स्याङ्जा १७ मंसिर । निर्वाचन सम्पन्न भएको दशौं दिनबाट सुरु भएको स्याङ्जा २ को मतगणनामा २ (१) मा नेपाली कांग्रेसका प्रत्यासी भोजराज अर्यालले १५ हजार १६१ मत प्राप्त गरेी विजयी हुनु भएको छ ।
उहाका निकटतम प्रतिस्पर्धी एमालेका मोहन रेग्मीले १२ हजार ४३१ मत पाउनु भएको छ । कांग्रेसका अर्यालले एमालेका रेग्मीले भन्दा २ हजार ७३० मत बढी पाएर विजयी हुनुभएको हो ।
को हुन विजयी अर्याल ?
स्याङ्जा २ को (१) बाट गण्डकी प्रदेशसभा सदस्यकालागि निर्वाचित कांग्रेसका उम्मेदवार भोजराज अर्याल एक निष्ठावान राजनीतिकर्र्मी हुनुहुन्छ ।
२०४९ सालको स्थानीय निर्वाचनमा वालिङ् गाविसको अध्यक्ष र २०५४ सालमा भएको दोश्रो स्थानीय निर्वाचनमा वालिङ् नगरपालिकाको प्रमुखमा निर्वाचित भै १० बर्ष जनप्रतिनिधिको भूमिका कुशलतापूवर्कक निर्वाह गरिसक्नु भएका सामाजिक अभियन्ता हो ।
बिज्ञान बिषयमा स्नातक उनी २०३६ सालको बिद्यार्थी आन्दोलनसम्म स्थानीय दहथुम मा.वि.को गणित÷बिज्ञान शिक्षक हुनुभयो । पाकिस्तानका तत्कालिन राष्ट्रपति जुल्फीकार अलिभुट्टोलाई त्यहाको सैनिक सरकारले मृत्युदण्ड दिएपछि नेपालमा चर्केको बिद्यार्थी आन्दोलनको स्याङ्जामा यिनै अर्यालले नेतृत्व लिनुभएको थियो ।
कांग्रेसको जिल्ला कार्यसमितिका महत्वपूर्ण जिम्मेवारीमा रही काम गरेका अर्याल हाल महासमिति सदस्य हुनुहुन्छ । बहुदलको पक्षमा लागे वापत शिक्षकबाट निकालिएका अर्यालको पंचायती सरकारले पक्राउ गर्न टाउकाको मूल्य समेत तोकेको थियो ।
प्रजातन्त्रप्रति अटल र कसैंसंग सम्झौता नगर्ने भोजराज अर्याल निर्भिक, हठी र खरो स्वभावका ब्यक्ति ।
