Author: Syangja Sandesh

स्याङ्जा ४ पुस । पुतलीबजार नगरपालिकाले फोहोरमैला बर्गिकरण र ब्यवस्थापन सम्बन्धि दुइ दिने तालिम आजबाट सुरु गरेको छ । वडा नं. १, २, ३, ४, १० र ११ का टोल विकास संस्थाका पदाधिकारी तथा सरोकारवालाई तालिम दिने भएको हो ।तालिम उदघाटन गर्दे नगर उपप्रमुख महेश हामी सबैका घरबाट निस्केका फोहोर मध्ये ८० देखि ९० प्रतिशत फोहोर मैलालाई घरमा उपयोगगरी गर्न सकिने बताउनुभयो । उहाले फोहोरलाई समस्याको रुपमा नलिई अवसरका रुपमा उपयोग गर्न सुझाव दिनुभयो । कुहिने र नकुहिने फोहोरलाई छुट्टाछुट्टै बर्गिकरणगरी नगरपालिकालाई उपलब्ध गराउन समेत उपप्रमुख पुरीको आग्रह छ । कार्यक्रममा प्रमुख प्रशासकिय अधिकृत पुरुषोत्तम नेपाल, योजना तथा प्रशासकिय अधिकृत…

स्याङजा ३ पुस । पुतलीबजार नगरपालिका १० स्थित जनजागृती तरकारी तथा फलफूल सहकारी संस्थाको १८ औं अधिवशेनले बिष्णुप्रसाद अर्यालको अध्यक्षतामा नया कार्यसमिति चयन गरेको छ । समितिको उपाध्यक्षमा दुर्गा रेग्मी, सचिवमा लक्ष्मण शाह, कोषाध्यक्षमा बिष्णु भट्टराई (अर्याल), सदस्यमा अर्जुन अर्याल (सुवास), प्यामनारायण अधिकारी र बिष्णु अर्याल निर्वाचित हुनु भएको छ । यसैगरी, लेखा समितिमको संयोजकमा गंगा अर्याल र सदस्यमा तिलकुमारी सार्की र बिजयबन्धु अर्याल चयन हुनुभएको हो । अधिवेशनमा बोल्दै वडा अध्यक्ष दुर्गाबहादुर शाह, सहकारी शाखा प्रमुख विष्णुप्रसाद ढकाल, सीतलादेवी बचत तथा ऋण सहकारीका अध्यक्ष कृष्णप्रसाद अर्याल, सचिव अनन्तनारायण अर्याल, सिद्धवावा सहकारीका खेमबन्धु अर्याल, स्थानीयबासी मोतीलाल अर्याल, माधवप्रसाद रेग्मी शुभकामना…

स्याङजा ३ पुस । सुर्योदय बचत तथा ऋण सहकारी संस्था लिमिटेडको २० औं बार्षिकोत्सव तथा सातौं अधिवेशन शनिवार सम्पन्न भएको छ । अधिवेशनको उदघाटन गर्दे संस्थापक सदस्य बिद्यादेवी श्रेष्ठले आफुले कमाएको केही अंश बचत गर्ने वानी बनाएमा भोलीका ठूल्ठूला समस्या समेत टार्न सहज बन्ने बताउनुभयो । आजभन्दा २० बर्षअघि ३ जना साथि मिलेर बचत गरेको रमक आज जिल्लाकै उत्कृष्ठ सहकारी बन्न सकेकोमा खुशी ब्यक्त गर्दे उहाले बचतका लागि धेरै रकम आवश्यक नहुनेमा जोड दिनुभयो । सहकारीले नाफा भन्दा सेवामुलक कार्यमा लगानी गर्न जोड दिनुभयो । कार्यक्रममा अर्का संस्थापक सदस्य द्धय अनन्तकुमार श्रेष्ठ र रविन्द्रमान श्रेष्ठ, सल्लाहकार गोविन्दप्रसाद शर्मा, पूर्व अध्यक्ष…

