Author: Syangja Sandesh

काठमाण्डौं १२ कात्तिक ।विश्व बैंकले सुडानलाई आर्थिक सहयोग रोक्ने घोषणा गरेको छ । सुडानमा सेनाले कू गरी सत्ता लिएपछि भईरहेको प्रदर्शनका क्रममा गरिएको दमनलाई लिएर अन्तर्राष्ट्रियस्तरमा व्यापक आलोचना भैरहेको बेला विश्व बैंकले सुडानलाई दिंदै आएको सहयोग रोक्ने बताएको हो । सेनाले असंवैधानिक तरिकारले सत्ता कब्जा गरेकै भन्दै अफ्रिकन युनियनले समेत सुडानलाई आफ्नो समूहबाट निलम्बन गरेको छ । धमाधम आर्थिक अनुदान सहयोग काटिन थालेकाले नाजुक अर्थतन्त्र भएको सुडानले गम्भीर परिणामहरू भोग्नुपर्ने आर्थिक विशेषज्ञहरूले चेतावनी दिएका छन् । यसैबिच विश्व बैंक र एयुकै कदमका कारण सैनिक विद्रोहका नाइके जनरल अब्देल फत्ताह बुर्हानमाथि नागरिक सरकारको पुनस्र्थापनाका लागि दबाब परेको बताईएको छ । विश्व…

स्याङ्जा, १२ कात्तिक । जिल्ला प्रहरी कार्यालय स्याङ्जाले फरार प्रतिवादी पक्राउ गरेको छ । कर्तव्य ज्यान मुद्धामा जन्मकैदको सजायँ तोकिएका फरार प्रतिवादी ४५ बर्षपछि पक्राउ परेका हुन् । २०३६ साल माघ १७ गते जिल्ला अदालत स्याङ्जाले जन्मकैदको फैसला गरेको चापाकोट ८ का ७३ वर्षीय गणेश बहादुर कुमाललाई विशेष सूचनाको आधारमा ईलाका प्रहरी कार्यालय चापाकोट स्याङ्जाबाट खटिएको प्रहरी अधिकृत सहितको टोलीले पक्राउ गरेको हो । पक्राउ परेका कुमालले आफुलाई गोरे कुमाल भनी नाम परिवर्तन गराई स्याङ्जाबाट भागी नवलपरासीमा परिवार सहित लामो समयदेखी लुकीछीपी बस्दै आएकोमा विशेष सूचनाको आधारमा दशैमा पुरानो घरमा आएर फर्कदै गरेको अवस्थामा पक्राउ गरेको जिल्ला प्रहरी कार्यालयका ।…

स्याङ्जा, १२ कात्तिक । नेकपा एमालेको वालिङको अधिवेशनले शोभाकान्त पौडेलको अध्यक्षतामा ७५ सदस्यीय कमिटि निर्वाचित गरेको छ । कमिटीको उपाध्यक्षमा श्यामकृष्ण श्रेष्ठ, सचिवमा यामखनाल, उपसचिवहरुमा उमेश दर्लामी, सीता गुरुङ र पिताम्बर खनाल लगायत अन्य सदस्यहरु रहनुभएको छ । निर्वाचित कमिटिले शुक्रबारनै सपथ ग्रहण गर्नुभएको छ । निर्वाचन समितिका संयोजक वाईबि कुँवरले नवनिर्वाचित अध्यक्ष पौडेललाई शपथ ग्रहण गराउनुभएको हो भने अध्यक्ष पौडेलले पदाधिकारी तथा सदस्यहरुलाई सपथ ग्रहण गराउनुभएको हो । यो संगै मंगलबारदेखि सुरु नेकपा एमालेको पालिका स्तरीय अधिवेशन सम्पन्न भएका छन् ।

स्याङ्जा, १२ कात्तिक । नेपाल कम्युनिष्ट पार्टी (एकिकृत समाजबादीं) का अध्यक्ष माधबकुमार नेपालले एकिकृत समाजबादीको शक्ति सुदुरपश्चिममा हेर्नुपर्ने बताउनु भएको छ । नेपाल कम्युनिष्ट पार्टी (एकिकृत समाजबादीं ) स्याङ्जाको पार्टी कार्यालयको उद्घाटन गर्नै नेपालले समाजबादीको शक्ति केपी ओलीको निद हराम भएको बताउनुभयो । सुदुरपश्चिममा हाम्रो पार्टी पहिलो र एमाले चौथो रहेको बताउदै अध्यक्ष नेपालले आगामी निर्वाचनमा एमाले चौथो पार्टी बन्ने ढोकुवा गर्नुभयो । पार्टी कम्पनी नभएको बताउदै बिचारको लागि पार्टी बिभाजन भएको बताउदै नेपालले अहिले केपी ओली केशरजंग रायमाझी भन्दा फरक नभएको बताउनुभयो । पछिल्लो क्रममा एमाले केपी फाउण्डेसन भएको बताउदै नेपालले एकिकृत समाजबादी ब्याक्ती प्रदान नभई नीति प्रदान भएको…

