स्याङ्जा २० कात्तिक । यतीबेला धान काटेर आलु लगाउने समय हो । बेमौसमी बर्षापछि घाम लागिरहेको अवस्थामा अहिले खेतभरी आलु लगाउनेको माचो छ । खेत जोताउन, डल्ला फुटाउने र मल थुपार्ने काम भएका छन् । अवका केही दिनमा आलु लगाउन सुरु हुदैछ ।
सोही अवस्थालाई मध्येनजर गर्दै ‘आलुमा आत्मनिर्भर कार्यक्रम’ अन्र्तगत पुतलीबजार नगरपालिकाले ५० प्रतिशत अनुदानमा आलुको बीउ उपलब्ध गराएको छ । किसानका माग बमोजिम नगरपालिकाका आलु उपलब्ध गराएको पालिकाले जनाएको छ ।
नगरप्रमुख तुलसीराम रेग्मी, उपप्रमुख देवी अर्याल, प्रमुख प्रशासकिय अधिकृत धर्मराज ढुंगाना, आर्थिक विकास समितिका संयोजक एवं नगर प्रवक्ता मनोज पौडेल लगायतको टोलीले वडा÷वडामा पुगेर आलु बीउका बोरा किसानहरुलाई उपलब्ध गराउदै आउनु भएको छ ।
आलुका बीउ नगरपालिकाका १४ वटै वडामा पु¥याईने भएको छ । पुतलीबजारलाई आलुमा आत्मनिर्भर बनाउने उदेश्यले यहाँका किसानका माग बमोजिम जनकदेव र खुमल सेतो १ जातका आलु ल्याएका छौं नगरप्रमुख रेग्मीले बताए । पुतलीबजारका सबै वडामागरि ७१ हजार ४ सय किलो आलुका बीउ बितरण गरिने नगरप्रमुख रेग्मीले जानकारी दिनुभयो ।
किसानका जनकदेव आलुका बीउ ६१ हजार ४ सय किलो र खुमल सेतो एक १० हजार किलोको माग रहेको छ । आलु खेतीका लागि उपयुक्त हावापानी र भुगोल भएको जनाउदै खेत तथा बारीमा आलु खेती गरेर आत्मनिर्भर सहित ब्यवसायी बन्न नगर उपप्रमुख देवी अर्यालको सुझाव छ ।
आलुका प्रति किलो ५८ रुपैंया भए पनि ५० प्रतिशत छुट दिदा किसानले २९ रुपैंया प्रति किलोमा खरिद गरेका छन् ।
यसअघि नगरपालिकाले अनुदानमा आलु बीउ खरिद गर्न चाहने किसानहरुका लागि सूचना प्रकाशितगरी आलुका बीउ माग गर्न आब्हान गरेको थियो । सोही आब्हान बमोजिम पुतलीबजार नगरपालिका १ का किसानले जनकदेव १ हजार ४० र खुमल सेतो १ सय ६५ किलोको माग गरेका थिए ।
वडा नं. २ मा २ हजार १५५ किलो जनकदेव र ५१० किलो खुमल, वडा नं. ३ मा १६ हजार किलो जनकदेव, वडा नं. ४ मा ४ हजार १ सय किलो जनकदेव र १ हजार ४९९ किलो खुमल, वडा नं. ५ मा ८ हजार किलो जनकदेव, वडा नं. ६ मा २ हजार ३ सय किलो जनकदेव र ४१७ किलो खुमल आलु बीउ उपलब्ध गराउने नगरपालिकाले जनाएको छ ।
यसैगरी, वडा नं. ७ मा ५ हजार ६५० किलो जनकदेव र २ हजार ६२९ किलो खुमल, वडा नं. ८ मा २ हजार ५ सय किलो जनकदेव र १६५ किलो खुमल, वडा नं. ९ मा १ हजार ६०५ किलो जनकदेव र ३६७ किलो खुमल, वडा नं. १० मा ३६८ किलो जनकदेव र १ हजार २१ किलो खुमल, वडा नं. ११ मा ४ हजार ७५० किलो जनकदेव र १ हजार २७९ किलो खुमल आलु बीउको माग रहेका छन् ।
वडा नं. १२ मा जनकदेव १ हजार ८ सय किलो, खुमल १५ किलो, वडा नं १३ मा ४ हजार ९५० किलो जनकदेव र ९५० किलो खुमल र वडा नं. १४ मा ४ हजार १ सय किलो जनकदेव र ९८३ किलो खुमल सेतो आलुको वीउको माग भएको र ती सबै उपलब्ध गराउनेगरी आलुका बीउ खरिदगरी ल्याइएको प्रमुख प्रशासकिय अधिकृत धर्मराज ढुंगानाले जानकारी दिनुभयो ।
आर्थिक बिकास समितिका संयोजक मनोज पौडेलको अध्यक्षतामा सम्पन्न कार्यक्रमको सहजीकरण कृषि शाखा प्रमुख अरुण रेग्मीले गर्नुभएको थियो ।