Author: Syangja Sandesh

काठमाण्डौ २३ जेठ / फिफा विश्वकप २०२२ कतार तथा एएफसी एसियन कप २०२३ को संयुक्त छनोटअन्तर्गत नेपालले भोली (सोमबार) जोर्डनसँग प्रतिस्पर्धा गर्दैछ । समूह ’बी’ अन्तर्गत कुवेत सिटीमा राति पौने दश बजे हुने खेल नेपालका लागि महत्वपूर्ण छ । खेलमा जित हात पारे मात्र नेपाल एसियन कप छनोटको तेस्रो चरणमा सिधैँ पुग्ने सम्भावना हुनेछ । ६ अंक जोडेर समूहको चौथो स्थानमा रहेको नेपालका लागि आठ समूहका उत्कृष्ट चार टिम बन्न जोर्डनसँग जित निकाल्नु पर्ने भएको हो । समूह ’एच’ मा रहेको उत्तर कोरियाले छनोटबाट नाम फिर्ता लिएका कारण कोरिया समूहको पाँचौ स्थानमा धकेलिएको छ । यसैले एएफसीले पाँचौ स्थानको टिमविरुद्ध…

काठमाण्डाै २३ जेठ / प्रतिनिधि सभा विघटनका मुद्दामाथिकाे सुनुवाई हेर्दाहेर्दैमा राखिएकाे छ । याे मुद्दाकाे सुनुवाइ भाेलि फेरि सुने हुनेछ ।  प्रतिनिधि सभा विघटनका मुद्दा सुनुवाइका लागि सर्वोच्च अदालतमा गठन भएको संवैधानिक इजलासको विषयलाई लिएर आज दिनभर किचलो भएको थियाे । प्रधानन्यायाधीश चोलेन्द्रशम्शेर जबराले यसअघिको इजलासका दुई जना न्यायाधीश बमकुमार श्रेष्ठ र तेजबहादुर केसीलाई हटाएर वरिष्ठ न्यायाधीशहरू दीपककुमार कार्की, मीरा खड्का, ईश्वरप्रसाद खतिवडा र आनन्दमोहन भट्टराई रहेको नयाँ इजलास गठन गर्नुभएको थियो । तर महान्यायाधीवक्ता रमेश बडाल र सरकार पक्षका अन्य वकिलले इजलास गठनको विषयलाई लिएर दिनभर असन्तुष्टि जनाएका थिए । उनीहरूले दीपककुमार कार्की र आनन्दमोहन भट्टराईलाई इजलासबाट हटाउन माग गर्दै निवेदन पेस गरेका छन् ।…

काठमाडौं, जेठ २३ । कर्णाली प्रदेशमा थपिएका दुई मन्त्रीले आइतबार शपथ लिएका छन् । कर्णाली प्रदेशका मुख्यमन्त्री महेन्द्रबहादुर शाही नेतृत्वको सरकारमा नियुक्त दिनबन्धु श्रेष्ठ र यज्ञबहादुर बिसीले आइतबार शपथ लिनुभएको हो । नेपाली कांग्रेसबाट सहभागी भएका हुन् । श्रेष्ठ जलश्रोत तथा ऊर्जा विकास र बिसीले सामाजिक विकास मन्त्रीको जिम्मेवारीको रूपमा सपथ लिनुभएको हो ।उहाँहरुलाई प्रदेश प्रमुख गोविन्दप्रसाद कलौनीले नवनियुक्त मन्त्रीहरूलाई पद तथा गोपनीयताको सपथ गराउनुभएको हो । २०७४ मा आफ्नै नेतृत्वमा स्थानीय, प्रदेश र प्रतिनिधि सभाको चुनाव गराएको नेपाली कांग्रेस सवा तीन वर्षपछि पहिलो पटक सत्तामा गएको छ। निर्वाचनपछि कुनै पनि प्रदेश र केन्द्र सरकारमा कांग्रेसका मन्त्री थिएनन्। आइतबार पहिलो…

