स्याङ्जा २८ माघ । पुतलीबजार नगरपालिका १४ स्थित रजस्थल माध्यमिक बिद्यालयमा अध्ययरत २० जना बिद्यार्थीलाई शैक्षिक सामाग्री सहित एउटा मादल प्रदान गरिएको छ ।
सोही वडाका जनप्रतिनिधि अर्थात वडा सदस्य मुवारक मियाले ब्यक्तिगत खर्चमा २० हजार मूल्य बराबरको कपी, कलम, किताव सहित मादल प्रदान गरेको बताउनुभयो ।
एसईइको तयारीका लागि सोही बिद्यालयको होस्टलमा बसेर अध्ययन गर्दे आएका बिद्यार्थीको शैक्षिक कार्यमा सहयोग गर्नुका साथै मनोरंजनका लागि मादल दिएको सदस्य मियाले भन्नुभयो ।
वडासदस्य मियाले भन्नुभयोे, ‘नजिकिदै गरेको एसईइलाई मध्यनजर गर्दै शैक्षिक सामाग्री दिन आवश्यक छ भन्ने लाग्यो, अनि, अन्य समयभन्दा यतिबेला बढी पढ्नु पर्ने हुदाँ केही समय मनोरंजन गर्न सजिलो होला भनि मादल दिएको हुँ।’
उहाले सोमबार बिहान बिद्यालयमा पुगेर ती सामाग्री हस्तान्तरण गरेको बिद्यालय ब्यवस्थापन समितिका अध्यक्ष प्रकाश पौडेलले जानकारी दिनुभयो ।
