स्याङ्जा १३ मंसिर । नेकपा एमालेको एघारौं राष्ट्रिय महाधिवेशनका लागि स्याङ्जाबाट महाधिवेशन प्रतिनिधि सर्वसम्मत रुपमा टुंग्याएको छ । जिल्लाबाट १५ जना प्रतिनिधिका लागि ८४ जना आकांक्षी थिए ।
काठमाडौंमा यही मंसिर २७ गतेदेखि २९ गतेसम्म हुने ११ औं महाधिवेसनका पार्टी प्रतिनिधि छनोट गरेको हो । स्याङ्जाबाट १५ जना प्रतिनिधिका लागि ८४ जना आकांक्षी देखिएका थिए ।
दुई दिनको छलफल पश्चात् प्रतिनिधि छनोट भएको हो । क्षेत्रीय र संगठनात्मक रुपमा सक्रिय व्यक्तिहरुलाई सर्वसहमतिमा एमाले स्याङ्जाले प्रतिनिधि छनोट गरेको छ ।
स्याङ्जा संघीय निर्वाचन क्षेत्र नं. १ मा खुलाबाट नारायण मरासिनी, सुधिर पौडेल, महेश पुरी र चुनप्रसाद शर्मालाई महाधिवेशन प्रतिनिधिका रुपमा छनोटमा परेका हुन । महिलाबाट चिनमाया गुरुङ र तारा शर्मा, युवा प्रतिनिधिमा अमृत नेपाली चयन भएका हुन ।
यसैगरी संघीय क्षेत्र नं. २ मा खुलाबाट सुर्यप्रसाद गैह्रे(पारस), रामचन्द्र भट्टराई (आरसी) र खिम थापा छनोटमा परेका छन् ।
महिलाबाट खगीसरा थापा, भेमला बराल, चालिस वर्षमुनिका युवामा विश्वनाथ अर्याल र दलित समुदायबाट मेघबहादुर सार्की र तिलकराम नेपाली चुनिएको निर्वाचन समितिका संयोजक टंकप्रसाद न्यौपानेले जानकारी दिनुभयो ।