काठमाडौँ, १२ कात्तिक । नेपाली काँग्रेसको १४औँ महाधिवेशन आगामी मङ्सिर २४ देखि २६ गतेसम्म हुने भएको छ । पार्टीको केन्द्रीय निर्वाचन समितिको आज पार्टी केन्द्रीय कार्यालयमा बसेको बैठकले वडा तहदेखि प्रदेशसम्मका सम्पूर्ण निर्वाचन सम्पन्न गरेर आगामी मङ्सिर २४ देखि २६ गतेसम्म काठमाडौँमा १४ औँ महाधिवेशन सम्पन्न गर्नेगरी नयाँ मिति तोकेको हो । काँग्रेसले सिन्धुपाल्चोक, डोल्पा, बाँके, कैलाली सुर्खेत, सप्तरी, सिरहा, धनुषा, महोत्तरी, सर्लाही, बारा र पर्सा जिल्लाको वडा अधिवेशन कात्तिक २७ गते सम्पन्न गर्ने, गाउँ नगरपालिका अधिवेशन कात्तिक ३० गते सम्पन्न गर्ने, प्रदेशसभा क्षेत्रीय अधिवेशन मङ्सिर ३ गते, प्रतिनिधिसभा क्षेत्रीय अधिवेशन मङ्सिर ६ गते र एकभन्दा बढी प्रतिनिधिसभा निर्वाचन भएको…

स्याङ्जा १२, कार्तिक । स्याङ्जा नेकपा माओवादी केन्द्रका केन्द्रिय सदस्य तथा गण्डकी प्रदेशका सचिव दबेन्द्र पराजुलीले अब देश माओवादीमय बन्ने बताउनुभयो । नेकपा माओवादी केन्द्र जिल्ला समन्वन समिति स्याङ्जाको वालिङमा भएको विस्तारित बैठकलाई सम्बोधन गर्दै पराजुलीले एमाले, कांग्रेसको जनतामा जाने एजेण्डा हराएको भन्दै अब जनताले माओवादीलाई साथ दिने बताउनुभयो । उहाँले नेकपा भित्र देखिएको बहस, विवाद बिभाजनमा गएको संकेत गर्दै सच्चा क्रान्तिकारी र यथास्थीतीवादी बीच धुर्विगरण हुने क्रम सुरुभएको बताउनुभयो । पराजुलीले नयाँ परिवेशमा माओवादीले पार्टीलाई व्यवस्थित र संगठित बनाउँदै लगेकाले माओवादी पार्टी विस्तारको कामले क्रान्तिकारी छालाङ मार्नेमा जोड दिनुभयो । उहाँले जिल्लामा रहेका नेता कार्यकर्ताहरुलाई जनतामाझ ठोक्किन र जनताका…

हेटौंडा ११ कात्तिक । बागमती प्रदेशको मुख्यमन्त्रीका नेकपा ९एकीकृत समाजवादी० प्रदेश संसदीय दलका नेता राजेन्द्र पाण्डेले पद तथा गोपनियताको शपथग्रहण गर्नुभएको छ । प्रदेश प्रमुख यादवचन्द्र शर्माले नेपालको संविधानको धारा १६८ को उपधारा ९२० बमोजिम पाण्डेलाई मुख्यमन्त्री नियुक्त गर्दै शपथग्रहण गराउनुभएको हो । उपधारा ९२०मा प्रदेश सभामा कुनै पनि दलको स्पष्ट बहुमत नरहेको अवस्थामा प्रदेशसभामा प्रतिनिधित्व गर्ने दुई वा दुईभन्दा बढी दलहरूको समर्थनमा बहुमत प्राप्त गर्नसक्ने प्रदेश सभाको सदस्यलाई प्रदेश प्रमुखले मुख्यमन्त्री नियुक्त गर्ने व्यवस्था छ । पाण्डे बागमती प्रदेशको तेस्रो मुख्यमन्त्री बन्नुभएको हो । यसअघि नेकपा ९एमाले०का नेताहरू डोरमणि पौडेल र अष्टलक्ष्मी शाक्यले मुख्यमन्त्रीको जिम्मेवारी सम्हाल्नुभएको थियो । गठबन्धनका…

