स्याङ्जा २६ मंसिर । पुतलीबजार नगरपालिकाले कुखुराको चल्ला तथा दाना वितरण अन्र्तगत बुधवार थप ३ वटा वडामा पुरयाएको छ ।
“मासुमा आत्मनिर्भर तथा स्वस्थ मासु उत्पादन कार्यक्रम” अन्र्तगत पुतलीबजार नगरपालिकाका सबै वडामा निशुल्क कुखुराका चल्ला बितरण अभियान अन्र्तगत अहिलेसम्म १३ वटा वडामा निशुल्क चल्ला सहित दाना बितरण गरिसकेको छ ।
चालू आर्थिक वर्षको वार्षिक स्वीकृत कार्यक्रम अनुसार पुतलीबजारका १२, १३ र १४ मा कुखुराको चल्ला तथा दाना वितरण गरिएको हो । यसअघि वडा नं. १, २, ३, ४, ५, ६, ७, ८, ९, १० मा अघिल्लो साता नै बितरण गरिसकेको छ । अब, वडा नं. ११ मा बाँकी छ ।
नगरपालिकाले कुखुरा पालक किसानलाई कुखुराका चल्ला र दाना उपलब्ध गराउदै आएको छ ।
वडामा रहेका विपन्न परिवारलाई लक्षित गर्दै उनीहरुका आयस्तरमा समेत बृद्धि गराउने हेतुले चल्ला र दाना समेत उपलब्ध गराइएको नगरप्रमुख तुलसीराम रेग्मीले बताउनुभयो ।
बितरित ती चल्लाले अण्डा र मासु दिने खालका रहेको जनाउदै प्रमुख रेग्मीले किसानका लगाव, परिश्रम र उत्पादन हेरेर आउदा दिनमा पनि यस्ता अभियानजारी राख्ने जानकारी गराउनुभयो ।
कृषि उत्पादनमा प्रोत्साहन, किसानका जीविकोपार्जन तथा आयआर्जनमा थप सहयोग पुर्याउने उद्देश्यले कुखुराका चल्ला सहित दाना उपलब्ध गराइएको प्रमुख रेग्मीको भनाई छ । बितरित ती चल्लाले अण्डा र मासु दिने खालका रहेको बताइएको छ ।
बितरण कार्यक्रममा वडा नं १२ का अध्यक्ष गुञ्जंिसह गुरुङ, १३ का अध्यक्ष जुद्धबहादुर थापा र १४ का अध्यक्ष गजिन्द्रप्रकाश मल्लले कुखुरा पालेर आत्मनिर्भर बन्न सकिनेमा जोड दिदै स्वच्छ अण्डा र मासु खान पाईने बताउनुभयो ।
वडा कार्यालयबाट सिफारिस भएका किसानलाई न्यु ह्य्म्प्सायर प्रजातिका कुखुराका चल्ला बितरण गरिएका हुन । बितरित चल्ला तथा दाना राष्ट्रिय पशु प्रजनन कार्यालय पोखराबाट उत्पादन गरिएका पशु चिकित्सक डा. पुष्पराज अधिकारीले जानकारी दिनुभयो ।