तगत रहेका ६ वटा वडामा रहेका ६ माध्यमिक, २ आधारभूत र एक सामुदायिक संस्थागत माध्यमिक विद्यालयमा रहेका क्लबहरूले एकैदिन बिबिध कार्यहरु गरेका हुन ।
बिद्यालयमा गठित क्लबहरुले आ–आफ्ना विद्यालय, ब्यक्तिगत तथा सार्वजनिक स्थलको सरसफाई सहित सामाजिक गतिविधि सञ्चालन गरेका हुन । स—साना भाइबहिनीलाई ब्यक्तिगत सरसफाईका बारेमा सिकाएका छन्। ब्यवारिह ज्ञानका बारेमा सुझाएका छन ।
क्लवले वडा नं. १ स्थित पञ्चकन्या मा.बि.मा विद्यालय परिसर, पालिकाको खेलमैदान, र अर्जुनचौपारी स्वास्थ्यचौकीमा विज्ञान विषयसँग सम्बन्धित वल्र्ड ग्रुप परीक्षण गरेको छ। र, सोही वडामा रहेको संस्थागत विद्यालय अर्जुनचौपारी चिल्ड्रेन एकेडेमी परिसर समेत सरसफmाई गरेको छ ।
वडा नं. २ मा स्थित अमर ज्योति मा.बि.मा क्लबले बालबालिकाको व्यवहारीक सीप विकास तथा व्यक्तिगत सरसफाईका सिकाइ आदानप्रदान गरेका छन् ।
यसैगरी, ३ को सरस्वती आ.बि. को पनि विद्यालय परिसर, ट्यांकी तथा नजिकैको मन्दिर क्षेत्रमा सरसफाइ, ४ को जन मा.बि.ले एकानन्द गुफा जाने गोरेटो बाटो ,गुफा परिसरमा सरसफाइ, ५ को सर्वोदय मा.बि., घण्टे मावि, र बुद्ध आ.बि.का चेन्ज मेकर क्लबहरूले क्रमशः डहरे देउराली मन्दिर जाने बाटो, विद्यालय परिसर, घण्टे बजार र विद्यालयको खानेपानी मुहान, तथा विद्यालय परिसर सरसफाइ गरेका गाउँपालिकाका अध्यक्ष प्रकाश तिवारीले जानकारी दिनुभयो ।
वडा नं. ६ को दरौं माबिका चेन्ज मेकर क्लबले नेपालकै पहिलो नवग्रह मन्दिर परिसरमा सरसफाइ गर्दै मन्दिरभित्र रहेका पिपलका बिरुवाहरूमा गोडमेल गरेका छन ।
अध्ययनका साथसाथै बिद्यालय तहदेखि नै बालबालिकालाई ब्यवहारिक ज्ञान र सीपको आवश्यक पर्ने जनाउदै सामाजि उत्तरदायित्व, सामुदायिक सहयोग, व्यवहारिक सीप विकासमा प्रेरणा जगाउन र आफनो माटोको माया गर्न सिकाउन यस्ता अभियान संचालन गरिदै आएको अर्जुनचौपारी गाउँपालिकाले जनाएको छ ।