स्याङ्जा २ जेठ । गण्डकी प्रदेश सरकार सामाजिक विकास युवा तथा खेलकुद मन्त्रालय अन्र्तगत ब्यावसायिक तथा सीप विकास तालिम केन्द्र पोखराले कला, संस्कृतिको दिगोपनाका लागि बाद्यवादनका सामाग्री बजाउन सिकाउने तालिम सुरु गरेको छ ।
तालिम केन्द्रको आयोजना तथा पुतलीबजार नगरपालिका वडा नं. १ को समन्वयमा वाद्यबादन सम्बन्धी १५ दिने तालिमको शुक्रबार औपचारिक उदघाटन गरिएको हो ।
तालिमको उदघाटन गर्दै नगरउपप्रमुख देवी अर्यालले कला संस्कृतिको संरक्षण गर्नका लागि यस्ता खालका तालिमको आवश्यक रहने बताउनुभयो । तालिमले विर्सदै गएको मौलिक सास्कृतिक कार्यक्रमलाई पुन स्मरण गराउने बताउनुभयो ।
नगरपालिकाले आजआर्जनसंगै आत्मनिर्भर बनाउनेगरि बिभिन्न सीपमूलक तालिम उपलब्ध गराएको जनाउदै कला, संस्कृति र वाद्यबादनको संरक्षण र सदुपयोग गर्नका लागि आवश्यक सहयोग गर्नै समेत उहाको भनाई छ ।
कार्यक्रममा प्रशिक्षक विजय गुरुङ, दुर्गादेवी सामुदायिक विकास केन्द्रका अध्यक्ष युवराज पराजुली लगायतले बाद्यबादन सिकाई तालिमबाट लाभ लिन सहभागीलाई सुझाव दिनुभएको थियो
ब्यावसायिक तथा सीप विकास तालिम केन्द्र पोखराका प्रमुख डिल्लीराज सुवेदीको अध्यक्षतामा सम्पन्न कार्यक्रममा वडा सचिव राम शर्मा पोखरेलले स्वागत एवं मोवाइल प्रशिक्षक सुवास लामिछानेले संचालन गर्नुभएको थियो ।
वाद्यवादन तालिममा मादल, बासुरी, हार्मोनियम, गितार, खैजडी लगायतका वाद्यवादन बजाउन सिकाईने छ । तालिममा पुतलीबजार नगरपालिकाका २२ जना सहभागि छन् ।