स्याङ्जा २९ भदौ । जेन—जी का आन्दोलनका कारण स्थगित स्याङ्जा जिल्ला अदालतका केही सेवा पुनः सोमबारदेखि सुचारु गरिने भएको छ । जनजीवन सामान्य बन्दै गएको र यातायात सञ्चालन पनि सुचारु भएका कारण स्याङ्जा अदालतले सोमबारदेखि सबै कामकाज पूर्ववत् रुपमा पूर्ण रुपले सञ्चालन गर्ने जनाएको हो ।
आइतवार जारी सूचना मार्फत अदालतबाट प्रवाह हुने सबै प्रकारका सेवा उपलब्ध गराउनेगरी सूचित गरिएको छ ।
आन्दोलनका क्रममा सर्वोच्च अदालतको मुद्दा व्यवस्थापन प्रणाली सहित सर्भरमा क्षति पुगेपछि इन्ट्रानेट प्रणाली ठप्प भएको थियो । सार्वजनिक यातायात समेत अवरुद्ध भएकाले स्याङ्जा अदालतले भदौ २६ गतेबाट पक्राउपुर्जी जारी÷जरुरी पक्राउपूजी स्वीकृत÷म्याद थप÷बन्दी प्रत्यक्षीकरणको निवेदन दर्ता र अन्तिम हदम्याद मात्र बाँकी रहेका अभियोग÷फिरादपत्र÷प्रतिउत्तरपत्र दर्ता लगायतका अन्य कामकाजहरु स्थगित गरेको थियो ।
तर, आइतवार बसेको बैठकले यसअघि स्थागित भएका सबै सेवा सहित अन्य सेवापनि सुचारु गर्ने निर्णय गरेको हो ।