स्याङ्जा १८ चैत । जिल्ला प्रशासन कार्यालयबाट प्रदान गरिने सेवा प्रवाह सम्बन्धी स्थानीय तहका जनप्रतिनिधि र कर्मचारीबीच भीरकोट नगरपालिकामा अन्र्तक्रिया गरिएको छ ।
जिल्ला प्रशासन कार्यालय स्याङ्जाको आयोजना तथा भीरकोट नगरपालिकाको समन्वयमा प्रशासन कार्यालयले प्रवाह गर्दे आएका सेवा सुविधाको बारेमा जानकारी गराउदै स्थानीय पालिकामा भएका वा आइपर्ने समस्या, समाधानका बारेमा छलफल भएको हो ।
कार्यक्रममा जिल्ला समन्वय समितिका उपप्रमुख खडकराज सुवेदी, भीरकोट नगर प्रमुख गोबिन्दकुमार कर्मचार्य, उपप्रमुख भगवती अर्याल, प्रजिअ सुनिता नेपाल, प्रहरी उपरीक्षक शालिग्राम शर्मा लगायतले बिषयगत सुझाव सहित समस्याका बारेमा सहजीकरण गर्नुभएको थियो ।
प्रमुख जिल्ला अधिकारी सुनिता नेपालले नेपालका नागरिक कोहि पनि नागरिकता बाट बंचित हुन नहुने जनाउदै यसमा देखिने जटिलतालाई स्थानीय तह र प्रशासनले समन्वय गरेर अगाडि बढ्नुपर्ने बताउनुभयो । प्रशासन सधैभरी जन सेवामा समर्पित रहेको र राज्यद्धारा उपलब्ध सेवा, सुबिधा लगायत शान्ति सुरक्षाका बिषयमा सबैसंगको साथ सहयोग, सहकार्य र समन्वयगर्दे अघि बढ्ने जनाउनुभयो ।
नगरप्रमुख गोविन्दकुमार कर्माचार्यले नगरबाट प्रवाह हुने सेवालाई चुस्त दुरुस्त पारिएको भन्दै प्रशासनसंग समन्वय गर्र्र्दै प्रशासनिक कार्यलाई थप व्यवस्थीत बनाउने बताउनुभयो ।
नगरपालिका अन्र्तगत रहेका ९ वटै वडा अध्यक्ष लगायत कार्यपालिका सदस्य र वडा सदस्यको सहभागीता थियो । जनप्रतिनिधिहरुले नागरिकता, नाबालक परिचय पत्र लगायत बिबिध बिषयमा देखिने जटिलतालाई कसरी फुकाउने भन्ने विषयमा जिज्ञासा राखेका थिए ।