स्याङजा ४ जेठ । “भोकालाई एक छाक भोजन होइन,जिउने जुक्ति सिकाऔ“ भन्ने मुल अभियान सहित गल्याङ नगरपालिकाको वडा नम्बर ५ मा २५ वटा विउ बाख्रा वितरण गरिएको छ ।
विपन्न परिवारको जीविकोपार्जनमा सुधार आई व्यवसायिक उत्पादनमा सहयोग पुरयाउने उद्देश्यले गल्याङमा सो परियोजना संचालनमा छ । आर्थिक समृद्धिका लागि साझेदारी कार्यक्रम गल्याङ कृषि तथा पशु उधमशिलता विकास परियोजना अन्तर्गत २५ वटा विउ बाख्रा प्रदान गरिएको हो ।
उपप्रमुख हेमा न्यौपानले बाख्रा हस्तान्तरण गर्दै आयआर्जन बढाई आत्मनिर्भर बन्न सुझाव दिनुभयो । गल्याङ नगरपालिका र हेफर प्रोजेक्ट नेपालको आर्थिक तथा प्राविधिक सहयोग एवं नयाँ गोरेटो सस्थाको सहजीकरणमा ५ का सल्यान, जोगिमारा र रुपाखानी स्वावलम्वन महिला समुहका सदस्यहरूलाई २५ वटा विउ बाख्रा प्रदान गरिएको हो ।
कार्यक्रममा ५ का वडा अध्यक्ष घनश्याम भट्टराई ,कार्यपालिका सदश्य चन्द्रकला गौडेल, हेफर नेपाल का कार्यक्रम अधिकृत शोभाखर न्यौपाने, वसन्त भलामी लगायत समुहमा आवद्द उधमी महिलाले आम्दानी सगै आत्मनिर्भर बनाउने सकिनेमा जोड दिनुभयो ।