स्याङ्जा ७ माघ । नेपाल रेडक्रस सोसाइटी स्याङ्जाको ३७ औ बार्षिक साधारणसभा तथा अधिवेशनले दिनेश अर्यालको सभापतित्वमा १७ सदस्यीय कार्यसमिति निर्बिरोध निर्वाचित गरेको छ । समितिको उपसभापतिमा लक्ष्मी थापा र लक्ष्मण भट्टराई, मन्त्रीमा रामचन्द्र अर्याल, उपमन्त्रीमा खगेन्द्र अर्याल, कोषाध्यक्षमा महेशबहादुर थापा (गणेश) र उपकोषाध्यक्षमा अर्जुन पौडेल चयन हुनु भएको हो । यसैगरी, सदस्यहरुमा दुर्गा सारु, बिष्णु सुवेदी, श्यामादेवी शर्मा, भुवनेश्वर रिमाल, चुडामणी रेग्मी, इश्वरबन्धु कोइराला, बिष्णुप्रताप खाण, बिश्वेश्वर गिरी, पुष्पराज बराल, मनोरथ शर्मा निर्वाचित हुनु भएको निर्वाचन अघिकारी कृष्णहरि वाग्लेले जानकारी दिनुभयो । जिल्लाका ४० उपशाखाका प्रतिनिधी सहभागी रहेको अधिवेशनको सभापतित्व जिल्ला सभापति भुवनबहादुर पौडेलले गर्नुभएको थियो ।
Author: Syangja Sandesh
पोखरा ६ माघ । पोखरामा बिहिवार (आज) देखि शुरु भएको २० औं आहा रारा गोल्डकपमा आयोजक सहारा क्लबलाई २–० ले हराउँदै विभागीय टिम एपीएफले बिजयी यात्रा शुरु गरेको छ। दर्शक बिना खेलाइएको खेलमा एपिएफको जितको लागि आवास लामिछाने र प्रदीप लामाले समान १–१ गोल गरेका छन् । खेलको १३ औं मिनेटमा एपीएफका आवास लामिछानेले पहिलो गोल गर्दै खेललाई अग्रता दिलाएका थिए । युरोपियन फुटबल खेलको अनुभव बटुलेका लामिछाने प्रतियोगिताको पहिलो गोलकर्ता पनि बनेका छन् । खेलको शुरूवातमै १ गोलले पछि परेको पहिलो हाफको सम्पूर्ण समय दबाबमा रहेका थियो । निर्धारित पहिलो हाफमा १–० ले अग्रता लिएको एपिएफले दोस्रो हाफको पनि…
स्याङ्जा ६ माघ । त्रिभुवन विश्वविद्यालयले कोरोना महामारीको जोखिमलाई ध्यानमा राखेर सबै परीक्षा स्थगित गरेको छ । त्रिवि केन्द्रीय परीक्षा सञ्चालक समितिको बिहीवार बसेको बैठकले माघ ९ गतेदेखि सञ्चालन भइरहेका र हुने तयारीमा रहेका सबै परीक्षा स्थगित गर्ने निर्णय गरेको हो। त्रिविले वार्षिक प्रणाली तथा सेमेस्टर प्रणालीका सबै परीक्षा स्थगित गर्ने निर्णय गरेको बताइएको छ । रोकिएका परीक्षा हुने बारे परीक्षा नियन्त्रण कार्यालयले अर्को निर्णय गर्ने जनाएको छ। शुक्रवार र शनिवार हुने प्रवेश परीक्षा भने यथावत रहने त्रिभुवन विश्वविद्यालयले जनाएको छ ।यसैगरी, लोक सेवा आयोगले लिखित परीक्षाहरू माघ मसान्तसम्म स्थगित गरेको छ । आयोगको बैठकले लिखित परीक्षाहरू माघ ११ देखि…
स्याङ्जा ६ माघ । सुन्तला उत्पादनमा प्रतिकुल रहेको स्याङ्जामा यसवर्ष ७६ करोड १२ लाख रुपैयाँ बराबरको सुन्तला उत्पादन भएको छ। गत वर्षको तुलनामा यसवर्ष ३ करोड २२ लाख ४० हजार कम मूल्य बराबरको उत्पादन भएको हो। गत वर्षको तुलनामा यस वर्ष स्याङ्जामा सुन्तला प्रति हेक्टर ५ प्रतिशत कम मेट्रिक टन उत्पादकत्व दर रहेको कृषि ज्ञान केन्द्र स्याङ्जाका प्रमुख बिनोद हमालले जानकारी दिनुभयो । उहाका अनुसार,‘गत वर्ष प्रति हेक्टर १५ दशमलब २ टन उत्पादकत्व दर थियो भने, यसवर्ष प्रतिहेक्टर १० दशमलब ३ मेट्रिक टन छ।’ जिल्लामा झण्डै २ हजार हेक्टरमा सुन्तला खेती हुन्छ। स्याङ्जाको हावापानी सुन्तला खेतीका लागि उपयुक्त छ। गत…
