स्याङ्जा ४ साउन । साउनको महिना शिवकै महिमा। सोही अवसर पारेर पहेंला र सिन्दुरे रंगका कपडा लगाएर मन्दिर मन्दिर धाउने प्रचलन पनि ह्वात्तै बढेको छ ।
हरेक बर्षको साउन महिनामा वालिङ् बोलबम समितिद्धारा पनि धार्मिक यात्रा हुने गर्दछ। यसबर्ष पनि बोलबम समितिको आयोजनाकम ७८ जना युवा जिल्लाबाहिर बोलबम यात्रामा निस्किएका छन ।
उहाहरुको यो २२ औं श्रृंखला हो। विस २०६० सालदेखि सुरु गरिएको यात्रा आजसम्म बर्षेनी निरन्तर जारी छ। सुबिधायुक्त २÷३ बसमा खाद्यान्न सहित आफुलाई आवश्यक पर्ने र अन्यलाई सहयोगका निम्ति सहयोगी सामाग्री लिएर उनीहरु निस्कन्छन। धार्मिक यात्रासंगै उनीहरुले दान र सहयोग पनि गर्दै आएका छन ।
धार्मिक पर्यटन प्रवद्र्धन गर्ने उद्देश्यले वालिङबाट सुरू गरेको वोलवम यात्रीले आइतबार (आज) देखि यात्रा सुरु गरेका हुन। यसैगरी, उनीहरुले देशभरका धेरै तिर्थस्थलको यात्रा गरिसकेका छन।
यस वर्षको यात्रा दोलखा भिमेश्वर, कालिञ्चोक सहित २३ जिल्लाका प्रमुख धार्मिक स्थलको दर्शन गर्ने लक्ष्य सहित प्रारम्भ भएको सहभागी गोपिकृष्ण रेग्मीले जानकारी दिनुभयो । युवाहरूको सक्रियतामा धार्मिक एवं सहयोग भ्रमण हुदै आएको छ। सहभागिहरुले मानव सेवा आश्रमलाई सहयोग गर्दे यात्रामा हिड्ने गरेका हुन्छन ।
वोलवम यात्रीहरूलाई वालिङस्थित केदारनाथ मन्दिरबाट गण्डकी प्रदेशसभा सदस्य कल्पना तिवारी लगायत स्थानीयबासीले बिदाइ गर्नुभएको थियो । समितिका अध्यक्ष दिपेन्द्र तिवारीले सामाजिक सेवाभावसंगै थालिएको धार्मिक वोलवम यात्राले धार्मिक जागरण ल्याउनुका साथै सामाजिक एकता र सद्भाव बढाएको बताउनुभयो ।
एक हप्ते यात्राको पहिलो दिन लम्जुङको राईनासकोट, दोस्रो दिन काठमाण्डौं, भक्तपुर हुँदै दोलखा कालिञ्चोक र जिरी, त्यसपछि सिन्धुली, रामेछाप, मकवानपुर लगायत जिल्लाका प्रमुख धार्मिक स्थलहरूको अध्ययन, अवलोकन, भ्रमण र दर्शन गर्दै फर्कने कार्यक्रम तय भएको पनि अध्यक्ष तिवारीले जानकारी गराउनुभयो ।
यात्रा प्रारम्भ समारोहमा वोलवम समितिले मृगौला पीडित, क्यान्सर पीडित र गौशालालाई आर्थिक सहयोग गरेको जनाउनुभएको छ ।