स्याङजा ३ पुस । निजी तथा आवासीय बिद्यालय अर्गानाइजेशन नेपाल (प्याब्सन) को १४ औं जिल्ला अधिवेशन शनिवारदेखि सुरु भएको छ ।अधिवेशनको उदघाटन कार्यक्रमलाई सम्बोधन गर्दे केन्द्रीय सदस्य अमृत अर्यालले राज्यको निजी बिद्यालयलाई हेर्ने दृष्ट्रिकोण सकारात्मक नभएको बताए । एउटै देशका नागरिकबीच राज्यले बिभेद गरेको उहाको भनाई छ ।सरकारी बिद्यालयमा राज्यले सौतेलो ब्यवहार गरेको बताउनुभयो । सरकारी बिद्यालयमा राज्यले गरेको लगानी भन्दा धेरै कममा निजी बिद्यालयले गुणस्तरीय शिक्षा दिइरहदा पनि राज्यले सधैंभरी निजी बिद्यालयलाई उपेक्षा गरेको उहाले बताउनुभयो ।कार्यक्रममा नेपाली कांग्रेसका जिल्ला सचिव गुरु भट्टराई, नेकपा एकिकृत समाजवादीका नगर अध्यक्ष श्री गुरुङ, जनता समाववादीका पमनारायण अर्याल, प्याब्सनका पूर्व वरिष्ठ उपाध्यक्ष पुष्पराज…

स्याङ्जा, ३ पुस । पाल्पा पूर्वखोला गाउँपालिकाका बर्ष २३ का मिलन थापा मगर सुकेको गाँजाको धुलो सहित पक्राउ परेका छन ।मगरप्रति शंका लागेर खानतलासी गर्दा निजले बोकेको झोला भित्र लुकाई छिपाई राखेको ६ सय) ग्राम सुकेको गाँजा फेला पारीएको प्रहरी नायब उपरीक्षक राजेन्द्रप्रसाद अधिकारीले जानकारी दिनुभयो ।पुतलीबजार नगरपालिका १ स्थित ट्याक्सी चोकमा भेटिएका उनलाई अदालतबाट १० दिनको म्याद थपगरी अनुसन्धान जारी राखेको प्रहरीको भनाई छ । उनलाई लागु औषध (गाजा) सम्बन्धी कसुर मुद्धा चलाइएको छ।

स्याङ्जा, ३ पुस । पत्नी हत्याको आरोपमा भीरकोटका ४५ बर्षे डबलबहादुर थापा पक्राउ परेका छन् ।भीरकोट नगरपालिकाका भीरकोट ६ फोक्सीङ बस्ने थापाले बर्ष ४५ कै मायादेवी थापालाई कुटपिट सहित अचेत बनाएको भन्ने सूचनाका आधारमा प्रहरीले थापालाई पक्राउ गरेको प्रहरी नायव उपरीक्षक राजेन्द्रप्रसाद अधिकारी जानकारी दिनुभयो ।‘पत्नीलाई हातपात र कुटपिट गरी घाटीमा सल कपडाको पासो लगाई धनसार कोठामा अचेत बनाई राखेको भन्ने सुचना पाएपछि पुगेको प्रहरी अधिकृत सहितको टोलीले अचेत अवस्थामा देखिएकी मायादेवीलाई उपचारको लागि गह्रौ प्राथमिक अस्पताल वालिङमा पुर्याउँदा चिकित्सकले मृत घोषणा गरे।’ उहाले बताउनुभयो।हत्या आरोपित थापालाई थापालाई कर्तव्य ज्यान मुद्दा दर्ता गरी जिल्ला अदालतले ७ दिनको म्याद थपेको छ।…