काठमाण्डौं ५ माघ । सरकारले कोरोना परीक्षणको शुल्क घटाएको छ । प्रधानमन्त्री शेरबहादुर देउवाको निर्देशनपछि कोभिड–१९ सङ्क्रमणको पीसीआर परीक्षणको शुल्क घटाइएको छ । प्रधानमन्त्री देउवाले सोमबार स्वास्थ्य तथा जनसङ्ख्यामन्त्री विरोध खतिवडा र स्वास्थ्य सचिव डा रोशन पोखरेललाई निजी अस्पताल तथा ल्याबमा पीसीआरको शुल्क बढी भएको भन्दै घटाउन निर्देशन दिनुभएको थियो । सरकारी अस्पताल तथा प्रयोगशालामा लक्षण भएकाहरूको निःशुल्क परीक्षण हुनेछ भने अरुका लागि ८०० रुपैयाँ लिइने भएको स्वास्थ्य तथा जनसख्या मन्त्रालयले जनाएको छ । आज मन्त्रालयको नियमित प्रेस ब्रिफिङमा सहप्रवक्ता डा. समीरकुमार अधिकारीले सरकारी अस्पतालहरूमा कोभिडको पीसीआर परीक्षणका लागि ८ सय रुपैयाँ र निजीमा १५ सय रुपैयाँ शुल्क कायम गरिएको…
काठमाण्डौं ५ माघ । विश्व स्वास्थ्य संगठनका महानिर्देशक डा. टेड्रोस एडानोम गेब्रेयससले कोभिड–१९ को नयाँ भेरियन्टलाई सामान्य ठान्नु भ्रम रहेको दोहो¥याउनु भएको छ । जेनेभामा आयोजित नियमित पत्रकार सम्मेलनमा गेहब्रेयससले ओमिक्रोन भेरियन्टले यसअघिको डेल्टाभन्दा कम जटिल प्रकारको कोभिड गराउँछ भनेर बेवास्ता नगर्न चेतावनी दिनुभयो । ओमिक्रोन अन्य भेरियन्टभन्दा कम घातक हुन सक्ने भए पनि यसलाई नजरअन्दाज गर्न नहुने उहाँको भनाइ छ । गेहब्रेयसले ओमिक्रोनका कारण मानिसहरू अस्पताल भर्ना भइरहेको र मत्यु पनि भएकाले स्वास्थ्य केन्द्रमा अत्यधिक भीडभाड बढेको जानकारी दिनुभयो । उहाँले संसारभर ओमिक्रोनको अस्वभाविक वृद्धिसँगै नयाँ भेरियन्ट देखिन सक्ने भन्दै तत्काल कोभिड महामारी अन्त्य नहुने चेतावनी विश्व नेताहरुलाई दिनुभयो…
काठमाण्डौं ५ माघ । नेपाल एपीएफ क्लबले प्रधानमन्त्री कप टी–ट्वान्टी क्रिकेट प्रतियोगिताको उपाधि जितेको छ । आज (मंगलबार) भएको फाइनल खेलमा नेपाल पुलिस क्लबलाई २१ रनले हराउँदै एपीएफले उपाधि हात पारेको हो । उपाधिसँगै एपीएफले नगद पाँच लाख समेत प्राप्त गरेको छ । उप–विजेता बनेको पुलिसले भने तीन लाख प्राप्त गरेको छ । सेमिफाइनल पुगेका आर्मी र बागमती प्रदेशले ५०÷५० हजार पाएका छन् । टियु क्रिकेट मैदानमा एपीएफले दिएको १ सय ५८ रनको लक्ष्य पछ्याएको पुलिसले २० ओभर ७ विकेट गुमाएर १ सय ३६ रन मात्र बनाउन सक्यो । यस अघि टस हारेर पहिले ब्याटिङ गरेको एपीएफले १९ ओभर ५…
