स्याङ्जा १७ भदौ । स्याङ्जा सहयोग समाज अन्र्तराष्ट्रिय समन्वय समितिको १५ औ स्थापना दिवस शनिवार पुतलीबजार १ स्थित कार्यालयमा मनाइएको छ ।
संसारका २० वटा मुलुकमा शाखा रहेको समाजले विपत्तीमा परेका स्याङ्जाली कामदारलाई हालसम्म ७ करोढ ५० लाख नगद र १ करोड ५० लाख बराबरको जिन्सी सामान सहयोग उपलब्ध गराएको जनाएको छ । स्याङजा सहयोग समाजले १ करोडको अक्षय कोष स्थापनागरी सो को ब्याजबाट प्राप्त हुने रकमबाट प्रत्येक बर्ष बार्षिकोत्सवका अवसरमा सामाजिक र लोककल्याणकारी काममा खर्च गर्ने अध्यक्ष टुकराज अर्यालले जानकारी दिनुभयो ।
कार्यक्रममा संस्थापक अध्यक्ष अनन्तकुमार श्रेष्ठ, संस्थापक सदस्यहरु ओमप्रकाश शर्मा, खेम काफले, सल्लाहकार प्रकाश श्रेष्ठ, रामु बश्याल, गुप्तप्रसाद गैहे, प्रकाश परियार लगायतले शुभकामना मन्तब्य ब्यक्त गर्नुभएको थियो ।
समाजका अध्यक्ष टुकराज अर्यालको अध्यक्षतामा सम्पन्न कार्यक्रमको संचालन सचिव चिरंजीवी शर्माले गर्नुभएको थियो ।