काठमाण्डौं २६ भदौ । सरकारले चालु आर्थिक २०७८÷७९ वर्षको बजेटलाई परिमार्जन गर्दै १६ खर्ब ३२ अर्ब ८३ करोड रुपैयाँ बजेटको प्रतिस्थापन विधेयक ल्याएको छ । अर्थमन्त्री जनार्दन शर्माले शुक्रवारको प्रतिनिधिसभा बैठकमा अर्थसम्बन्धी अध्यादेशहरूलाई प्रतिस्थापन गर्ने विधेयक प्रस्तुत गर्दै चालु आर्थिक वर्षमा १६ खर्ब ३२ अर्ब ८३ करोड रुपैयाँ बजेटको प्रतिस्थापन विधेयक ल्याएको बताउनुभएको हो । कुल विनियोजन मध्ये संघले खर्च गर्ने चालु तर्फ ६ खर्ब ७७ अर्ब ९९ करोड रुपैयाँ अर्थात ४१.५२ प्रतिशत, पुँजीगततर्फ ३ खर्ब ७८ अर्ब १० करोड रुपैयाँ अर्थात २३.१६ प्रतिशत, वित्तिय व्यवस्था तर्फ १ खर्ब ८९ अर्ब ४४ करोड रुपैयाँ अर्थात ११.६० प्रतिशत र प्रदेश र…
Author: Syangja Sandesh
स्याङ्जा २६ भदौ । ओमानमा सम्पन्न दोस्रो एक दिवसीय क्रिकेटमा शुक्रवार नेपालले सानदार जित हासिल गरेको छ । सन्दिप लामिछाने एक्लैले ६ विकेट लिन सफल हुनुभयो । ५.१ ओभर बलिङ गर्नुभएका उहाले मात्र ११ रन दिएर ६ विकेट लिनुभएको हो । खेलमा उत्कृष्ट प्रदर्शन गरेक सन्दिप नै म्यान अफ द म्याच बन्न सफल हुनुभयो । १५१ रनको सानदार जित निकाल्न सफल भएसँगै नेपाल दुबै श्रृङ्खला कब्जा गर्न पनि सफल भयो । यसअघि पनि पहिलो एकदिवसीय खेलमा नेपालले पपुवा न्युगिनीलाई दुई विकेटले पराजित गरेको थियो । खेलमा नेपालले दिएको २३४ रनको लक्ष्य पछ्याउने क्रममा पपुवान्युगिनी ८२ रनमा अलआउट हुन पुगेको हो…
स्याङ्जा, २६ भदौ । नेपाली काँग्रेसले महाधिवेशन कार्यतालिका परिमार्जन गरेको छ । काँग्रेस निर्वाचन समितिका सदस्य सचिव जगन्नाथ श्रेष्ठले २० जिल्लाको वडा अधिवेशन नै हुन बाँकी रहेको बताउँदै महाधिवेशन कार्यतालिकामा हेरफेर भएको हो । हिजोसम्म ५७ जिल्लाको मात्रै सम्पन्न भएको छ । बाँकी २० जिल्लाको अधिवेशन अब क्रियाशील सदस्यताको विवाद टुंगो लगाएर एकसाथ असोज ५ बजे गर्ने निर्णय भएको छ । पूर्वनिर्धारित कार्यक्रम अनुसार काँग्रेसले वडा अधिवेशन भदौ १८ देखि २१ गतेभित्रै सक्नुपर्ने थियो । यस्तै पालिकाको अधिवेशन भदौ २३ गते गर्ने भनिएकोमा सबै जिल्लाको एकैचोटी गर्ने निर्णय भएको थियो । अब पालिकाको अधिवेशन असोज ९ गते हुनेछ । यस्तै…
काठमाण्डौं २५ भदौ । साफ च्याम्पियनसिपको तयारीका लागि नेपाली राष्ट्रिय फुटबल टिम शुक्रबार कतारको दोहा प्रस्थान गरेको छ । मुख्य प्रशिक्षक अब्दुल्लाह अलमुताइरीको नेतृत्वमा नेपाली टिमले कतारमा विशेष प्रशिक्षण गर्ने छ । नेपाली टिमले कतारमा १५ दिन तयारी गर्नेछ । नेपाली टिम साफ च्याम्पियनसिपमा भाग लिन कतारबाटै माल्दिभ्स जाने छ । साफ च्याम्पियनसिप असोज १५ देखि ३० गतेसम्म आयोजना हुँदै छ । नेपालले आयोजक माल्दिभ्ससँग खेल्दै प्रतियोगिताको सुरुवात गर्नेछ । दुई मुलुकबीचको नेपाल र माल्दिभ्सबीचको खेल अक्टोबर १ ९असोज १५० मा मालेस्थित राष्ट्रिय फुटबल स्टेडियममा हुनेछ । नेपालले दोस्रो खेलमा श्रीलंकासँग असोज १८ गते खेल्नेछ । नेपालले तेस्रो खेलमा भारतसँग…