काठमाण्डौं ४ माघ । सत्तारुढ पाँच दलीय गठबन्धन स्थानीय तहको निर्वाचन समयमै सम्पन्न गर्न सहमत भएका छन् । मंगलबार प्रधानमन्त्री निवास बालुवाटारमा बसेको सत्तारुढ दलहरु आवद्ध उच्चस्तरीय राजनीतिक समन्वय समितिको बैठकमा स्थानीय तहको निर्वाचन संविधानले व्यवस्था गरे अनुसार समयमै सम्पन्न गर्ने सहमति भएको हो । बैठकपछि समितिका सदस्य एवं सरकारका प्रवक्ता ज्ञानेन्द्रबहादुर कार्कीले समयमै स्थानीय तहको निर्वाचन गर्नेबारे छलफल गरिएको बताउनुभयो । उहाँले स्थानीय तहको चुनावलाई समयमै सम्पन्न गर्ने विषयमा छलफल केन्द्रीत भएको बताउनुभयो । मिति घोषणा गर्नेबारे भने निर्वाचन आयोगसँग फेरि परामर्श गरिने उहाँको भनाइ छ । बैठकमा मूल रुपमा दुईटा कुरामा छलफल केन्द्रित रहयो। १२ गते सम्पन्न हुने…
काठमाण्डौं ४ माघ । अफगानिस्तानमा ५ दशमलव ३ म्याग्नेच्युटको भुकम्प जाँदा २६ जनाको मृत्यु भएको छ । पश्चिमी प्रान्तको कादिस जिल्ला केन्द्र बिन्दु भई गएको भुकम्पबाट घरको छाना खस्दा उनीहरुको मृत्यु भएको हो । मृत्यु हुनेमा अधिकांश महिला र बालबालिका रहेका छन् । घटनामा ४ जना घाइते भएका छन् । भुकम्पका कारण ७ सय बढी घर भत्केका छन् भने सयौं प्रभावित भएका छन् । भारी बर्षाका बीच भुकम्प गएकोले उद्धार कार्यमा कठिनाई भएको छ । अफगानिस्तामा भोकमरी समस्याले बिकराल रुप लिइरहेको बेला भुकम्प जाँदा त्यहाँका जनता थप मारमा परेका छन् ।
काठमाण्डौं ४ माघ । निर्वाचन आयोगले पूर्ण स्वास्थ्य निर्देशिका पालना गरेर राष्ट्रियसभा सदस्यको निर्वाचन हुने जनाएको छ । निर्वाचनको अन्तिम तयारीमा रहेको आयोगले कोरोना संक्रमणलाई ध्यानमा राख्दै स्वास्थ्य मापदण्ड पालना गरेर निर्वाचन गर्ने विषयमा आवश्यक सबै खालका तयारी गरेको जनाएको छ । प्रमुख निर्वाचन आयुक्त दिनेश थपलियाले कोभिड संक्रमण र संक्रमित मतदाता पनि हुनसक्ने भएकाले त्यसतर्फ विशेष ध्यान दिएको बताउनुभयो । निर्वाचनलाई लक्षित गर्दै आयोगले कोभिडको समयमा अपनाउनुपर्ने स्वास्थ्य मापदण्डका सन्दर्भमा आवश्यक निर्देशिका पनि तयार गरेर पठाइसकिएको पनि उहाँको भनाइ छ । राष्ट्रियसभा सदस्य निर्वाचनका उम्मेदवार विभिन्न जिल्लामा गएर मतदातासँग आवश्यक सम्पर्कमा रहेको आयोगको भनाइ छ । आयोगले मतदातालाई दिने…
स्याङ्जा ४ माघ । स्याङ्जामा कोरोना संक्रमण बढ्दै गएपछि जिल्लामा सुरक्षा व्यवस्थापन कडाई गरिएको छ । मंगलबार डिसिएमसिको बैठकले जिल्लामा कोरोना संक्रमण न्युनिकरणका लागी थप सुरक्षा सर्तकता अपनाउनका लागी कडाई गरिको हो । विद्यालय, कलेज, ट्युसन, सेन्टरहरु, तालिमहरु तथा अन्य शैक्षिक क्रियाकलापहरु भौतिक रुपमा सञ्चालन नगर्ने, पटके हाटबजार, जिमखाना, व्युटि पार्लरलगायतका भीडभाड हुँने कार्य सञ्चालन नगर्ने, सबै प्रकारका जुलुस, भेला, सभा समारोह नगर्ने, धार्मिक मठमन्दिर, मस्जिद, गुम्बा, चर्चहरुमा नित्य पुजा मात्रै सञ्चालन गर्न पाईने भएको छ । जिल्लाका सेवा प्रदायक निकायहरुले माघ ७ गतेदेखि अनिवार्य खोप लगाएको प्रमाण देखाउने, शैक्षिक परिक्षाहरु जनस्वास्थ्यको मापदण्ड पालना गरी सञ्चालन गर्ने, सभा समारोह गर्दा…
