स्याङ्जा २३ साउन । कालीगण्डकी गाउँपालिका ४ चिफलडाँडाकी २७ बर्षिया श्यामकला बश्याल ६ बर्षिय छोरा अरपित पाण्डे सहित बुधवार बिहानदेखि वेपत्ता भएका छन । बिहान साढे १० बजे उपचारका लागि मेडिकल क्लिनिक जान्छु भनी छोरासंगै गएका उनीहरु शुक्रवार बिहानसम्म घर फर्केका छैनन ।
उनीहरु घर नफर्केपछि परिवारका सदस्यद्धारा खोजतलाश गर्दा फेला पर्न नसकेपछि प्रहरीमा खोजी कार्य तीव्र बनाईीदन निवेदन दर्ता गरिएको छ । बुधवार अपरान्ह गल्याङ नगरपालिका ५ सेतीवेनीमा छोरा सहित देखा परेको बताइए पनि खोजतलास गर्दा उनलाई कसैले पनि फेला पार्न सकेनन ।
प्रहरीले कालीगण्डकी नदीमा छोरा लिएर हामफालेको आशंकामा खोजी कार्य तीब्र बनाएको छ । सेतीबेनीदेखि चापाकोटसम्म सशस्त्र प्रहरीका गोताखोेरलाई परिचालन गरिएको प्रमुख जिल्ला अधिकारी ईश्वरीप्रसाद अर्यालले जानकारी दिनुभयो ।
जिल्ला प्रहरी कार्यालयले पनि आमा र छोरा दुबैको फोटो सार्वजनिकगरि खोजतलासका लागि अनुरोध गरेको प्रहरी उपरीक्षक दधिराम न्यौपानेले जानकारी दिनुभयो ।