स्याङ्जा ३ चैत । सामाजिक विकास कार्यालय स्याङ्जाले आँधीखोला गाउँपालिकामा बालसाहित्य पुस्तक वितरण गरेको छ । आधखोला ५ जुग्लेमा रहेको आँधीखोला बोर्डिङमा अध्ययरत बिद्यार्थीका लागि ४२ वटा बालसाहित्य पुस्तक वितरण गरेको हो ।
बालबालिकालाई सानैदेखि आफ्नो माटो र देशको सेवा गर्न यस्ता पुस्तकले थप टेवा पुरयाउने उदेश्यले बालसाहित्य पुस्तक वितरण गरिएको कार्यालयका प्रमुख जीवन पौडेलले बताउनुभयो ।
प्रमुख पौडेलले बालबालिकालाई विद्यालयमा रमाइ रमाइ पुस्तक पढ्ने बानीको विकास गरी सामाजिक सद्भाव, संस्कृति, मूल्य मान्यता, प्रकृति आत्मीयता, श्रम प्रति सम्मान भाव, आत्मविश्वास जस्ता अनेकौं क्षेत्रमा सकारात्मक परिवर्तन ल्याउन बालसाहित्य पुस्तकको महत्त्वपूर्ण भूमिका रहने बताउनुभयो ।
प्रधानाध्यापक स्मृति काफ्लेले बालगीत, बालकथा, बालकविता, बालनाटक, बालउपन्यास, बालगजलसहित जीवन उपयोगी विभिन्न विधाका यस्ता पुस्तकले बालबालिकालाई भाषिक सीपको विकास, सिर्जनात्मक कार्यमा वृद्धि, ज्ञानविज्ञानका कुरासँग साक्षत्कार सङ्गै नैतिकता, सदाचारिता र अनुशासित बनाउन सहयोग पुग्नेमा विश्वास व्यक्त गर्नुभयो ।