स्याङ्जा १० फागुन । संघिय सरकारका मुख्यसचिव एकनारायण अर्यालले स्याङ्जा जिल्लाको विकासको योजना बनाएर आफुलाई उपलब्ध आउन आग्रह गर्नुभएको छ ।
सातौं स्याङजा महोत्सवलाई शुक्रवार सम्बोधन गर्दै मुख्यसचिव अर्यालले विकास र समृद्धिका योजना पु¥याउने ठाउँमा आफु रहेकाले सो अवसरको सहीसदुपयोग गर्न समेत उहाले सुझाव दिनुभयो ।
मुख्यसचिव अर्यालले भन्नुभयो, ‘जिल्लाको समग्र विकास निर्माणका लागि बलियो योजना बनाएर जिम्मा दिनुहोस त्यसका लागि सरकार समक्ष पु¥याउनेछु। सिद्धार्थ राजमार्ग विस्तार, खानेपानी आपूर्ति, फोहोरमैला ब्यवस्थापन लगायतका आवश्यक योजना निर्माणकालागि सहयोग गर्नेछु।’
कुलपुजा सहित बिबिध कार्यक्रम सहित गृहजिल्ला आएका मुख्यसचिव अर्यालले सुझाए ‘स्याङ्जा बन्नुपर्छ । जिल्ला बनाउनुहोस्। तपाईका हातमा हात र साथमा साथ मिलाएर अघि बढ्नेछु ।’
बिकासका निम्ति निजी क्षेत्रको योगदान प्रशंसनिय रहेको उहाले बताउनुभयो । निजी क्षेत्रको प्रवद्र्धन एवं सहजीकरणका लागि नेपाल सरकारले सुधार गरेको उहाले जनाउदै उत्पादन, बजारीकरण र निर्यातकालागि सहजीकरण पुग्नेमा समेत उहाले दावी गर्नुभयो ।
प्रशासनिक सहित कलाकारिता क्षेत्रमा आफनो नाम गौरबका साथ राख्न स्याङ्जा सफल भएको उहाको भनाई छ । सिद्धार्थ राजमार्ग बिस्तार गर्नुपर्नेमा थपजोड दिदै यस्ता मेला महोत्सवले आर्थिक तथा सामाजिक गतिबिधि चलायमान हुनेमा जोड दिनुभयो ।
कार्यक्रममा प्रमुख जिल्ला अधिकारी सुनिता नेपाल, जिल्लाका अवस्था, अवसर र विकासका आवश्यकताका बारेमा संक्षिप्त जानकारी गराउनु भएको थियो ।
जिल्ला उद्योग वाणिज्य संघ स्याङ्जाका अध्यक्ष महादेब श्रेष्ठको अध्यक्षतामा सम्पन्न कार्यक्रमको संचालन महासचिव रविन केसीले गर्नुभएको थियो ।
स्याङ्जा जिल्ला उद्योग वाणिज्य संघको आयोजनामा सञ्चालित प्रदेश स्तरको सास्कृतिक, कृषि, पर्यटन, औद्योगिक व्यापार मेला एवम् सातौ स्याङ्जा महोत्सव फाल्गुन १८ गते सम्म संचालन गरिने संघले जनाएको छ ।
मुख्यसचिव अर्यालको पुतलीबजार नगरपालिका ११ जन्मस्थान हो। बि.सं. २०४६ सालमा निजामती सेवामा प्रवेश गरेका अर्याल २०८१ भाद्र १३ गते प्रशासनिक क्षेत्रकै शिर्षस्थान मुख्य सचिब हुनु भएको हो ।