स्याङ्जा २ भदौ । वालिङ नगरपालिका– ५, द्वारभञ्ज्याङमा एक बालक बाकसभित्र मृत अवस्थामा भेटिएका छन । तेह्र वर्षीय निशान थापा आफनै घरको बाकसमा मृत भेटिएको छ ।
निशान सरस्वती आधारभूत विद्यालय मिनाङकोटमा कक्षा ८ मा पढ्दै थिए। विद्यालय परीक्षा सकेर घर फर्किएका निशानका घरमा बहिनी पनि थिईन। सो समयमा घरमा उनकी आमा भने छिमेकीको मेलामा गएकी थिइन ।
मेलाबाट फर्केपछि घरआएकी आमाले छोराको खोजी गर्दा भेटिनन्। खोजी गर्दा आटीमा राखिएको बाकसभित्र निशानको शव फेला परेको थियो ।
घटनाबारे जानकारी प्राप्त भएपछि आइतवार राती नै प्रहरी टोली घटनास्थलमा पुगेको र यसबारे सुक्षम अनुसन्धान भैरहेको प्रहरी उपरीक्षक दधिराम न्यौपानेले जानकारी जानकारी गराउनुभयो ।
घटनास्थललाई शिलबन्दी गर्दै प्रहरीको निगरानीमा राखिएको छ । प्रहरीले अनुसन्धान जारी राखेको प्रहरीको भनाई छ।