काठमाडौं २ पुस। नेपाली कांग्रेसको मधेसी तर्फको सहमहामन्त्रीमा शेरबहादुर देउवा प्यानलका महेन्द्र यादव विजयी हुनुभएको छ । उहाँले डा शेखर कोइराला प्यानलबाट उम्मेदवारी दिनुभएका रामकृष्ण यादवलाई पराजित गर्नुभएको हो । महेन्द्रले २०२६ मत ल्याएर विजयी यी हुनुभएको हो भने रामकृष्णले १८२० मत प्राप्त गर्नुभएको छ । रामकृष्ण २०६ मतको अन्तरले पराजित हुनुभएको हो । नेपाली कांग्रेसको थारुतर्फको सहमहामन्त्रीमा उमाकान्त चौधरी निर्वाचित हुनुभएको छ । उहाँ कृष्णप्रसाद सिटौला समूहबाट उम्मेदवारी दिनुभएको थियो ।उहाँले शेखर कोइराला पक्षका तेजुलाल चौधरीलाई पराजित गनुभएको हो । नेपाली काँग्रेसको पिछडिएको क्षेत्रतर्फको सहमहामन्त्रीमा बद्री पाण्डे विजयी हुनुभएको छ । पाण्डेले डा शेखर कोइराला प्यानलका पाण्डे विजयी हुनुभएको…

स्याङ्जा २ पुस । नेकपा ( एकीकृत समाजबादी ) चापाकोट नगरपालिका वडा नं ७ को भेला रुक्मागत ढकालको अध्यक्षतामा ५५ सदस्यीय वडा कमिटी चयन गरेको छ ।कमिटीको उपाध्यक्षमा धुर्व पाठक, सचिबमा डोलराज भट्टराई, उपसचिवमा अनिता नेपाली निर्वाचित हुनु भएको छ । साथै, सोही अवसरमा बिमल भट्टराईको अध्यक्षतामा युवा संघ गठन गरेको छ । कमिटीको सचिवमा राम वस्याल रहेको वडा कमिटि चयन गरेको हो ।भेलालाई सम्बोधन गर्दै नेकपा एसका केन्द्रीय सदस्य ताजमोहम्मद मियाले नेकपा समाजवादीले मात्र आम नागरिककका हितका पक्षमा काम गर्ने बताउनुभयो । कार्यक्रममा जिल्ला अध्यक्ष रामचन्द्र भट्टराई, सदस्य मनबहादुर थापा, चापाकोट नगर अध्यक्ष सीताराम गैह्रे, वडा नं ६ का…

स्याङ्जा २ पुस । नेपाल कम्युनिस्ट पार्टी एकीकृत समाजबादी पुतलीबजार नगरपालिका वडा नं ४ मा भएको भेलाले दोलराज गौतम को अध्यक्षतामा ४१ सदस्यीय वडा कमिटी गठन गरेको छ ।यसैगरी, दुई उपाध्यक्षमा प्रेमबहादुर राना र नरबहादुर पोख्रेल, सचिबमा इ सुरेन्द्र गौतम , उपसचिव धुर्व पोख्रेल , उपसचिब लक्ष्मण थापा निर्वाचित हुनु भएको हो ।सदस्यहरुमा नन्दबहादुर बिक, संगिता बिक, छविलाल बिक, दुर्गा पोख्रेल, रामप्रसाद पोख्रेल , निर्मला थापा, सम्झना परियार, आरती परियार, टेकबहादुर राना, सीता परियार, पार्वती शर्मा,सकुन शर्मा पोख्रेल, लिलबहादुर परियार, अर्जुनबहादुर थापा, रुद्रप्रसाद पोख्रेल, प्रेमप्रसाद पोख्रेल, टुकनाथ पोख्रेल, लालबहादुर बिक, गुप्तबहादुर बिक, धनबहादुर बिक, अमृता थापा, तुलसीराम सुवेदी, बबे भुजेल,…

