काठमाडौ ३० असार । आदिकवि भानुभक्त आचार्यको २१२ औं जन्मजयन्ती पारेर रचना वाचन तथा शान्ति साहित्यिक सभाको आयोजना गरिएको छ ।
काठमाडौको पीस एम्बेसी भवन नक्सालमा भएको सो कार्यक्रमको उदघाटन भिम उप्रेतिले गर्नुभएको थियो । सोही कार्यक्रममा बोल्दै उहाँले समाजको वास्ताविकतालाई बिभिन्न साहित्यका माध्यमबाट उजागर गर्ने साहित्यिक यात्रीहरु एक ठाउँमा उभिनु पर्नेमा जोड दिनुभयो ।
भानुभक्तका योगदानका बारेमा चर्चा एवं परिचर्चा गर्दै अमूल्य जीवनको यर्थाथता बुझेर आ आफना स्थानबाट समाज र राष्ट्रका लागि योगदान गर्नुपर्ने उहाँले भन्नुभयो ।
बिश्व शान्ति तथा एकिकृत परिवार संघ र सिद्धान्त अनुसन्धान महाबिधालय संघको संयुक्त आयोजनामा आयोजित साहित्यिक कार्यक्रममा १ लाख १ रुपैया राशीको शान्ति साहित्यक पुरस्कारको धोषणा गरिएको छ ।
कार्यक्रममा विश्व शान्ति तथा एकीकृत परिवार संघ, दक्षिण एसियाका निर्देशक एवं गीतकार कृष्णबहादुर अधिकारी सेवकले सो पुरस्कारको घोषणा गर्नुभएको हो ।
अधिकारीले आदिकवि भानुभक्त आचार्यको जन्म दिन नेपाली भाषाको गौरव गाउने महान दिन भएको बताउनुभयो । अधिकारीले नेपाल मात्र नभइ दार्जलिङका पहाडसम्म दौरा सुरुवाल, गुन्युचोलो, नरसिंहा, झ्याम्टोको संयोजनले गुञ्जायमान हुने गरेको जानकारी गराउनुभयो ।
संसारभर नेपाली भाषाको र भानुभक्तको प्रशंसाको सुरुवात हुनु अद्वितीय उदाहरण भएको अधिकारीको भनाइ छ । ‘भानु जयन्ती केबल जन्मजयन्ती होइन, नेपाली भाषाको गौरव गाउने महान दिन हो,’ उहाले भन्नुभयोे, ‘नेपाल मात्र होइन, दार्जलिङका पहाडसम्म दौरा सुरुवाल, गुन्युचोलो, नरसिंहा, झ्याम्टोको संयोजनले गुञ्जायमान हुनु र संसारभर नेपाली भाषाको र भानुभक्तको प्रशंसाको शुरुवात हुनु अद्वितीय उदाहरण हो ।
अधिकारीले नेपाली भाषालाई अझ प्रगतिशिल र विश्व साहित्यको हिस्सा बनाउने प्रण गर्न जरुरी रहेकोमा जोड दिनुभयो । गीतकार अधिकारीले बिश्व शान्तिका अभियान्ता डा.सन म्याङ्ग मुन र डा.हाक जा हान मुनको प्रेरणाा बाटै आफूले साहित्य मार्फत शान्ति स्थापना गर्न सकिएकोे भनेर शान्ति साहित्यक कार्यक्रममा भन्नुभयो ।
कार्यक्रममा सन्तोष कुमार पोखरेल, स्नेह सायमी र रन्जना निरौला, कृष्ण बाउँसmे, भोज कुमार धमला ,गंगा खतिवडा, दिप डाँगी, रिता खतिवडा, सुभाष सिह पराजुली लगायतका १८ जना कविले भानुभक्तका किर्ति तथा योगदान सहित समसामयिक घटनालाई उजागरगरी राम्रा नराम्रा पक्षका बारेमा चर्चा गर्दै कविता वाचन गर्नुभएको थियो ।
आयोजक निर्देशक एवं गीतकार अधिकारीको अध्यक्षतामा सम्पन्न कार्यक्रमका एच बि खत्रीले स्वागत, समाजसेवी विनोद डांगीले धन्यवाद र कवि रुपसिह भण्डारीले सञ्चालन गर्नुभएको थियो ।