स्याङ्जा १३ बैशाख । बिल नभएका चिनी, भुजा, केराउ भरिएको ट्रक सहित ३ जनालाई प्रहरीले नियन्त्रणमा लिएको छ । नियन्त्रणमा रहेका ती सामाग्री मूल्य १० लाख भन्दा बढीको छ ।
गल्याङ् नगरपालिका १ स्थित राम्दी प्रहरी पोष्टले २ सय १० बोरा चिनी, ३९ बोरा भुजा र १८ बोरा केराउ राखिएको ट्रक सहित चालक र सहचालकलाई पक्राउ गरिएको प्रहरी नायब उपरीक्षक हरिप्रसाद पौडेलले जानकारी दिनुभयो ।
प्रहरीका अनुसार चिनी प्रति बोरा ५० किलोका, भुजा प्रतिबोरा ५ किलोका र केराउ प्रतिबोरा ३० किलोका छन । बुटवलबाट पोखरातर्फ आँउदै गरेको लु. २ ख. १९२१ नम्बरको मिनि ट्रकमा ल्याउदै गर्दा राम्दीमा चेकजाचका क्रममा भेटिएका हुन ।
चालक रुपन्देहीको सुद्धोधन गाउँपालिकाका २४ बर्षिय बसन्त परियार र सहचालक पाल्पाको रैनादेवी गाउँपालिकाका ४० बर्षिया सुमन विक र रुपन्देहीको सियारी गाउँपालिकाका २३ बर्षिय दिप्सन सुनार रहेको प्रहरीले जनाएको छ ।
थप अनुसन्धानकालागि पक्राउ परेका ३ जना सहित बिल नभएका ती सबै सामान राजस्व अनुसन्धान कार्यालय बुटवल पठाईएको प्रहरीको भनाई छ ।