स्याङ्जा ४ माघ । नेपाली काँग्रेस स्याङ्जाको प्रबक्ताको जिम्मेवारी भरतप्रसाद लम्साललाई दिइएको छ । स्याङ्जा काँग्रेसका सभापति तथा संविधानसभा सदस्य राजु थापाले लम्साललाई जिम्मेवारीको पत्र थमाउँदै प्रबक्ताको जिम्मेवारी दिनुभएको हो । नेपाली काँग्रेसको विधान–२०१७, (नवौं संशोधन–२०७५)को दफा १२ को उपदफा ५ ख (२) र उपदफा७ (ङ्) द्धारा प्राप्त अधिकारप्रयोग गरी सभापति थापाले महाधिबेशन प्रतिनिधि लम्साललाई जिल्ला सदस्यमा मनोनित गर्दै प्रबक्ताको जिम्मेवारी दिनुभएको हो । लम्सालले राजनीतिक शास्त्र र अर्थशास्त्रमाएम.ए. गर्नुभएको छ । २०३६ सालबाट बिद्यार्थी राजनीतिबाट राजनैतिक यात्रा थाल्नु भएका लम्साल नेपाल शिक्षक संघको केन्द्रिय उपाध्यक्ष पनि हुनुहुन्छ ।
जनकपुर ३ माघ । प्रदेश नम्बर २ ले ४ वर्षपछि स्थायी राजधानी पाएको छ । अस्थायी राजधानीको रुपमा रहेको जनकपुरलाई नै स्थायी राजधानीको रुपमा कायम गरिएको हो । दलहरूको साझा प्रस्तावको रुपमा जनकपुरधाम राजधानी कायम गर्ने प्रस्तावमाथि भएको मतदानमा प्रदेश सभाको दुई तिहाई मत प्राप्त भएपछि जनकपुरधाम नै स्थायी राजधानी कायम भएको हो । प्रदेश सरकार गठन भएको ५ वर्ष हुनै लाग्दा प्रदेश नम्बर २ ले स्थायी राजधानी पाएको हो । तर, नाम भने अझै टुङ्गो लाग्न सकेको छैन । प्रदेश सरकार गठन भएको बेला जनकपुर अस्थायी राजधानीको रुपमा कायम गरिएको थियो । प्रदेश सभामा हाल कायम रहेका १ सय…
स्याङ्जा ३ माघ । नेपाली काँग्रेस स्याङ्जाको १४ औं जिल्ला अधिबेशनबाट सभापतिमा निर्वाचित संविधानसभा सदस्य राजु थापाको नेतृत्वमा जिल्ला समितिको पहिलो बैंठक सम्पन्न भएको छ । काँग्रेस पार्टीमा सम्पन्न बैंठकले महत्वपूर्ण ६ वटा निर्णय गरेको छ । बैंठकको पहिलो निर्णय निर्वतमान कार्यसमिति र निर्वाचन आयोगलाई धन्यवाद ज्ञापन गरेको छ । दोस्रो निर्णय भने पार्टीका बैंठकहरुलाई नियमित बनाउने निर्णय भएको काँग्रेस स्याङ्जाका सभापति राजु थापाले जानकारी दिनुभयो । सभापति थापाले दिएको जानकारी अनुसार जिल्ला कार्यसमितिको बैंठक प्रत्येक महिनाको ३ गते, क्षेत्रियकार्य समितिको ८ गते, प्रदेश कार्यसमितिको १३ गते, पालिकाहरुको १८ गते र वडा कार्य समितिको बैंठक २३ गते गर्ने निर्णय भएको…
स्याङ्जा, ३ माघ । पुतलीबजार नगरपालिका १४ निवासी १३ बर्षिय समिर मल्लको उपचारमा सहयोग पुरयाउने भन्ने उदेश्यले सौन्दर्यकला ब्यवसायीले सोमबार नगद सहयोग गरेका छन।पुतलीबजार नगरस्तरीय सौन्दर्यकला ब्यवसायी समितिले घरदैलोगरी संकलित १ लाख २४ हजार ४ सय ७७ रुपैंयाको चेक हस्तान्तरण गरेको अध्यक्ष माया गोर्खालीले जानकारी दिनुभयो ।उहाले भन्नुभयो्, ‘सामाजिक संजालमा यस्ता अभियान सुरु गरेको देखेपछि हामीले पनि सहयोग संकलन गरेरे बाबुको ज्यान बच्छ भने बचाउनु पर्छ भन्ने लागेर घरदैलोगरी यति रकम संकलन गरेका हौं।’सौन्दर्यकला ब्यवसायीहरुले मल्लका ठूलाबुवा हरि मल्ललाई सो रकम बराबरको चेक हस्तान्तरण गरेका छन्। समितिका सचिव किर्ती लम्साल र कोषाध्यक्ष सुमन गुरुङ्ले मल्ललाई सो चेक प्रदान गर्नुभएको हो…