स्याङ्जा, १४ साउन । गण्डकी प्रदेश मुख्यमन्त्री एवं कांग्रेस केन्द्रिय सदस्य सुरेन्द्रराज पाण्डेले नेपाली काग्रेसका नेता शिवकुमार गिरीको निधनको बास्तविकता पत्ता लगाउनुपर्ने बताउनु भएको छ ।
नेपाली कांग्रेस स्याङ्जाद्धारा आइतवार पार्टी मुख्यालयमा आयोजित शिवकुमार गिरीको ४५ औ पुण्यतिथीमा आयोजित श्रद्धाञ्जलीसभामा बोल्दै मुख्यमन्त्री पाण्डेले दुर्घटना हो या षडयन्त्र हो यसको गहिराईसम्म पुगेर अनुसन्धान हुनुपर्ने उहाले बताउनुभयो ।
‘विकासप्रेमी र खरो स्वाभावका गिरी नेपाली कांग्रेस पार्टीप्रति वफादार हुनुहुन्थ्थ्यो । उहाले तल्लो स्तरदेखि मल्याङ्कोट गाविस अध्यक्षदेखि चापाकोट नगरप्रमुखसम्मको जिम्मेवारी सम्हाल्दै विकास निर्माणमा धेरै योगदान पुरयाउनुभयो ।’ मुख्यमन्त्री पाण्डेले भन्नुभयो, ‘नेपाल बिद्यार्थी संघ, तरुण दल हुदै महासमिति सदस्य र सभापति पदका दावेदारसम्म बनेर सिंगो नेपाली कांग्रेसको संगठनलाई बलियो बनाउनुभयो ।’
गिरीका अधुरा आयोजना तथा योजना क्रमशः पुृरा गर्दै लानेमा उहाले आवश्वासन दिनुभयो । तरुण दलमा बसेर संगै काम गरेको स्मरण गर्नुभयो । आफना सहपाठी मित्र गिरीको निधनले अपुरणीय क्षति पुगेको जनाउदै परिवार र पार्टीसंग सरोकार राख्ने कोही पनि बिचलित नहुन सुझाव दिनुभयो ।
सभामा प्रतिनिधीसभा सदस्य एवं जिल्ला सभापति राजु थापा, गण्डकी प्रदेश उपसभापति एवं प्रदेश सांसद कल्पना तिवारी, सांसद भोजराज अर्याल र महेश भट्टराई, पूर्वसांसद भागवतप्रकाश मल्ल, कार्यवाहक सभापति केदार काफले, गल्याङ् नगरप्रमुख गुरुप्रसाद भट्टराई, सचिव दामोदर लम्साल, महासमिति सदस्यहरु क्रमशः तुलसी गिरी, देवी अर्याल, गोविन्द रानाभाट, तारा मल्ल, महाधिवेशन प्रतिनिधी बिष्णु पौडेल, स्तन्त्रता सेनानी तारापती सुवेदी, चापाकोट नगरसभापति बिक्रम सारु, नेपाली बिद्यार्थी संघ अध्यक्ष गौरब प्रधान लगायतले विकास र संगठनप्रेमी गिरीको अस्वाभाविक निधनले सिंगो पार्टीलाई अपुरणीय क्षति पुगेको बताउदै उहाले देखाएको बाटोमा हिड्ने प्रतिवद्धता जनाउनुभयो ।
शिव गिरीका पत्नी कल्पना गिरीले आफना पति र भाई बलराम गिरीले आफना दाजुको निधन नभई हत्या भएको जनाउदै सत्यतथ्य पत्ता लगाउनेगरी अनुसन्धानका लागि सबैको साथ र सहयोगको याचना गर्नुभयो । घटनास्थल र घटनाको प्रकृति हेर्दा नै दुर्घटना जस्तो नभएको उहाहरुका भनाई छन ।
जिल्ला सभापति एवं सांसद राजु थापाको सभापतित्वमा सम्पन्न कार्यक्रमको संचालन सचिव दामोदर तिवारीले गर्नुभएको थियो । श्रद्धाञ्जलीसभामा स्याङ्जाका ११ वटै पालिकाबाट आउनुभएको थियो । नेपाली कांग्रेसका महाधिवेशन प्रतिनिधी एवं चापाकोट नगरपालिकाका पूर्व प्रमुख शिव गिरीको सवारी दुर्घटनामा परी असार १ गते राती निधन भएको थियो ।
चापाकोट नगरपालिका ४ दार्सिङ् घर भएका ६० बर्षिय गिरी पाल्पाको रामपुर स्थित एक परिवारलाई दुख भेट गरेर फर्कने क्रममा पुतलीबजार नगरपालिका १० बरजामा सो दुर्घटना भएको हो ।
दुर्घटनामा गम्भीर घाईते हुनु भएका गिरीको जिल्ला अस्पतालमा निधन भएको बताईएको छ । पुतलीबजार नगरपालिका १ स्थित आफनै निवासमा फर्कने क्रममा उनी सवार बा १५ च १७०१ नम्बरको स्कारपियो गाडी वडा नं. १० मा दुर्घटना परेको थियो ।
चालक पुतलीबजार नगरपालिका ९ कोल्माका ३२ बर्षिय सुरज नेपाली पूर्पक्षका लागि कारागार चलान गरिएको छ ।
