स्याङ्जा ६ असोज । आपसी सहयोग केन्द्र (आक्स) नेपालको २८ औं बार्षिक साधारणसभा तथा १३ औं अधिवेशन सहित बार्षिक समाजिक परीक्षण सम्पन्न भएको छ ।
पुतलीबजार नगरपालिका १ नारायणस्थान स्थित केन्द्रको कार्यालयमा भएको अधिवेशनको आँधीखोला गाउँपालिकाका उपाध्यक्ष सीता थापाले उदघाटन गर्दै गैरसरकारी संस्था महासंघमा गरेका कामको अनुभवले धेरै साथीहरु जनप्रतिनिधि बन्ने अवसर पाएको बताउनुभयो । आफु पनि केन्द्रमा बसेर समुदायका घरघरमा पुगी काम गरेका कारण स्थानीयबासीले चिन्ने मौका पाएको र काम गर्नै तौर तरिका बारे पनि धेरै कुरामा जानकारी लिन सकेको उहाको भनाई छ ।
गैरसरकारी संस्थामा काम गरेकाहरुले अन्य क्षेत्रमा पनि राम्रा र उदाहरणीय काम गरेको बताईन । यस संस्थामा रहेर काम गर्दा ग्रामिणतहदेखि किसानका घर घरमा पुगेर काम गरेका कारण आज जनप्रतिनिधि बनेर गाउँपालिकाको सेवा गर्नै अवसर मिलेको उहाको भनाई छ । पछिल्लो समय सकारात्मकता हराउदै नकरात्मकता बढेको बताउदै केन्द्रका पूर्व लेखासंयोजक समेत रहेकी थापाले स्थानीय पालिकासंग सहकार्य र समन्वय गर्दै अघि बढ्नुपर्नेमा जोड दिनुभयो् । स्थानीय पालिका गैरसरकारी संस्थासंग सहकार्य गर्दै अघि बढ्न समन्वय गर्न सुझाव दिनुभयो ।
कार्यक्रममा फेदिखोला गाउँपालिकाका उपाध्यक्ष देउकुमारी गुरुङले केन्द्रले कृषि तथा वातावरणीय क्षेत्रमा पुरयाएको योगदानको चर्चा गर्दै कृषिबाट आर्थिकोपार्जन गर्न सकिनेमा जोड दिनुभयो । फेदिखोलाले शिक्षा र कृषिलाई प्राथमिकतामा राखी काम गर्दै आएको जानकारी गराउदै कृषिका क्षेत्रमा क्रियाशिल गैरसरकारी संस्थाले पालिकामा समन्वय र सहकार्य गर्न आग्र गर्नुभयो ।
कार्यक्रममा नागरिक समाजका अध्यक्ष ओमप्रकाश शर्मा, गैरसरकारी संस्था महासंघका अध्यक्ष एकनारायण सापकोटा, चापाकोट नगरपालिका ६ का अध्यक्ष तारा पोख्रेल लगायतले शुभकामना मन्तब्य केन्द्रले पुरयाउदै आएको योगदानका बारेमा चर्चा गरेका थिए । सामाजिक विकास परिक्षण संयोजक महेन्द्र लामिछानले केन्द्रका गतिबिधीका बारेमा जानकारी गराउनुभयो ।
सोही कार्यक्रममा अध्यक्ष रुकुमदत्त शर्माले अध्यक्षको प्रतिवेदन र कार्यकारी निर्देशक हरिप्रसाद ढकालले संस्थागत गत आर्थिक बर्ष, चालु र आगामी आर्थिक बर्षका कार्यक्रम तथा बजेटका बारेमा जानकारी गराएका छन् । अधिबेशनमा केन्द्रका लेखा तथा प्रशासन ब्यवस्थापक शिव पोखरेललाई उत्कृष्ठ कर्मचारीका रुपमा सम्मान गरिएको छ ।
केन्द्रका अध्यक्ष रुकुमदत्त शर्माको अध्यक्षतामा सम्पन्न कार्यक्रममा कोषाध्यक्ष सीता पोखरेलले स्वागत एवं उपाध्यक्ष कृष्णप्रसाद मरासिनीले संचालन गर्नुभएको थियो ।
यसैगरी, अधिबेशनले पुनः रुकुमदत्त शर्माको अध्यक्षतामा ९ सदस्यीय कार्यसमिति निर्वाचित गरेको छ । समितिको उपाध्यक्षमा कृष्णप्रसाद मरासिनी, सचिवमा सीता पोखरेल, सहसचिवमा ढाकाराम पौडेल, कोषाध्यक्षमा लालु कोइराला निर्वाचित भएका हुन । यसैगरी, सदस्यहरुमा बसन्त सुनाम, आइतीश्री थापा, निर्मला नेपाली, प्रमिला रेग्मी निर्वाचित हुनुभएको छ ।
अधिवेशनले लेखा समितिको संयोजकमा बिष्णुप्रसाद लामिछाने र सदस्यकम बिना थापा र बाबुराम बिक निर्वाचित भएका छन् । अनुगमन तथा मूल्यांकन समितको संयोजमा लीलालराथ शर्मा र सदस्यमा सुमित्रा पौडेल र श्यामादेवी शर्मा रहेका छन् । सामाजिक परिक्षण समितिमा महेन्द्र लामिछानेको संयोजकत्वमा हेमराज पौडेल र शर्मिला पौडेल सदस्य रहेका र कानूनी सल्लाहकारमा प्रेमराज पौडेल र संस्थागत सल्लाहकारमा चिन्तामणी पौडेल निर्वाचित भएका छन् ।