काठमाण्डौं २५ भदौ । अमेरिका र चीनका राष्ट्रपतिबीच सात महिनापछि टेलिफोन वार्ता भएको छ । अमेरिकी राष्ट्रपतिको कार्यालय ह्वाइट हाउसले प्रकाशित गरेको विज्ञप्ति अनुसार दुई नेताले दुई पक्षको हितका विषयमा छलफल भएको हो। बाइडेनले राष्ट्रपतिको कार्यभार सम्हालेपछि चिनियाँ समकक्षीसँग भएको यो दोस्रो संवाद हो । व्यापार, गुप्तचरी र महामारीका विषयमा मतान्तर भएकाले चीन–अमेरिका सम्बन्धबीच तनाव कायम छ । छलफलमा राष्ट्रपति बाइडनले अमेरिका र चीनबीचको प्रतिस्पर्धालाई जिम्मेदारीपूर्वक व्यवस्थित गर्ने अमेरिकाको जारी प्रयासको भाग भएको बताउनुभएको छ । केही महिनाअघि बाइडेन सरकार र चीनबीच भएको उच्चस्तरीय वार्तामा तनाव उत्पन्न भएको थियो । दुवै पक्षका अधिकारीहरूले एकअर्काप्रति चर्को टिप्पणी गरेका थिए । चिनियाँ…
स्याङ्जा, २५ भदौ । स्याङ्जामा निषेधाज्ञाको स्वरुप परिवर्तन गर्दै स्मार्ट लकडाउन गरिएको छ । प्रशासन कार्यालय स्याङ्जाले सूचना जारी गर्दै स्मार्ट लकडाउनको स्वरुप परिवर्तन गर्दे शुक्रवार (आज) देखि असोज १० गते सम्म लम्ब्याइएको हो । पछिल्लो समय कोरोना संक्रमणको जोखिम जिल्लामा कम हुँदै गएकाले स्मार्ट लकडाउन सम्वन्धी कार्यविधि २०७८ बमोजिम आदेश जारी गरिएको प्रमुख जिल्ला अधिकारी दिपकराज नेपाल जानकारी दिनुभयो । स्मार्ट लकडाउनमा अव भौतिक रुपमा नै बिद्यालय सञ्चालन गर्न सकिने भएको छ । मापदण्ड पुरा नगरी बिद्यालय सञ्चालन भएमा अनुगमन गरी कारवाही गर्न स्थानिय तहलाई आग्रह समेत गरिएको छ । जिल्लाको जोखिम विश्लेषणको आधारमा जिल्लामा कोभिड–१९ संक्रमणको दर घट्दै…
स्याङ्जा २५ भदौ । ‘देशभरी १२ वटा स्मार्ट सिटी अन्तर्गत १÷१ अरबका हिसाबले बजेट विनियोजन भएको कुरा सुन्नमा आएको थियो। अन्य नगरपालिकामा सायद नगर योजना अनुसार विनियोजन गरियो होला। वालिङ नगरपालिकाको हकमा के हुँदै छ? कि केन्द्रमा नै रोकियो? एउटा नगरवासीको हैसीयतबाट जान्न मन लाग्यो। यो रकम नगरको योजना अनुसार नै स्मार्ट सिटीको परिकल्पना विकासमा खर्च गरियोस्। यदि रकमान्तर भयो भने नगरवासी चुप लागेर बस्नेवाला छैनन है!’केही दिनअघि वालिङ् नगरपालिकाबासी सीता गैह्रेले जिज्ञासा सहित खबरदारी समेत गर्नुभयो ।उनका यी कौतुहलपूर्ण जिज्ञासालाई नगरप्रमुख दिलिपप्रताप खाँणले यसरी उत्तर दिनुभयो ।‘स्मार्ट सिटीका लागि १ अर्ब परेको साँचो कुरा हो। अन्य पालिकालाई पत्र पठाइएको…
