स्याङ्जा ९ चैत । स्याङ्जा बहिरा संघ र बिभिन्न संघसंगठनबिच अन्र्तक्रिया गरिएको छ । बहिराका हक, हित र अधिकारका पक्षमा वकालत गर्न सहजीकरण गर्ने उदेश्यले अन्र्तक्रिया गरिएको हो ।
राज्यले उपलब्ध गराएका सेवा सुबिधा र समस्यालाई लक्षित तहसम्म पुरयाउनका लागि बहिरा लगायत अन्य अपांग ब्यक्तिका पक्षमा सहज वातावरण सिर्जना गर्ने उदेश्यले अन्र्तक्रिया गरिएको स्याङ्जा बहिरा संघका अध्यक्ष सुनिता थापाले जानकारी दिनुभयो ।
कार्यक्रममा गैरसरकारी महासंघका अध्यक्ष गोविन्द शर्मा, स्याङ्जा जिल्ला अपांग समाजका अध्यक्ष राम शर्मा पोखरेल, अन्धाअन्धी सामुदायिक विकास केन्द्रका एकनारायण सापकोटा, पत्रकार महासंघका उपाध्यक्ष भवानी अधिकारी, इनर्जेटिक क्लवका अध्यक्ष इश्वर पराजुली, सेतो गुराँसका सचिव टिमकुमारी कुमाल, अपांग समाजका पूर्व कोषाध्यक्ष सावित्री कार्की, आपसी सहयोग केन्द्रका सीता पौडेल लगायतले अपांगता प्रति सकारात्मक धारणा राख्नु पर्नेमा जोड दिनुभयो । बहिरा सहित अपांगताका सहयोगका लागि स्थानीय पालिका बढी संवेदनशील बन्नु पर्नेमा जोड दिदै वहिरा ब्यक्तिका सहजीकरण गर्न स्थानीय पालिकाले दोभाषेको तत्काल ब्यवस्था गर्नुपर्ने बताउनुभयो ।
वहिरा संघका अध्यक्ष सुनिता थापाको अध्यक्षतामा सम्पन्न कार्यक्रमको संचालन सचिव सरिता थापाले र सहजीकरण अर्चना श्रेष्ठले गर्नुभएको थियो ।