स्याङ्जा २ पुस । भेषजराज साहित्य प्रतिष्ठानद्वारा भेषजबिन्दु साहित्यिक पुरस्कार र भेषजराज साहित्य सम्मानबाट कृतिकार गङ्गा कर्माचार्य पौडेल र ज्ञानेश्वर रेग्मी सम्मानित भएका छन्।वालिङमा आयोजित कार्यक्रममा वरिष्ठ साहित्यकार एवं वालिङ प्रज्ञा प्रतिष्ठानका कुलपति देवीप्रसाद वनवासीले भेषजराज शर्माले नेपालीभाषा साहित्यका क्षेत्रमा महत्वपूर्ण योगदान पु¥याउनु भएको बताउनुभयो ।शर्माका कुनै सन्तान नहुँदा पनि भेषजराज साहित्य प्रतिष्ठानले उहाँका नाममा पुरस्कार स्थापना गरी प्रत्येक वर्ष प्रदान गर्ने गरेकाले प्रतिष्ठानलाई हार्दिक धन्यवाद दिनुभयो ।कार्यक्रममा आनन्दमणि टुल्की नन्दकला प्रतिष्ठानका अध्यक्ष, पूर्व मन्त्री एवम् लघुकथा समाज स्याङ्जाका अध्यक्ष त्रिलोचन ढकालले स्वर्गीय शर्माको साहित्यकि, शैक्षिक तथा राजनितिक क्षेत्रको योगदानका बारेमा चर्चा गर्दै उहाँका सम्पूर्ण पद्य रचनाहरुको सङ्ग्रह भेषजराज रचनावली…

काठमाण्डौं २ पुस । नेपालमा आजबाट मौसम प्रतिकूल हुने भएको छ । मौसम पूर्वानुमान महाशाखाका अनुसार पश्चिमी वायुसँगै आउने पश्चिमी न्यून चापीय प्रणालीका कारण आज शुक्रबार बिहानबाट सुदूरपश्चिम हुँदै पूर्वतिर बादल सर्नेछ । सो क्रममा गण्डकी प्रदेशसँगै सुदूरपश्चिम , कर्णाली र लुम्बिनीका उच्च पहाडी तथा हिमाली भूभागका केही स्थानमा हल्का हिमपात हुने सम्भावना छ । सुदूरपश्चिम प्रदेशका थोरै स्थानमा हल्का वर्षाको सम्भावना रहेको महाशाखाले जानकारी दिएको छ । ‘उक्त प्रणालीका कारण आगामी दिनमा तापक्रममा समेत गिरावट आई चिसो अझ बढ्न सक्ने सम्भावना रहेको छ। आउँदो शनिवार साँझबाट क्रमशः मौसममा बिस्तारै सुधार हुँदै जाने देखिन्छ,’ महाशाखाले जनाएको छ । मौसमी प्रणालीका…

स्याङ्जा १ पुस । आँधीखोला गाउँपालिकाद्वारा पर्यावरणीय सन्तुलन कायम गर्न आँधीखोलामा एक लाख माछाका भुरा छोडिएको छ । गाउँपालिकाले स्याङ्जा स्थित कालीगण्डकी माछा प्रजनन केन्द्रबाट ३७ पोका भुरा ल्याएर आँधीखोलाको विभिन्न १० ठाउँमा छोडेको हो ।माछाको पारिस्थितिकीय प्रणालीमा असर परेको भन्दै वातावरणीय प्रभाव सन्तुलनका लागि माछाका भुरा छाडिएको गाउँपालिकाले जनाएको छ । करेन्ट र विषादी प्रयोगको कारणले परम्परागत र स्थानीय जातका माछा लोप हुने खतरा बढेपछि स्थानीय जातका माछाका भुरा छाडिएको आँधीखोला गाउँपालिका अध्यक्ष सुधिर कुमार पौडेलले बताउनुभयो ।नदी, ताल र खोलाको जैविक विविधता कायम गर्न, पानी शुद्ध राख्न र पानीमा अक्सिजनको मात्रा बढाउन माछाको भूमिका महत्वपूर्ण हुने उहाँले बताउनुभयो…

