स्याङ्जा १३ साउन । कर्तव्य ज्यान मुद्दामा दोषी ठहर भएपछि फरार एक व्यक्ति २३ वर्षपछि पक्राउ परेका छन्। वि.सं. २०५० साल फागुनमा घटेको सो घटनाका दोषीलाई आज मंगलबार पक्राउ परेका हुन ।
चापाकोट नगरपालिका –२ मा भएको घटनाका दोषी ४६ वर्षीय बाजिन्द्रबहादुर सोतीमगरलाई स्याङ्जा प्रहरीले कास्कीको पोखराबाट मंगलबार पक्राउ गरेको हो । गाउँमै भएको विवाह समारोहमा सोतीमगरको कुटपिटबाट गम्भीर घाईते भएका ६० बर्षिय हस्ते विकको उपचारका क्रममा मृत्यु भएको थियो।
कर्तब्य ज्यान मुद्धामा सर्वोच्च अदालतले २०५९ असोज ७ गते २ बर्ष कैद तोकेपछि फरार भए। स्याङ्जा प्रहरीको विशेष अपरेशन टोलीले उनलाई मंगलबार पोखरा महानगरपालिका –१७ बिरौटाबाट पक्राउगर्री जिल्ला अदालतमा उपस्थित गराएको प्रहरी नायब उपरीक्षक प्रशन्नराज चौधरीले जानकारी दिनुभयो ।
बिभिन्न मुद्धा तथा अपराध गतिबिधिमा संलग्न फरार ब्यक्ति पक्राउ अभियानलाई स्याङ्जा प्रहरीले प्राथमितामा राख्दै बिशेष अभियान संचालन गर्दै आएको प्रहरी उपरीक्षक दधिराम न्यौपानेले बताउनुभयो ।