स्याङ्जा १९ साउन । आँधीखोला गाउँपालिका ६ फापरथुम आनन्दआश्रम स्याङ्जामा साहित्यिक तथा वैचारिक गोष्ठी सम्पन्न भएको छ । फापरथुममा अवस्थित आनन्दआश्रम ज्ञान केन्द्रले शनिबार ३० औँ श्रृंखलाको साहित्यिक तथा वैचारिक गोष्ठी गरिएको हो ।
कार्यक्रमको उदघाटन गर्दै फेदीखोला साहित्य प्रतिष्ठानका अध्यक्ष हिमालयजङ्ग बानियाले साहित्यले मानवलाई सुसंस्कृत र सभ्य बनाउने बताउनुभयो । आनन्दआश्रमको अभियानले ग्रामीण समाजलाई निकै उन्नत बनाउन महत्वपूर्ण भूमिका खेलेको जनाउदै पण्डित आनन्दमणि यो सेरोफेरोका गुरु भएको बताउनुभयो ।
कार्यक्रममा दिवाकर सुवेदी, प्रद्युम्न पनेरु माविका छात्रा शिखा सुनार, सबिन जिटी, सूर्य जिटी र विनिता जिटीले कविता सुनाउनुभयो । टिकाराम ढकाल वनपाले, संस्थापक संरक्षक त्रिलोचन ढकाल, डाक्टर ऋषिराम ढकाल र रिदम ढकालले आनन्दआश्रमका गतिविधि र भावी योजनाका सम्बन्धमा प्रकाश पार्नुभयो।
आनन्द आश्रम ज्ञान केन्द्रका वरिष्ठ सल्लाहकार टिकाराम ढकालको अध्यक्ष्ाँतामा सम्पन्न कार्यक्रममा सदस्य शारदा शर्माले स्वागत एवं कार्यक्रमको सञ्चालन त्रिभुवन विश्वविद्यालयका सहप्राध्यापक एवं संस्थाका सदस्य शारदा शर्माले गर्नुभएको थियो।