स्याङजा, २३ जेठ । बुटवल पावर कम्पनी (वीपीसी) ले गल्याङ नगर अस्पतालका लागि झण्डै ७ लाख मूल्य बराबरको स्वास्थ्य सामाग्री हस्तान्तरण गरेको छ ।बुटवल पावर कम्पनी अन्र्तगतको आँधीखोला जलविद्युत केन्द्र गल्याङका प्रमुख डोलप्रसाद खरेलले नगरप्रमुख भूपराज अधिकारीलाई ती स्वास्थ्य सामाग्री हस्तान्तरण गर्नुभएको हो ।वीपीसीले २ वटा अक्सिजन कन्सन्टेटर, १ सय ५० वटा एण्टिजिन टेस्ट किट, ६ वटा अक्सिजन ग्याँस सिलिण्डर, १० वटा अक्सिजन रेगुलेटर, ८ वटा पल्स अक्सिमिटर, ३५ वटा पीपीई सेट र १५ वटा सर्जिकल पञ्जा उपलब्ध गराएको छ ।यसैगरी, १८ सय वटा मास्क, ८० लिटर हेण्ड सेनिटाइजर, ८० वटा फेस सिल तथा ५ सय वटा सर्जिकल हेड क्याप…

जापानकी चर्चित टेनिस स्टार नाओमी ओसाकाले जारी रहेको फ्रेन्च ओपन टेनिस प्रतियोगिताका बाँकी खेल नखेल्ने घोषणा गरेपछि टेनिस जगतमा हलचल मच्चिएको छ । फ्रेन्च ओपन टेनिसका आयोजकबाट हालै १५ हजार डलर जरिवाना सुनाइएकी ओसाका प्रतियोगिताबाट बाहिरिने घोषणा अहिले विश्वव्यापी चर्चामा छ । मानसिक स्वास्थ्यको कारण देखाउँदै उनले हालै एउटा खेलपछि पत्रकारसँग कुरा गर्न अस्वीकार गर्नुभएको थियो । त्यही कारण आयोजकले ओसाकालाई यही घटनाका कारण १५ हजार डलर जरिवाना गर्दै आगामी दिनमा पत्रकारसँग बोल्न अस्वीकार गरे प्रतियोगिताबाटै निस्कासित गर्ने चेतावनी दिएको थियो । तर उहा स्वयंले प्रतियोगिताबाट बाहिरिने घोषणा गर्नुभएको हो । तर त्यसको अर्कोदिन मंगलबार नै ओसाकाले आफैं प्रतियोगिताबाट बाहिरिने…

पोखरा २३ जेठ । मुख्यमन्त्रीको तयारी नपुगेपछि आइतबारका लागि डाकिएको गण्डकी प्रदेश सभाको बैठक स्थगित भएको छ । बजेटको सिद्धान्त र प्राथमिकताबारे छलफल टुंग्याएर रोकिएको बैठक सरकारले विस्वासको मत लिने बेला मात्रै खुल्ने भएको छ । संविधानतः जेठ २७ भित्रै मुख्यमन्त्री पृथ्वीसुब्बा गुरुङले विश्वासको मत लिनुपर्ने प्रावधान छ । सभामुख नेत्रनाथ अधिकारीले बिहीबारको बैठकमा २३ गतेका लागि अर्को बैठक बोलाउनुभएको थियो । तर सत्तापक्ष त्यसका लागि तयार भएन । ‘उहाँहरुले समय माग्नुभयो । सत्तापक्ष २७ गते बैठक बोलाएर एकैदिन सबै कार्यसूची सिध्याउने पक्षमा छ,’ उहाले भन्नुभयो, ‘अरुले माननीयलाई एजेन्डामाथि बोल्ने समय कम हुने भन्दै कम्तीमा २ दिन बैठक बस्नुपर्ने सुझाव…