स्याङ्जा २५ भदौ । नेपाली कांग्रेसको १४ औं महाधिवेशनमा यूवानेता एवं वरिष्ठ पत्रकार इन्द्र रिजालले महाधिवेशन प्रतिनिधिमा उम्मेदवारी दिने घोषणा गर्नुभएको छ । कांग्रेसको उर्वरभूमि स्याङ्जाको संसदीय क्षेत्र नं. १ बाट उहाले कांग्रेसको आन्तरिक चुनावमा प्रतिस्पर्धा गर्ने घोषणा गर्नुभएको हो । । “कांग्रेसको संगठन हेर्ने भए स्याङ्जा जानु” भन्ने बीपी कोइरालाको भनाईलाई सम्झेर उहाले कांग्रेसको संगठन निमार्णमा लाग्ने निर्णय गरेको बताउनुभयो । पछिल्लो समय स्याङ्जा कांग्रेस विभिन्न गुटउपगुटमा लागेर कमजोर भएको महशुश गर्दै “गुटरहित कांग्रेस, बलियो कांग्रेस” को नारा लिएर चुनावी मैदानमा उत्रिने भएको दावी गर्नुभयो ।। पञ्चायतको बर्बर दमन र लोकतन्त्र माथिको ठाडो हस्तक्षेपका बिरुद्धमा किशोर अवस्थादेखि नै स्याङ्जा…
स्याङ्जा २४ भदौ । आज १०८ औं वीपी जन्मजयन्ती । विसं १९७१ साल भदौ २४ गते जन्मनु भएका बिश्वेश्वरप्रसाद कोइराला नेपालको प्रथम जननिर्वाचित प्रधानमन्त्री तथा नेपाली कांग्रेसका संस्थापक नेता हो । नेपालमा प्रजातन्त्र स्थापनाका लागि कठोर संघर्ष गर्नुभएका कोइराला २०१५ सालको चुनावपछि पहिलो निर्वाचित प्रधानमन्त्री बन्नुभएको थियो । आफ्नो प्रधानमन्त्रीकालमा उहाँले देशबाट बिर्ता उन्मूलन तथा भूमि सुधारलगायतका सुधारात्मक काम शुरु गर्नुभएको थियो । नेपाली कांग्रेसको नेतृत्वमा २००७ सालमा राणा विरोधी क्रान्ति सफल गराउन बिपीको योगदान अनुलनीय रहेको छ । २०१७ पुस १ गते जननिर्वाचित सरकार अपदस्थ गरिएपछि कोइराला लगायत नेताहरुलाई तत्कालिन सरकारले बन्दी बनाएको थियो । २०२५ सालमा स्वास्थ्य परीक्षणका…
स्याङ्जा २४ भदौ । आज हरितालिका (तीज) पर्व आज महादेवको पूजा आराधना गरी मनाइँदैछ । भाद्र शुक्ल तृतीयामा व्रत बसी शिव पार्वतीको पूजा, उपासना गरेमा पारिवारिक सुख, शान्ति र कल्याणको प्राप्ति हुने धार्मिक विश्वास छ । हिजो दर खाएपछि औपचारिक रुपमा सुरु भएको तीज पर्व पर्सि ऋषि पञ्चमीसम्म मनाइन्छ । तृतीयाका दिन हरितालिका व्रत, चौथीका दिन, गणेश भगवान्को पूजा र पञ्चमीका दिन स्नान गरी अरुन्धतीसहित सप्तऋषिको पूजा गरी तीज समापन हुन्छ । धार्मिक कथनअनुसार हिमालयपुत्री पार्वतीले महादेव स्वामी पाऊँ भनी व्रत बसेकी र उनको व्रत पूर्ण भइ महादेव पति पाएको दिनलाई हिन्दू नारीहरुले हरितालिका तीजका रुपमा मनाउँदै आएका छन् ।…
स्याङ्जा २३ भदौ । नेपाली कांग्रेस स्याङ्जाको वडागत अधिवेशनको नतिजा सार्वजनिक भएको छ । जिल्लामा रहेका ९७ वडा अधिवेशनबाट निर्वाचित सभापति सहित कार्यसमिति र क्षेत्रीय प्रतिनिधीहरु निर्वाचित भएका हुन । ५ नगरपालिका र ६ गाउँपालिका गरी ९७ वडा मध्ये केही वडामा मतदान प्रक्रियाबाट नेतृत्व चयन भएको छ भने केही वडमा सर्वसम्मतबाट पदाधिकारी र क्षेत्रीय प्रतिनिधी चयन भएका हुन । वडा अधिवेशन नतिजा प्रकाशन भएसंगै अव कांग्रेस कार्यकर्ता तथा नेताहरुको अवको मिशन नगर निर्वाचनतर्फ केन्द्रित भएको छ ।पुतलीबजार नगरपालिका रहेका १४ वडामध्ये वडा नम्वर १ मा छायादत्त सापकोटा, २ मा बालकुमार गुरुङ, ३ मा कमलकान्त उपाध्याय निर्वाचनबाट, ४ मा इश्वर पोखरेल,…
