स्याङ्जा १ कात्तिक । स्याङ्जा सहयोग समाज अन्तर्राष्ट्रिय समन्वय समितिको छैटो विश्व सम्मेलन तथा नवौं अधिवेशनको शनिवार उदघाटन गरिएको छ ।
रोजगारका शिलशिलामा बिभिन्न देशहरुमा रहेका स्याङ्जालीहरूलाई एकबद्ध गर्दै जन्मभूमिको सेवामा समर्पित हुने उदेश्यले स्याङ्जा सहयोग समाज अन्तर्राष्ट्रिय समन्वय समिति गठन भएको हो ।
अधिवेशनको उदघाटन गर्दै जिल्ला समन्वय समिति स्याङ्जाका प्रमुख श्रीप्रसाद घर्तिले रोजगारका निम्ति बिभिन्न देशमा पुगेका युवालाई बिदेशी सीप स्वदेशमा लगानी गर्न सुझाव दिनुभयो । जन्मभूमिलाई जहाँ पुगे पनि भूल्न नहुने उहाको भनाई छ । नेपालको समृद्धीका लागि तपाई हाम्रो आवश्यकता परेको जनाउदै सबैले आ आफनो क्षेत्रबाट सहयोग गर्नु पर्ने उहाले बताउनुभयो ।
बिभिन्न देशमा भएका विकासका प्रगती तथा सीपलाई सिको गर्दै जन्मथलोमा उपयोग गर्ने वातावरण निर्माणका लागि स्थानीय, प्रादेशिक तथा संघीय सरकार लगायत सरोकारवाला सबै पक्षको सहयोग आवश्यक पर्ने प्रमुखको भनाई छ ।
कार्यक्रममा उपप्रमुख खडगराज सुवेदी, आँधीखोला गाउँपालिकाका अध्यक्ष विश्व पौडेल, समाजका पूर्वअध्यक्षहरु एवं संरक्षकहरु क्रमश ः अनन्तकुमार श्रेष्ठ, राजेशदर्शन अर्याल, जीवन न्यौपाने, टुकराज अर्याल, सल्लाहकार रामु बश्याल, समाजसेवी डा दिलबहादुर क्षेत्री, संस्थापक सदस्य ओमप्रकाश शर्माले समाजले जिल्लामा पुरयाएको सामाजिक सेवाका बारेमा जानकारी गराएका थिए । कोरोना संक्रमण, बाढी पहिरा, आगलागीको विपत्ती सहित स्वास्थ्य तथा अन्य आवश्यक सेवामा समेत समाजको सहयोग रहेको बक्ताहरुका भनाई छ ।
यसैगरी, साउदी अरेवियाबाट प्रतिनिधित्व जनाउदेै मोहन एस.के., बहराइनबाट एल.बी. राना, अमेरिकाबाट अमर अधिकारी, दक्षिण कोरियाबाट रत्न गुरुङ, जापानबाट बेद कार्की, कतारबाट श्यामप्रकाश मानन्धर, यूएईबाट राजु पाण्डेले आ आफना संस्थागत कार्यका बारेमा जानकारी, समस्या र चुनौतीका बारेमा जानकारी गराएका थिए ।
स्याङ्जा सहयोग समाज अन्तर्राष्ट्रिय समन्वय समितिका अध्यक्ष विरेन्द्रजंग केसीको अध्यक्षतामा सम्पन्न कार्यक्रममा उपाध्यक्ष इन्दिरा खनालले स्वागत र महासचिव राजेश पाण्डेले संचालन गर्नुभएको थियो । सामाजिक क्षेत्रमा सहयोग पुरयाएको भन्दै झण्डै एक दर्जन जनालाई सम्मान गरिएको थियो ।