स्याङ्जा, ६ मंसिर । अर्जुनचौपारी गाउँपलिकाले दोश्रो राष्ट्रपति रनिङ शिल्ड तथा खेलकूद महोत्सवको उदघाटनका दिन यू–१९ विश्वकपका छनोट स्याङ्जाका तीन महिला खेलाडीलाइ सम्मान गरेको छ ।
पुतलीबजार नगरपालिका १ का ज्योत्सिना मरासिनी, १३ का सीमाना केसी र कुसुम गोदारलाई जनही १५÷१५ हजार नगद सहित सम्मानपत्र र दोसल्ला ओढाएर सम्मान गरेको हो । क्रिकेट संघ स्याङ्जाका अध्यक्ष दिवाकर थापालाई सम्मानपत्रले सम्मान गरेको छ ।
क्रिकेटका ३ जना खेलाडी र अध्यक्ष थापालाई गाउँपालिकाका अध्यक्ष प्रकाश तिवारी, उपाध्यक्ष सपना गुरुङ, प्रकाशकिय अधिकृत कौशल पाण्डेले सम्मान गर्नु भएको हो ।
सम्मान गर्दै अध्यक्ष तिवारीले खेलाडी देशको गहना भएकाले सबैले खेल र खेलाडीको सम्मान गर्नुपर्ने बताउनुभयो । खेलकुदको विकासमा गाउँपालिका हरपल सहयोग रहने पालिका अध्यक्ष तिवारीको भनाई छ ।
कुल ४५ स्वर्ण, ४५ रजत र ४५ कास्क पदककोलागि प्रतिस्पर्धा हुने भएको छ । प्रतियोगितामा १ देखि १२ कक्षाका विद्यार्थी सहभागि हुने भएका छन् ।
खेलकुद महोत्सबमा कक्षा –१ देखि कक्षा –५ सम्म चम्चा दौड, म्युजिकल चियर, एकल नृत्यमा प्रतियागिता रहेको छ । कक्षा –६ देखि १२ सम्म दौड, हाइजम्प, लड्ढजम्प, त्रिपलजम्प, भलिबल, कबड्डी, डोरी तान्ने खेल रहेका छन् ।
कार्यक्रममा सम्मानित खेलाडी सीमाना केसी, वडा नं १ का अध्यक्ष रणबहादुर थापा, लाल केसी लगायतले शुभकामना मन्तब्य ब्यक्त गर्नुभएको थियो