स्याङ्जा २२ असार । पुतलीबजार नगरपालिकाको १७ औ नगर सभाले उपप्रमुख देवी अर्यालद्वारा प्रस्तावित बजेट पारित गरेको छ । यसअघि २ साताअघि बसेको नगरसभाले नीति तथा कार्यक्रम यसअघि नै पारित गरिसकेको थियो ।
पालिकाले आर्थिक बर्ष २०८२÷०८३ का लागि १ अरब ३ करोड ९६ हजारको बजेट बिनियोजन गरेको छ । बजेटको चालु तर्फ ६४ करोड ८ लाख र पुँजीगततर्फ ३९ करोड ८८ लाख विनियोजन गरिएको छ ।
यसैगरी, नगरसभामा बिभिन्न क्षेत्रमा योगदान पुरयाउनु हुने १७ जना ब्यक्तित्वलाई पनि सम्मान गरेको छ । शनिबार सम्पन्न सभामा नगर प्रमुख तुलसीराम रेग्मी, नगर उपप्रमुख देवी अर्याल , प्रमुख प्रशासकिय अधिकृत धर्मराज ढुंगानाले उहाँहरुलाई दोसल्ला, करुवा सहित सम्मानपत्रले सम्मान गर्नुभएको हो ।
सम्मान पाउनु हुनेमा कृषक भोलानाथ रेग्मी, महिला उद्यमि ईन्द्रा थापा, निर्माणकर्मी ओम बहादुर वि.क., कलाकार कमलापती रेग्मी, करदाता पवी कुमाल, संखपुर सामुदायिक भवन निर्माण उपभोक्ता समितिका अध्यक्ष नरकाजी गुरुङ, फोहोरमैला बर्गिकरणकर्ता टसकुमारी सार्की, कार्यालय सहयोगी द्धय लालुमाया अधिकारी र हरिकेदार श्रेष्ठ, रेडियोकर्मी पवन मरासीनी, निबृत्त प्रअ मुक्तिप्रसाद रेग्मी, दियालो आमावि प्रअ हरिप्रसाद कोइराला रहनु भएको छ ।
यसैगरी, नगरपालिकाका कर्मचारीतर्र्फ सहायक कम्प्यूटर अपरेटर निर्मला अर्याल, अहेव मित्रप्रसाद अर्याल, सहायक पाचोै मोनिका गुरुङ, छैटौं तहका डोलराज ढकाल, इन्जिनियर सुदिप बराललाई सम्मान गरिएको नगरपालिकाले जनाएको छ ।
