फागुन ६ गते । संस्कृति, पर्यटन तथा नागरिक उड्यनमन्त्री बद्रीप्रसाद पाण्डेले प्रकृति बचाउन नसकेमा ब्रहमाण्ड खतरामा रहेको बताउनु भएको छ ।
अर्जुनचौपारी गाउँपालिका–१ जलबराह धार्मिक वनमा निर्माण भएको नेपालकै पहिलो नवग्रह मन्दिरको अनुष्ठान, गिता ज्ञान महायज्ञ तथा धार्मिक महोत्सवमा मङगलबार मन्त्री पाण्डेले मानब सभ्यताको लागि नवग्रह मन्दिर कोषेढुङ्गा हुने बतानुभयो ।
पृथ्वीले आफ्ना प्राकृतिकता खोजको बताउदै मन्त्री पाण्डेले ब्रहमाण्डको सन्तुलन, धार्मिक सन्तुलन नमिल्दा हिमालमा हिउँ नभएको र बायुमण्डलिय प्रदुषण तथा पुरै विश्व खतरामा परेको बताउनुभयो ।नवग्रहले आलमदेवी देखी मुक्तीनाथ जस्ता धार्मिक स्थललाई जोडनुपर्ने बताउदै मन्त्री पाण्डेले अब हजारौँ दर्शनाथी आउने छन् भने नआएकालाई आउ आउ बनाउनुपर्ने बताउनुभयो ।
नेपालनै धार्मिक पर्यटनको सम्भावना भएको देश भएको बताउदै मन्त्री पाण्डेले नवग्रह मन्दिर अब धार्मिक पर्यटकिय स्थल बनेको जिकिर गर्नुभयो ।
जल, जडिबुटी, बन लगायतका प्राकृतिक हिसाबले नेपाल धनि रहेको बताउदै मन्त्री पाण्डेले विश्वलाई नै एक पटक नेपालको सस्कृति हेर्न जाउ भन्ने बनाउनुपर्ने बताउनुभयो । स्थानिय आमा दिदी बहिनीको मुख्य सहयोगमा बनेको सुन्दा आफु हर्षित भएको बताउदै मन्त्री पाण्डेले मातृशक्तीले देखाएको बाटो हाम्रा लागि कल्याणकारी बाटो भएको बताउनुभयो ।
आयआर्जनमा गण्डकी अग्रस्थानमा रहेको बताउदै मन्त्री पाण्डेले स्याङ्जा बुटवल र पोखरासँग जिल्लाका नागरिक पुगेका र सम्बन्ध रहेको बताउनुभयो । सरकारले विकासको लागि त्रिभुजको परिकल्पना गरेको बताउदै मन्त्री पाण्डेलले नेपालको बिचमा रहेको मुग्लिन, पोखरा र बुटवललाई जोडने सरकार लागेको बताउनुभयो ।
स्याङ्जाको भविष्य रहेको रहेको बताउदै सिदार्थ राजमार्ग चौडा गरेसँगै जिल्लाले विकासले फड्को मार्ने मन्त्री पाण्डेको भनाई थियो ।जसको जे सम्भावना छ सोही अनुसार समुदाय जागरुक भएर लाग्नु पर्ने बताउदै मन्त्री पाण्डेलले संघको मन्त्रीको नाताले खुला हृदयले सहयोग गर्ने बताउनुभयो ।
कार्यक्रममा संघीय सांसद राजु थापाले नवग्रह मन्दिरले धार्मिक पर्यटनको बाटो खोलेको बताउनुभयो । प्रदेश सांसद कल्पना तिवारी, उपाध्यक्ष सपना गुरुङप्रमुख प्रशासकीय अधिकृत कौशल पाण्डे लगायतले मन्तब्य राख्नु भएको थियो ।