स्याङ्जा २३ भदौ । महिलाहरुको महान चाड हरितालिका तीजको अघिल्लो दिन आज दर खाने दिन हो । तीज पर्वको अघिल्लो दिन तीजको व्रत बस्न शक्ति प्राप्तिका लागि नेपाली हिन्दु महिलाहरूलाई दर खुवाउने चलन छ । दर खाने दिनमा विभिन्न मिठा परिकार बनाएर खाने र नाचगान गरेर रमाइलो गर्ने परम्परा हो । दर खाने दिनको भोलिपल्ट तीज पर्व पर्दछ । तीजको दिन निराहार व्रत बस्ने भएकाले त्यसका लागि शक्ति प्राप्त गर्न अघिल्लो साँझ पौष्टिक तत्व भएका खानेकुरा खाने गरिन्छ । तीजको दिनभर गाउने र नाच्ने गर्ने भएकाले आजका दिनभर र रातमा पनि उठेर बिभिन्न परिकार खाने प्रचलन हो । परापूर्वकालमा देवी…
स्याङजा २२ भदौ । भाद्रकृष्ण औंसीका दिनमा मनाइने कुसेऔंसी पर्व आज घरघरमा पवित्र कुश भित्र्याएर मनाइँदैछ ।सनातन वैदिक हिन्दू धर्मावलम्बी वर्षभरि घरघरमा गरिने देवकार्य एवम् पितृकार्यका लागि आवश्यक पर्ने कुश आजै घरमा राखेर पूजा गर्ने गर्छन् । ब्राहृमणहरू शास्त्रोक्त विधिअनुसार कुश पूजा गरी छेदन गरेर जजमानकहाँ पुर्याउने गर्छन् । कुश घरमा राख्नाले परिवारको कल्याण हुने धार्मिक विश्वास छ । वैदिक सनातन हिन्दू धर्मावलम्बी कुश, तुलसी, पीपल र शालिग्रामलाई भगवान् विष्णुको स्वरूप मानी पूजा आजा गर्ने गर्छन् । कुशको पूजा आजा गरी छेदन गरेर घरघरमा भित्र्याइने दिन भएकाले वर्षभरिका १२ औंसीमध्ये आजको औंसीलाई कुसेऔंसी भन्ने गरिएको हो । बुबाको मुख हेर्ने…
खाँदबारी, २१ भदौ । संखुवासभाको मादी नगरपालिका(१, खोला गाउँका एकै परिवारका ६ जनाको हत्या भएको छ ।स्थानीय तेजबहादुर कार्कीको परिवारका सदस्यको अज्ञात समूहले धारिलो हतियार प्रयोग गरी हत्या गरेको जिल्ला प्रहरी कार्यालयका प्रमुख डीएसपी लालध्वज सुवेदी जानकारी दिनुभयो। सोमबार बिहान मात्र छिमेकीले सबैलाई मृत अवस्थामा भेटेपछि प्रहरीलाई जानकारी गराएको स्थानीय शिक्षक योगेन्द्र ओझाले जानकारी दिनुभयो। ५८ वर्षीया तेजबहादुर कार्की, उनकी आमा ८० वर्षीया पार्वता कार्की, श्रीमती ५६ वर्षीया मनमाया कार्की, २८ वर्षीया बुहारी रञ्जना कार्की, १० वर्षीय नाती दिपक कार्की र ५ वर्षीया नातिनी गोमा कार्की मृत अवस्थामा भेटिएको ओझाले बताउनुभयो ।
स्याङ्जा, २१ भदौ । मासु खाने प्रयोजनका लागि जिउँदो गोरु काटेको आरोपमा प्रहरीले तीन जनालाई पक्राउ गरेको छ ।पक्राउ पर्नेहरुमा भीरकोट नगरपालिका ८ ढापुकफेदीका नैन सिंह गुरुङ, हुमप्रसाद गुरुङ र खेम गुरुङ हुन।गएको राती राति १ बजे जिउँदो गोरु काटेको भन्ने गोप्य सुचनाको आधारमा उनीहरु पक्राउ परेको प्रहरी नायव उपरीक्षक राजेन्द्र प्रसाद अधिकारीले जानकारी दिनुभयो ।गोरु काटेर भागबण्डा लगाउँदै गरेको अवस्थामा प्रहरीले ३ जनालाई पक्राउ गरेको जनाएको छ। उनीहरुका साथबाट २ वटा चक्कु पनि नियन्त्रणमा लिइएको छ।आरोपित ३ जनालाइै पशुपंक्षी सम्बन्धी कसुरमा मुद्दा दर्ता अदालतबाट ७ दिनको म्याद थप भएको छ।