काठमाण्डौ १ पुस । रक्षामन्त्री डा.मिनेन्द्र रिजालले राजिनामा दिनुभएको छ । काँग्रेसको १४ औँ महाधिवेशनमा महामन्त्रीको पदमा पराजित भएपछी मन्त्री रिजालले राजिनामा दिनुभएको हो । उहाँले बिहीवार सिंहदरबार पुगेर प्रधानमन्त्री शेरबहादुर देउवालाई राजिनामा बुझाउनुभएको हो । उहाँले काँग्रेसको महाधिवेशनमा आफूले प्रतिस्पर्धा गरेको महामन्त्री पदको मत परिणामलाई दृष्टिगत गर्दै रक्षामन्त्रीको पदबाट राजीनामा दिने निर्णय लिएको बताउनुभएको छ । सभापतीका उम्मेदवार शेखर कोइराला पक्षबाट महामन्त्रीको उम्मेदवार रहनुभएका रिजाल ८ सय ९ मत प्राप्त गर्दै पराजित हुनुभएको हो । यसैबीच रिजालले महामन्त्रीमा निर्वाचित गगन थापा र विश्वप्रकाश शर्मालाई बधाई तथा शुभकामना दिनुभएको छ ।

काठमाण्डौ १ पुस । नेपाली काँग्रेसको महामन्त्रीमा गगन थापा र विश्वप्रकाश शर्मा निर्वाचित हुनुभएको छ । १४औँ महाधिवेशन अन्तर्गत भएको मतदानमा महामन्त्री पदको उम्मेदवारगगन थापाले ३ हजार २३ मत पाएर विजयी हुनुभएको हो । काँग्रेस केन्द्रीय निर्वाचन समितिका सचिव केशव रिजालका अनुसार विश्वप्रकाश शर्मा पनि महासचिवमा निर्वाचित हुनुभएको छ । शर्माले १९ सय ८४ मत प्राप्त गर्नुभएको छ । थापा नेता शेखर कोइराला र शर्मा नेता प्रकाशमान सिंहको प्यानलबाट महामन्त्रीमा उठ्नुभएको थियो । त्यस्तै महामन्त्रीका अर्का उम्मेवार प्रकाशशरण महत्तले १५ सय ५६ मत, प्रदिप पौडेलले १३ सय ९३ मत,मिनेन्द्र रिजालले ८ सय ९ र राजाराम कार्किले भने १ सय ६…

स्याङ्जा १ पुस । आधीखोला गाउपालिकामा शैक्षिक सप्ताह सम्पन्न भएको छ । शैक्षिक सप्ताह अन्र्तगत माध्यामिक तह स्तरिय छात्र छात्रा भलिबल खेल र अन्य विभिन्न छ विधाका अतिरिक्त क्रियाकलाप गरिएका हुन।राष्ट्रपति रनिङ शिल्ड प्रतियोगिता अन्तर्गत माध्यामिक तह स्तरिय छात्र छात्रा भलिबल खेल र अन्य विभिन्न छ विधाका क्रियाकलाप भएका थिए । कार्यक्रममा बोल्दै अध्यक्ष सुधिर कुमार पौडेलले खेलकुद र अतिरिक्त रचनात्मक क्रियाकलापले विद्यार्थीको शारिरिक साथै सृजनात्मक क्षमतामा अभिवृद्वि गर्दै थप अनुशासित बनाउदै लैजाने बताउनुभयो । खेलकुद तर्फ आँधीखोला गाउँपालिका भित्रका माध्यमिक तह स्तरीय छात्र तथा छात्राहरुको सहभागिता रहेको थियो । प्रतियोगितामा छात्रतर्फ प्रथम त्रि शहीद नमुना मा वि, दोश्रोमा श्रवण…