काठमाण्डौ २२ जेठ । सेनाको अगुवाइमा भएको सफा हिमाल अभियान(२०२१ सम्पन्न भएको छ। नेपाली सेनाले जंगी अड्डामा भर्चुल कार्यक्रम गर्दै औपचारिक कार्यक्रम सम्पन्न भएको जानकारी गराएको हो। सगरमाथा, ल्होत्से, मकालु, धौलागिरी, पुमोरी र आमादब्लम गरेर ६ हिमालको सफाइको योजना साथ २०७७ चैत ३१ गतेबाट सुरु भएको अभियान जेठ १५ गतेसम्म सञ्चालन भएको थियो। अभियानको क्रममा २७ हजार ६७१ केजी फोहोर संकलन भएको थियो। जसमध्ये २५ सय ५ केजी फोहोर कुहिने र २५ हजार १६६ केजी फोहोर संकलन भएको हो। कुहिने फोहोर स्थानीय निकायलाई हस्तान्तरण गरिएको र नकुहिने फोहोर रिसाइक्लिङ एजेन्सीलाई दिएको सेनाले जनाएको छ। फोहोर सफाई अभियानको क्रममा सेनाले धवलागिरीको…

काठमाण्डौ २३ जेठ । नेपाली कांग्रेसका जिल्ला सभापतिहरूले राष्ट्रपति विद्यादेवी भण्डारीको भूमिकामाथि प्रश्न उठाएका छन्। असंन्तुलित र द्वैध भूमिका राष्ट्रपतिले देखाएकोमा गम्भीर ध्यानाकर्षण भएको उहाहरूको भनाइ छ। ‘वर्तमान राष्ट्रपतिको असन्तुलित र द्वैध भूमिकाप्रति समेत हाम्रो गम्भीर ध्यानाकर्षण भएको छ। कांग्रेसका सभापति एवं तत्कालीन प्रधानमन्त्री शेरबहादुर देउवालाई निर्वाचन घोषणा भएको कारण देखाएर मन्त्रिमण्डल पुनर्गठन गर्न सहमति नदिने, राष्ट्रिय सभाका लागि सिफारिस गरेका नाम जारी नगर्ने तर अहिले त्यसको ठीक विपरीत कामचलाऊ प्रधानमन्त्री केपी शर्मा ओलीलाई मन्त्रिमण्डल हेरफेर, विस्तारमा सहयोग पुर्‍याउने कुरा एकदमै दुर्भाग्यपूर्ण छ,’ जिल्ला सभापतिहरूले आइतबार निकालेको विज्ञप्तिमा उल्लेख छ। यस्तै उनीहरूले उपप्रधानमन्त्री राजेन्द्र महतोको अभिव्यक्तिमाथि पनि प्रश्न उठाएका छन्।…

काठमाण्डौ, २३ जेठ । प्रतिनिधि सभा विघटनलगायत विषयमा परेका ३० वटा मुद्दामा आइतबार संवैधानिक इजलासमा सुनुवाइ हुँदैछ। प्रधानन्यायाधीश चोलेन्द्रशमशेर राणाले यसअघि नै ती मुद्दाहरूमा सुनुवाइ गर्न आइतबार नयाँ संवैधानिक इजलास गठन गर्नुभएको छ । संवैधानिक इजलासमा प्रधानन्यायाधीश राणासहित न्यायाधीशहरू दीपककुमार कार्की, मिरा खड्का, ईश्वर खतिवडा र आनन्दमोहन भट्टराई छन्। उहाहरूलाई संवैधानिक इजलासका लागि बनाइएको रोस्टरबाट वरिष्ठताका आधारमा इजलासमा राखिएको हो। रोष्टरमा रहेका न्यायाधीश हरिकृष्ण कार्की केपी शर्मा ओली पहिलो पटक प्रधानमन्त्री हुँदा महान्यायाधीवक्ता रहेकाले उहाले गरेको विघटनको मुद्दामा न्यायाधीश हरिकृष्ण कार्कीले हेर्न नमिल्ने भन्दै पहिलो विघटनमा प्रश्न उठेको थियो। प्रश्न उठेपछि कार्की बाहिरिनु भएको हो। अहिलेको मुद्दामा पनि आफूलाई त्यही…