१४४ बर्षमा आएको महाकुम्भको समयमा महाशिवरात्रीको अवसर पारेर यहाँ प्राण प्रतिष्ठा तथा अनुष्ठान र धार्मिक महोत्सब गरिएको हो । १४ गते सम्म चल्ने नव्रह मन्दिरको अनुष्ठान तथा धार्मिक महोत्सवमा एक करोड २५ लाख दिप प्रज्वलन, चार बेदको पाठ पारायण, गायत्री मन्त्रद्धारा सवालाख हवन, आर्मिक अन्र्तक्रिया, सन्ध्याकालिन महाआरती तथा भजनकृतन गरिने छ ।
प्राण प्रतिष्ठा तथा अनुष्ठान एवं धार्मिक महोत्सवमा आचार्य श्री चैतन्वय कृष्ण महाराज गूरु प्रमुख बाचक रहनु भएको छ भने राधिका दाशी, केएन स्वामी, लोकानन्द स्वामी लगायतले धार्मिक प्रवचन र देवी घर्ती, राजु ढकाल, खुमन अनधिकारी लगायतका राष्ट्रिय कलाकारले मनोरञ्जन दिनु हुने छ ।
घर तथा शक्तिपीठको एक नवग्रहको प्रतिमा राखेर पूजा गर्ने गरिएकोमा नेपालमै नवग्रह मन्दिरको दर्शन तथा पूजा अर्चना गर्न पाइने गाउँपालिका अध्यक्ष प्रकाश तिवारीले बताउनुभयो । १५७ रोपनी अर्थात आठ हेक्टर क्षेत्रफलमा फैलिएको यस धार्मिक वनमा नवभुज आकारको आकाश तर्फ फर्केको २७ फिट अग्लो नवग्रह मन्दिर बनाइएको छ ।
पिलरको १४ फिटमा सुर्य, शुक्र, केतु, चन्द्र, मङगल, बुध, शनि, बृहस्पती र राहुका प्रतीक राखिएको छ भने पिलरको नौ वटा भुजामा ग्रह अनुसारका रङ लगाइएको छ । नवग्रह मन्दिरसँगै षट्कोण शिवालय बनाइएको छ भने षट्कोण शिवालयको बीचमा पशुपतिनाथको जस्तै पञ्चमुखी शिवलिङग(सात क्वीन्टलक) र कोणमा गणेश, कुलदेवता, लक्ष्मी, कालभैरव, हनुमानको मूर्ति राखिएको छ ।
यस मन्दिरमा षट्कोण शिवालयको एक छेउबाट प्रवेश गरेर गणेश, कुलदेवता(तेलको पोखरी), स्ष्टदेवताको पूजा गरेर बीचमा रहेको पञ्चमुखी शिवलिंगको दुई पटक घुमेर पूजा गरेसँगै हनुमान, लक्ष्मी, कालाभैरवको पूजा गरेर बाहिर निस्किने बनाइएको छ ।
षट्कोण शिवालयको पूजा पश्चात देवरे छेउँबाट हिडेर करिब तीन सय मिटर टाढा रहेको बर्षौ देखी पूजा अर्चना गरिदै आएको पञ्चकन्याको मन्दिरको दर्शन गरिने छ ।
त्यस पश्चात विपरितबाटो दियो आकारको पूर्व तर्फ फर्केको नवग्रहमन्दिर पुगिने छ । नौ चक्रमा रहेको मन्दिरको एक ठाउँबाट छिरेर परिक्रमा सहितको पूजा गरेपछि सुरुङबाट बाहिर निस्कने छ । यहाँ नव्रग्रह यन्त्र, शिवयन्त्र र एक मण्डला समेत निर्माण गरिएको छ भने यस मन्दिरमा विवाह नहुने हुदाँ सँगै रहेको राधाकृष्ण मन्दिरको मर्मत समेत गरिएको छ ।
यहाँ षट्कोण शिवालयका मुर्तिको अस्तित्वमा रहेको कर्णको मुर्ति नवग्रह तर्फ फर्कायर करिब तीन सय मिटर पूर्वको जंगलमा राखिएको छ ।नवग्रह मन्दिर शनिबार मात्र खुला हुनेछ भने नौमध्ये एक चक्रमा भने हरेक दिनमा पनि पूजा गर्न सकिने छ ।