स्याङ्जा, ११ कात्तिक । नेवा देदवु जिल्ला समिति स्याङ्जाले नेपाल सम्बत ११४२ को अवसर पारेर बिहीवार पुतलीखेतमा शुभकामना आदानप्रदान कार्यक्रम गरेको छ । पुतलीबजार नगरपालिका १ स्थित नेवार समुदायको पुरानो बस्ती रहेको यहाँ निर्मित नेवा संग्राहयमा आयोजित कार्यक्रमकोे उदघाटन केन्द्र र प्रदेश पदाधिकारी र सदस्यहरुको सहभागिता थियो। शुभकामना कार्यक्रमको उदघाटन गर्दै केन्द्रीय अध्यक्ष नरेशकुमार ताम्राकारण नेपाल भाषा, कला संस्कृतिको संरक्षण गर्नपर्ने बताउनुभयो ।बहुसंख्यक जातजाती भाषा, कलाले भरिपूर्ण नेपालको पहिचान बिबिधताभित्र एकता रहेको औल्याउदै नेवार समुदायका मौलिकपनको संरक्षणका लागि राज्य तयार हुनुपर्नेमा जोड दिनुभयो ।सबैजातजाती र वर्ग समुदायका पहिचान र संरक्षणका लागि राज्य र हामी आफैं जागरुक ह्ुनुपर्नेमा उनले जोड दिदै…

हेटौंडा १० कात्तिक। वाग्मती प्रदेशमा नयाँ सरकार गठनका लागि प्रदेश प्रमुख यादवचन्द्र शर्मासमक्ष मुख्यमन्त्री पदका प्रत्यासी राजेन्द्रप्रसाद पाण्डेले ५९ जना प्रदेश सभाका सदस्यको हस्ताक्षर सहित दाबी पत्र आज बेलुकी बुझाउनुभएको छ । उहाँको समर्थनमा प्रदेश सभामा प्रतिनिधित्व गर्ने चार वटा राजनीतिक दलले सर्मथन सहित हस्ताक्षर गरी दाबी पत्र बुझाइएको प्रदेश प्रमुख सचिवालयले जनाएको छ । प्रदेश प्रमुख शर्माले नेपालको संविधानको धारा १६९ को उपधारा १ को खण्ड क बमोजिम नयाँ सरकार गठन गर्न भोली दिउँसो ३ बजेसम्म समयसीमा निर्धारण गर्नुभए अनुसार मुख्यमन्त्री पदका लागि प्रत्यासी पाण्डेले आज नै दाबी पत्र दर्ता गराउनुभएको थियो ।

हेटौंडा १० कात्तिक। बागमती प्रदेशकी मुख्यमन्त्री अष्टलक्ष्मी शाक्यले राजीनामा घोषणा गर्नुभएको छ ।आज प्रदेशसभाको बैठकमा बोल्दै मुख्यमन्त्री शाक्यले राजीनामा घोषणा गर्नुभएको हो । उहाँले प्रदेशसभामा विश्वास सम्बन्धी प्रस्ताव दर्ता गर्नुभएको थियो । मुख्यमन्त्री शाक्यले आगामी दिनमा बागमती प्रदेश सभामा मिलेरै अगाडी बढ्नका लागि राजीनामा दिनु नै राम्रो लागेको बताउनुभयो । शाक्यले दिनुभएको राजीनामा आज नै स्वीकृत भएपछि प्रदेश प्रमुख यादवचन्द्र शर्माले नयाँ सरकारको दाबी गर्न आह्वान गर्नुभएको थियो । बागमती प्रदेशमा नयाँ सरकार गठनको लागि आह्वान भएको छ । प्रदेश प्रमुख यादवचन्द्र शर्माले भोली दिउँसो ३ बजेसम्म मुख्यमन्त्री पदमा दावी गर्न आह्वान गर्नुभएको हो ।

स्याङ्जा १० कात्तिक । सरकारले मङ्सिरदेखि विद्युतको नयाँ महसुल दर लागू गर्ने भएको छ । विद्युत नियमन आयोगले बिजुलीको महसुल समायोजन गर्दै आज नयाँ दर सार्वजनिक गरेको छ । नेपाल विद्युत प्राधिकरणको प्रस्तावमाथि आवश्यक छलफल, सुनुवाइ र विश्लेषण गरेर आयोगले नयाँ महसुल दर तय गरेको हो । मङ्सिरबाट लागू हुने महसुलदर अनुसार ५ एम्पियरको लाइन लिने सिङ्गल फेज घरायसी ग्राहकले २० युनिटसम्म खपत गर्दा सर्भिस चार्जबापत ३० रुपैयाँ मात्रै तिर्नुपर्नेछ । त्यसका लागि प्राधिकरणले वर्षमा ७५ करोड बराबर लगानी गनुपर्नेछ ।आयोगले इन्डक्सन चुल्हो र विद्युतीय उपकरणको प्रयोग बढी हुने युनिट अनुसारको स्ल्याबमा पनि महसुल दर घटाएको छ । त्यसैगरी सिँचाइका…