काठमाण्डौ, २२ जेठ । सरकारले घरमा आगो लगाएर खरानी बेच्ने कुकर्म गरिरहेको विपक्षी पाँच दलले आरोप लगाएका छन् । शनिबार साँझ संयुक्त वक्तव्य सार्वजनिक गर्दै नेपाली कांग्रेस, नेकपा माओवादी केन्द्र, राष्ट्रिय जनमोर्चा, नेकपा एमालेको माधवकुमार नेपाल समूह र जनता समाजवादी पार्टीको उपेन्द्र यादव समूहले सरकारले घरमा आगो लगाएर खरानी बेच्ने कुकर्म गरिरहेको आरोप लगाएको हो । बजेटमार्फत सरकारले ढुंगा, बालुवा र गिटीको निकासी गर्न चुरे क्षेत्र लगायतको उत्खनन् गर्न दिने घोषणाले तराई क्षेत्रलाई मरुभूमिकरण गर्ने र त्यहाँका वासिन्दाहरूलाई बाढी, डुवान र पानीको स्रोत सुक्ने समस्यामा पार्दै जनजीवनलाई जोखिमयुक्त बनाएर राष्ट्रघाती र जनघाती घोषणा गरेको विपक्षी गठबन्धनको आरोप छ । बजेट…

काठमाण्डौ, २२ जेठ । उपप्रधानमन्त्री तथा सहरी विकास मन्त्री राजेन्द्र महतोले नेपाल बहुल राष्ट्रिय राज्य भएकाले त्यसै अनुसारको नियम, कानुन, संविधान र व्यवस्था हुनुपर्ने बताउनु भएको छ ।ष्लखयतभअजशनिबार जसपाको पार्टी कार्यालय बबरमहलमा नवनियुक्त मन्त्रीलाई स्वागत कार्यक्रमपछि सञ्चारकर्मीसँग प्रतिक्रिया दिदैँ उपप्रधानमन्त्री महतोले नेपाल बहुल राष्ट्रिय राज्य भएकाले त्यसैअनुसार नियम, कानुन, संविधान र व्यवस्थामा हिमाल,पहाड, तराई र मधेशको जनताको सहभागिता हुनुपर्ने बताउनुभएको हो । बहुलताले भरिएको देशमा एकल जातीय राज्यको प्रभाव परेको भन्दै बहुलतामा लैजानुपर्ने उहाले उल्लेख गर्नुभयो बहुल राज्य नभएसम्म जनताले अधिकार र पहिचानको निम्ति आन्दोलन गरिरहने उहाले बताउनुभयो । ‘नेपाल विविधताले भरिएको देश हो । विभिन्न जाति, वर्ग, समुदाय, चार…

सन्दर्भ विश्व वातावरण दिवस, शंकर महतो, २२ जेठ । अध्ययनले भन्छ, रातु खोला मात्रै होइन् यो रातु मानव सभ्यता पनि हो। मैले पिउने पानी र सास फेर्ने स्वच्छ हावा, खाने जडिबुटी र मेरो खेतमा उब्जनी हुने अन्नको आधारशीला महोत्तरीको रातु नदी र त्यहाँको वनजंगलसँग जोडिएको छ। जसलाई जनबोलीमा ‘चुरिया’ क्षेत्र भनिन्छ। ढेड दशकदेखि अनवरत रुपमा रातु खोलाको दोहनले चुरेको काँखमा रहेको बर्दिबासको भावर क्षेत्र कुरुप बनेको छ। ३० हजार जनतालाई पानी पिलाई रहेको मुहान सुक्दो छ, पानी घट्दो छ। खोलाबाट कुलोमा पानी नआएपछि खेती गर्ने किसान पिरोलिएका छन्। मेरै आँखा अगाडि चुरेबाट आउने बाढीले रातु खोलाको पुल बगायो। फेरि करोडौंको…

