स्याङ्जा १० असोज । नेपालीहरुका यसबर्षका महान पर्वहरु वडा दशैं, दिपावली, नेपाल सम्बत, छठ, इद तथा ल्होसार पर्वको अवसरमा शुभकामना आदानप्रदान गरिएको छ ।
स्याङ्जा सदरमुकाम स्थित लक्ष्मी स्मृति सामुदायिक पुस्तकालय, सामुदायिक रेडियो तथा टेलिभिजनको आयोजनामा शुक्रवार पर्वहरुका बारेमा रेडियो संचालक, सल्लाहकार र कर्मचारीबीच शुभकामना आदानप्रदान गरिएको हो ।
शुभकामना ब्यक्त गदैृ पुस्तकालय, रेडियो तथा टेलिभिजनका अध्यक्ष धुवबन्धु पौडेलले आमसमुदायको मन र विश्वास जित्दै अघि बढेको पुस्तालय, रेडियो र टेलिभिजनलाई समायानुकुल परिमार्जित गर्दै अघि बढ्ने बताउनुभयो । सबैका अपनत्व हुनेगरी र भावनालाई समेट्दै अघि बढेको बताउदै रेडियो र टेलिभिजन डिजिटल माध्यम र पुस्तकालयलाई इ लाइब्ररीका रुपमा अघि बढीरहेको पनि जानकारी गराउनुभयो ।
कार्यक्रममा सल्लाहकार संयोजक अनन्तराज मरासीनी, सल्लाहकारहरु एवं क्रमश ः वरिष्ट साहित्यकार विश्वप्रेम अधिकारी, पूर्व जिविस सभापति रामबहादुर थापा, अधिवक्ता तुलसी गिरी, रेडक्रस सोसाइटी स्याङ्जाका पूर्वसभापति चन्द्रमणी पौडेल, वरिष्ट पत्रकार ओमप्रकाश शर्मा, संचालक समितिका सदस्यहरु राम शर्मा पोखरेल, कमला मरासिनी, मोहन आचार्य लगायतले शुभकामना सहित राय सुझाव ब्यक्त गर्नुभएको थियो ।
पुस्तकालय, रेडियो तथा टेलिभिजनका अध्यक्ष धुवबन्धु पौडेलको अध्यक्षतामा सम्पन्न कार्यक्रममा वरिष्ट उपाध्यक्ष यादवराज शर्माले स्वागत, कोषाध्यक्ष चन्द्रमणी पौडेलले आर्थिक गतिबिधि, प्रमुख ब्यवस्थापक रमेश गोदारले प्रशासनिक गतिबिधिका बारेमा जानकारी गराउनु भएको थियो भने सचिव बलराम दोरंगाले कार्यक्रम संचालन गर्नुभएको थियो ।
सोही कार्यक्रममा संचालक समिति, सल्लाहकार समिति र कर्मचारीबीच शुभकामना आदानप्रदान सहित अन्र्तक्रिया गरिएको थियो ।