स्याङ्जा १६ कात्तिक । प्रहरी निरीक्षक प्रवेश तिवारी असोज महिनाको ‘उत्कृष्ट जिल्ला प्रहरी छनौट’ मा पर्नु भएको छ ।
जिल्ला प्रहरी कार्यालय स्याङ्जाको अपराध अनुसन्धान शाखा प्रमुखको जिम्मेवारी कुशलतापूर्वक सम्हाल्दै आएका तिवारीलाई स्याङ्जा प्रहरी प्रमुख दधिराम न्यौपानेले उत्कृष्ठ प्रहरी घोषणा गर्दे आइतवार कार्यालयमै ‘बेष्ट पोलिस अफ द मन्थ’ को प्रमाणपत्र हस्तान्तरण गर्नुभएको छ ।
विभिन्न अपराध अनुसन्धानका कार्यदेखि कार्यालयको सांगठनिक नीति निर्देशन बमोजिम आफुलाई प्रदान गरिएको जिम्मेवारीलाई ईमान्दार, वफादार र कर्तब्यनिष्टभइ उच्च व्यावसायिक सुझबुझका साथ सम्पादन गर्दै आएको प्रहरी उपरीक्षक न्यौपानेको भनाई छ ।
उहाँका अनुसार, ‘गएको असोज महिनामा नियन्त्रित लागूऔषध सहित २ जना, सुन चोरीमा संलग्न एक महिला, फरार १३ जनालाई पक्राउ गर्न सफल भएका छन । जसका कारण १ वर्ष ७ महिना ४ दिन कैद सजाए र ११ लाख ७१ हजार २०७ जरिवाना रकम असुल भएको छ ।’
यसैगरी, जेन–जी आन्दोलनका क्रममा विभिन्न जिल्लाका कारागारबाट फरार ८ जना कैदीलाई पक्राउ गर्नुका साथै नदिजन्य पदार्थ उत्खनन र ओसार–पसारमा संलग्न १ वटा जेसिबी र २ वटा ट्याक्टर नियन्त्रणमा लिएर कानूनी कारवाही गरिएको प्रहरीले जनाएको छ ।
“उत्कृष्ट प्रहरी छनौट कार्यविधि २०८१” अनुरुप प्रहरी कार्यालयले प्रत्येक महिनामा उत्कृष्ट प्रहरी चयन गर्दै प्रमाणपत्रले सम्मान गर्दे आएको छ । यस्ता कार्यले प्रहरी कर्मचारीको मनोबल र आत्मबल बढाउने गरेको कार्यालयमा कार्यरत प्रहरीको भनाई छ ।