स्याङ्जा १० कात्तिक । नेपाली कांग्रेसको १४औँ महाधिवेशन मंसिर २७ देखि २९ गतेसम्म गर्ने निर्णय गरेको छ । कांग्रेस निर्वाचन समितिको बुधबार बसेको बैठकले रोकिएका वडा अधिवेशन कात्तिक २७ देखि थालेर मंसिर २७ देखि केन्द्रीय महाधिवेशन गर्ने निर्णय गरेको हो । समितिले कात्तिक २७ गते वडामा, मंसिर ३ गते प्रदेशसभा निर्वाचन क्षेत्रमा, मंसिर ६ गते प्रतिनिधिसभा निर्वाचन क्षेत्रमा, मंसिर १० गते जिल्ला अधिवेशन र मंसिर १६ र १७ गते प्रदेशमा अधिवेशन गर्ने निर्णय गरेको निर्वाचन समितिका संयोजक महादेवप्रसाद यादवले जानकारी दिनुभयो । मंगलबारको पदाधिकारी बैठकमा पार्टी सभापति तथा प्रधानमन्त्री शेरबहादुर देउवाले निर्वाचन समितलाई मंसिरभित्र सकिनेगरी महाधिवेशनको कार्यतालिका बनाउन निर्देशन दिनुभएको…

स्याङ्जा १० कात्तिक । नेकपा एमाले स्याङ्जाको पुतलीबजार नगर कमिटीको अध्यक्षमा भरत गोदार निर्वाचित हुनुभएको छ । कमिटिको उपााध्यक्षमा रेशम केसी, सचिवमा अमृत नेपाली, उपसचिवमा लक्ष्मी थापा मगर र बिद्या भट्टराई निर्वाचित हुनु भएको हो ।

स्याङ्जा, १० कात्तिक । नेपालकै नमूना पयटकीय गाउँ ‘सिरुवारी होमस्टे’ पर्सी कात्तिक १२ गते (शुक्रवार) देखि संचालनमा ल्याईने भएको छ।मुलुककै पहिलो होमस्टेका रुपमा प्रख्यात सिरुवारी कोरोना भाइरस संक्रमण बढेसंगै बन्द गरिएको थियो। कोरोनाको दोश्रो चरणसंगै बन्द रहेका होमस्टे पुनःसंचालनको तयारीकालागि यहाँका पर्यटनकर्मीहरु आ आफना कर्ममा जुटेका छन्। आँधीखोला गाउँपालिका १ पञ्चमूल स्थित शिरुवारी बाक्लो गुरुङ बस्ती छ। कला, संस्कृति, रहनसहन र आत्मियता साट्न सिपालु यहाँका स्थानीयबासीसंगको साक्षात्कार साच्चीकै यादगार रहन्छन्। गाँउले तथा पहाडीय जीवन, कला, संस्कृति, गुम्वा, भ्यू टावर, म्यूजियम, धारु, बुद्धको मूर्ति लगायतका क्षेत्रका घुमिफिर तथा अवलोकन गर्ने स्थल यहाँका मनमोहक छन्। पाहुना आउने खबर भएपछि होमस्टे संचालकहरु मुख्य…

स्याङ्जा १० कात्तिक । गल्याङ नगरपालिका वडा नम्बर ४, दुधेचौरमा उन्नत बाख्रापालन तथा खसीबोका वितरण कार्यक्रम सम्बन्धी सार्बजनिक सुनुवाई कार्यक्रम सम्पन्न भएको छ । नेपाल लाइभ स्टक इनोभेसन सेक्टर आयोजनाद्वारा सञ्चालितउन्नत बाख्रापालन तथा खसीबोका वितरण कार्यक्रम सम्बन्धी सार्बजनिक सुनुवाई कार्यक्रम गरिएको हो । कार्यक्रममा गल्याङ नगरपालिका प्रमुख भुपराज अधिकारीले किसान आत्मनिर्भर बन्नका लागि परियोजनालाई सही रुपमा कार्यान्वयन गर्न आग्रह गर्नुभयो । उहाँले कृषि र पशुपालनबाट आत्मनिर्भर बन्नका लागि गल्याङ नगरपालिकाले सबै खालको सहयोग गर्ने प्रतिबद्वता जनाउनुभयो ।नगरप्रमुख अधिकारीले भन्नुभयो –‘अनुदानका लागि मुख ताक्ने मात्रै होइन, काम नै गरेर अगाडि बढ्नुस् नगरपालिकाले सबै खालको सहयोग गर्न तयार छ ।’ उहाँले कृषकहरुका…