स्याङ्जा १८ साउन । हरियाली चापाकोट अभियानलाइ सहयोग गर्न रोटरी क्लब नक्साल शक्ति काठमाडौले चापाकोट वृक्षारोपण अभियानमा सहयोग गरेको छ ।
रोटरी क्लब नक्साल शक्ति काठमाडौको आयोजनामा चापाकोट नगरपालिका वडा न ९ सितलपार्क क्षेत्र भित्र आप,लिचि अमला,गुल्मर,कल्की पारिजात लगाएतका फलफुलको विरुवा रोपिएका हुन ।
नगर प्रमुख देवबहादुर खाणकोे नगरपालिकालाई फलफुलमा विशेष गरि आँप लिची कागती कटहर जस्ता फल र सडक किनारामा कल्की ,पारिजात, गुल्मर जस्ता फुलहरु रोपेर सुन्दर नगर बनाउने अभियानमा जुटिरहेका बेला रोटरी क्लवले ५ सय बिरुवा रोपेर सहयोग गर्ने उदेश्यबाट चापाकोट आएकोले खुशी व्यक्त गर्दै धन्यवाद दिनुभयो ।
नगर प्रमुख खाणले हामीलाई सामाजिक सस्था र स्थानीय नागरिकको सहयोगमा केही बर्षमा सुन्दर चापाकोट नगर बनाउने अभिलाषा पूरा हुने विस्वास व्यक्त गर्नुभयो ।
कार्यक्रममा वडा न ९ का वडा अध्यक्ष कृष्ण सुवेदी डा.उज्ज्वल कोइराला ,तिलक पौडेल, लगाएतले पार्क सफा राख्न सबै जुटनुपर्ने भनाइ व्यक्त गर्नुभयो ।क्लब अध्यक्ष डा.लुना अर्यालले आफुले फेसबुकबाट ६ गते देखि हरियाली चापाकोट अभियान थाहा पाएपछि हातेमालो गरेर सहयोग गर्न चापाकोट आएको बताउनुभयो ।
क्लबका अध्यक्ष डा. लुना अर्यालको अध्यक्षतामा सम्पन्न कार्यक्रममा चापाकोट शितल पार्क समितिका अध्यक्ष विशाल भट्टराईले स्वागत एवं रामु बस्यालले सन्चालन गर्नुभएको थियो ।
