स्याङ्जा १४ जेठ । पुतलीबजार नगरपालिकाको समन्वय तथा सामाजिक विकास कार्यालय र जिल्ला बाल क्लव स्याङ्जाको आयोजनामा अन्तरपालिका स्तरीय हाजिरीजवाफ प्रतियोगिता गरिएको छ ।
गणतन्त्र दिवसको अवसर पारेर गरिएको हाजिरीजवाफ प्रतियोगितामा आधीखोला गाउँपालिका प्रथम, कालीगण्डकी गाउपालिका द्धितिय, भीरकोट नगरपालिका तृतीय र अर्जुनचौपारी गाउँपालिकाले सान्तवना भएका छन् ।

सामान्य ज्ञान, श्रब्यदृश्य, श्रब्य र दृश्य गरेर ४ बिधिबाट सोधिएका प्रश्नहरुका जवाफ दिदै आधीखोला र कालीगण्डकी प्रथम÷प्रथम र भीरकोट र अर्जुनचौपारीले द्धितिय स्थान पाएपछि फेरि दोश्रो चरणको प्रश्नले आधीखोलालाई प्रथम र कालीगण्डकीलाई द्धितीय स्थान बनायो । भीरकोट र अर्जुनचौपारीले भने फेरि पनि बराबर अंक ल्याएपछि चिट्टा मार्फत तृतीय र सान्वना बनाउनु परेको थियो ।

प्रथम हुने समूहले १० हजार, द्धितिय हुनेले ७ हजार, तृतीय हुनेले ५ हजार र सान्तवना हुनेले ३ हजार नगद सहित प्रमाणपत्र पाएका छन् । बिजयी बिद्यार्थीलार्ई पुरस्कार एवं प्रमाणपत्र हस्तान्तरण गर्दै जिल्ला समन्वय समितिका प्रमुख श्रीप्रसाद जिटीले प्रतियोगितामा हारजीत हुने भएकाले यसलाई स्वीकार गर्दे आगामी दिनमा अझ राम्रो गरेर अघि बढ्न सुझाव दिनुभयो ।

नगरप्रमुख तुलसीराम रेग्मीको अध्यक्षतामा सम्पन्न कार्यक्रममा सामाजिक विकास कार्यालयका प्रमुख इश्वरीप्रसाद रेग्मीले स्वागत एवं शाखा अधिकृत शोभाचन्द्र रेग्मीले संचालन गर्नुभएको थियो ।
हाजिरीजवाफ प्रतियोगिताको संचालन शिक्षा अधिकृत गोबिन्द सुवेदीले गर्नुभएको थियो । प्रतियोगितामा फेदिखोला गाउँपालिका बाहेक अन्य १० वटै पालिकाका कक्षा ८ देखि १२ सम्म अध्ययनरत बालबालिकाको सहभागिता थियो ।