काठमाडौं, २१ जेठ । प्रधानमन्त्री केपी शर्मा ओलीले मन्त्रिपरिषद् पुनर्गठन गर्दा एक उपप्रधानमन्त्रीसहित १३ जना मन्त्री विदा भएका छन्। अर्थमन्त्री विष्णुप्रसाद पौडेल, कानून, न्याय तथा संसदीय मामिलामन्त्री लीलानाथ श्रेष्ठ, शिक्षा तथा विज्ञान प्रविधिमन्त्री कृष्णगोपाल श्रेष्ठ र भौतिक पूर्वाधार मन्त्री बसन्त नेम्वाङ बाहेक सबै मन्त्री बाहिरिनु भएको छ । मन्त्रिपरिषदबाट एमाले महासचिव ईश्वर पोखरेलसहित ९ मन्त्री र तीन राज्यमन्त्री पनि बाहिरिनु परेको छ । परराष्ट्रमन्त्री प्रदीप ज्ञवाली, स्वास्थ्य तथा जनसंख्यामन्त्री हृदयेश त्रिपाठी, संस्कृति पर्यटन तथा नागरिकमन्त्री भानुभक्त ढकाल, कृषि तथा पशुपंक्षी विकासमन्त्री पद्‍माकुमारी अर्याल, सञ्चारमन्त्री पार्वत गुरुङ र भूमि व्यवस्था, सहकारी तथा गरिबी निवारण मन्त्री शिवमाया तुम्बाहाम्फे विदा भएका छन् ।…

काठमाण्डौं, २१ जेठ । प्रधानमन्त्री केपी शर्मा ओलीले शुक्रवार मन्त्रिपरिषद् पुनर्गठन गर्नुभएको छ । जनता समाजवादी पार्टीको महन्थ ठाकुर पक्षलाई सरकारमा सहभागि गराएर प्रधानमन्त्रीले मन्त्रिमण्डल पुर्नगठन गर्नुभएको हो । पुनर्गठित मन्त्रिपरिषद्का मन्त्रीहरूले पद तथा गोपनियताको शपथ ग्रहण गर्नुभएको छ । उहाहरूलाई राष्ट्रपति विद्यादेवी भण्डारीले शुक्रवार साँझ नै सपथ खुवाउनुभएको छ । पुनर्गठित मन्त्रिमण्डलमा तीन जना उपप्रधानमन्त्री छन् । जसपाबाट वरिष्ठ नेता राजेन्द्र महतोको नेतृत्वमा ८ जना मन्त्री र २ जना राज्यमन्त्री बनेका छन् । राजेन्द्र महतोलाई उपप्रधान सहित शहरी विकास, शरतसिंह भण्डारीलाई उर्जा, अनिल झालाई खानेपानी र लक्ष्मणलाल कर्णलाई भूमि व्यवस्था मन्त्रालयको जिम्मेवारी दिइएको छ । यस्तै, विमल श्रीवास्तवलाई श्रम,…

सांसदबाट हटाइएपछि राष्ट्रिय जनमोर्चाका कृष्ण थापाले त्यसविरुद्ध सर्वोच्च अदालतमा रिट दायर गर्नुभएको छ । उहाले गणेश घिमिरेलाई वारेस बनाई आज सर्वोच्चमा रिट दायर गर्नुभएको हो । निवेदकतर्फबाट वरिष्ठ अधिवक्ता विजयकान्त मैनाली, बार एसोसिएसन उपाध्यक्ष अधिवक्ता ईश्वरी भट्टराई र पाटन उच्च बारका पूर्व अध्यक्ष भोजराज आचार्यले बहस गर्ने छन् । रिटमा सांसदबाट हटाउने पार्टीको निर्णय खारेजको माग गरिएको छ । जनमोर्चाको केन्द्रीय निर्णयविपरीत उनले कांग्रेस संसदीय दलका नेता कृष्णचन्द्र नेपालीलाई मुख्यमन्त्री बनाउन हस्ताक्षर नगरी मुख्यमन्त्रीमा पृथ्वीसुव्वा गुरुङ सरकारलाई नै सहयोग गर्ने सार्वजनिक अभिव्यक्ति दिँदै आएका थिए । पार्टीले गण्डकी प्रदेशसभामा प्रतिनिधित्व गर्ने ३ जना सांसदलाई नै मुख्यमन्त्री गुरुङविरुद्ध अविश्वासको प्रस्तावको पक्षमा…