स्याङ्जा, १२ भदौ । स्याङ्जाको भीरकोट नगरपालिकाले शतप्रतिशत योजनाको काम गरेको जनाएको छ । आर्थिक वर्ष २०८१÷०८२ मा कार्ययोजना अनुरुपतयार गरिएका २३८ योजनाहरुको काम गरेको हो । वार्षिक कार्ययोजनामा समाबेश भएका योजनाहरु उपभोक्ता समिति र ठेक्का प्रक्रियाबाट शतप्रतिशत काम गरेको छ ।
कार्ययोजनामा सडक, भवन, सिँचाइ, खानेपानी, पर्यटन पूर्वाधार निर्माण, विस्तार रमर्मत समेतका सानाठूला गरि २३८ योजना थिए । योजना निर्माण गर्न १५ करोड ३८ लाख ९१ हजार विनियोजन भएकोमा ११ करोड २३ लाख ५१ हजार ३३८ रुपैयाँ खर्चेर नगरपालिकाले लक्ष्य अनुसार शतप्रतिशत योजनाको काम गरेको जनाएको छ ।
नगरपालिकाले गएको वर्ष २३१ योजना उपभोक्ता समिति मार्फत काम गरेको नगरप्रमुख गोविन्द कुमार कर्मार्चायले जानकारी दिए ।सडक, तटबन्धन सहित ५ वटा योजना ठेक्काबाट निर्माण गरेको बताउँदै नगरप्रमुख कर्माचार्यले योजना अनुसारपार्कभित्र स्वीमिङ्ग पुल र ताल निर्माणका दुई योजना प्रदेश सरकारको विषेश अनुदानबाट खर्चनेगरि बहुवर्षिय ठेक्कामा काम भईरहेको जनाउनुभयो ।
ठेक्का प्रक्रियाबाट नगरको सबैभन्दा ठूलो योजना आँधीखोला तटबन्धनको काम गरिएको छ । तिन करोड ७३ लाख ६९ हजार ४९८ रुपैयाँमा आँधीखोलाको झण्डै ११ सय मिटर दोहोरो (वारिपारि) तटबन्ध गरिएको छ ।बर्खासँगै बढेर आउने आँधीखोलाले कटान गर्ने सयौं रोपनी खेतीयोग्य जमिन र एक खेलमैदानलाई तटबन्धनले सुरक्षित गरेको नगरपालिकाले जनाएको छ ।
बयरघारी मोहनडाँडा–ठूलिभञ्ज्याङ् पर्वतहिले सडक एक करोड ८७ लाख ५८ हजार ९२० रुपैयाँमा ठेक्का लगाएर १.५० किलोमिटर सडक निर्माण गरेको नगरपालिकाका योजना प्रमुख यामप्रसाद रेग्मीले बताए । गएकै वर्ष ठेक्काबाट पालिकाको पर्यटकीय क्षेत्र सुन्दरबजार–स्वरेक मैदानजोड्ने सडक ६४ लाख ६७ हजार ८२४ रुपैयाँमा झण्डै एक किलोमिटर निर्माण गरिएको उहाले बताउनुभयो । बयरघारीबाट मैदानको दुरीमा करिब १३ किमि सकड बन्नुपर्नेमा ५ किलोमिटरबनेको छ भने चालु वर्षमा पर्यटकीय क्षेत्र स्वरेक मैदान पक्की सडकले जोडिने योजना प्रमुख रेग्मीले दावी गर्नुभयो ।
प्रदेश सरकारको विषेश अनुदानमा भीरकोट पार्कभित्र स्वीमिङ्ग पुल निर्माणमा ५३ लाख ४१ हजार ४११ रुपैयाँ खर्च भएको छ । प्रदेशकै ३७ लाख १८ हजार ५६१ रुपैयाँमा ताल (पोखरी) निर्माण गरिएको छ । नगरको विषेश पहलमा प्रदेश सरकारले पोखराको तालबाराही मन्दिरको स्वरुपमा निर्माणधिन ताल र मन्दिर निर्माणको काम यहि वर्ष सकिने नगरपालिकाले जनाएको छ ।
आर्थिक वर्ष २०८१÷०८२ मा नगरपालिकाको ७८ करोड २६ लाख ९१ हजार कुल बजेटमा चालु ६० कारेड ७३ लाख ८० हजार १३० रुपैयाँ र पुँजीगत शिर्षकमा १७ करोड ५१ लाख ५० हजार रहेको थियो । चालुतर्फ ५५ करोड ५८ लाख २४ हजार २२८ रुपैयाँ अर्थात झण्डै ९२ प्रतिशत र पुँजीगत खर्चतर्फ करिब ६७ प्रतिशतले हुने ११ करोड ६६ लाख ११ हजार ५८५ रुपैयाँ खर्च भएको नगरपालिकाले जनाएको छ ।
शतप्रतिशत योजनाको काम गरेको नगरपालिकाले गएकै वर्ष १२ दशमलब ३५ प्रतिशत बेरुजु फछ्र्यौट गरेको छ । दुई करोड ९६ हजार ४३ हजार कुल बेरुजुमा ३६ लाख ६६ हजार ६३७ रुपैयाँ फछ्र्यौट गरेको नगरपालिकाले जानकारी दिएको छ ।