नवलपुर १ कातिक । दत्तनारायण — पदम श्रेष्ठ स्मृति प्रतिष्ठान र देवचुली प्राथमिक बिद्यालयको संयुक्त आयोजनाा बैदिक सनातन धर्म, संस्कार र संस्कृति संरक्षण बिषयक बिचार गोष्ठी सम्पन्न भएको छ ।
गोष्ठीको उदघाटन गर्दे हिन्दु स्वयंसेवक संघका सहचालक बिष्णुप्रसाद पौडेल (गुप्तेश्वर) ले हिन्दु धर्ममाथि चौतर्फी आक्रमण भएको हुँदा बैद्धिक सनातन हिन्दू धर्म, संस्कार र संस्कृतिको संरक्षणमा सम्पूर्ण ओमकार परिवार संगठित हुनुपर्ने बताउनुभयो । सनातन हिन्दु संस्कारले मानिसमा कलुषित भावना पैदा गर्नमा नियन्त्रण गर्ने भन्दै गलत कार्य गर्न निरुत्साहित गर्दछ पौडेलले भन्नुभयोे ।
संगठितरुपमा केही शक्ति धर्मको आडमा हिन्दुत्व समाप्त पार्न उद्यत रहेको आरोप लगाउदै पौडेलले सम्पूर्ण ओमकार परिवार एकाकार भएर प्रतिरोध गर्नु पर्ने कुरामा जोड दिनुभयो । सो अवसरमा बिद्यालय प्रांगणमा स्थापित दुर्गाभवानी देवीको मन्दिरमा पौडेलले घण्टी प्रदान गरेका गर्नुभयो ।
बिद्यालय ब्यवस्थापन समितिका अध्यक्ष डिल सिंह जर्घामगरको अध्यक्षतामा भएको कार्यक्रमम पूर्व प्रशासक महेन्द्रमान ब्यथितले बैदिक सनातन धर्म, संस्कार, संस्कृति नेपालको मौलिक र अभिन्न अंग बनिसकेको हुँदा हिन्दुको पहिचान गुम्न नदिन अक्षुण्य राख्नु पर्ने कुरामा जोड दिनुभयो । मुलुकमा राजनीतिले धर्मलाई डो¥याउने होइन कि बैद्धिक सनातन धर्म अनुरुपको राजनीति आवश्यक छ, ब्यथितले भन्नुभयोे ।
बिद्यालयका प्रधानाध्यापक पदमबहादुर पाटा मगरले स्वागत गरेको उक्त कार्यक्रममा समाजसेवी देवबहादुर लुङगाली मगर, राप्रपाका कुल बहादुर क्षेत्री, वडा अध्यक्ष दिलंसिंह जर्घा मगर, कांग्रेस नेतृ कोपिलादेवी श्रेष्ठ, दुर्गा मन्दिरका संरक्षक पूर्णबहादुर जर्घा मगरले आ आफनो धारणा ब्यक्त गरेका थिए ।
कार्यक्रममा बिद्यार्थीलाई कापी कलम र पोशाक बितरण गरिएको सो कार्यक्रममा कृष्णलीला नाँच प्रर्दशन गरिएको थियो ।