स्याङ्ना १९ जेठ । जिल्ला अस्पताल स्याङ्जाले शनिवार स्थापना दिवस मनाएको छ। अस्पताल स्थापनाको २४ औं बर्ष प्रवेशको अवसर पारेर अस्पताल ब्यवस्थापन समिति र अस्पतालका कर्मचारीले दिवस मनाएका हुन ।
अस्पताल परिसर वरपर सरसफाई, बृक्षरोपण, फूलवारी गोडमेल सहित अस्पतालमा रहेका बिरामीहरुलाई फलफूल बितरण गरेका छन ।
विस २०५७ सालमा पुतलीबजार नगरपालिका ३ कुमाल गाउँमा स्थापना गरिएको हो। नेपाल सरकारबाट १५ शैयाको स्वीकृती पाएको अस्पतालले अस्पताल ब्यवस्थापन समिति मार्फत ५९ शैयाको सेवा उपलब्ध गराउदै आएको छ ।
स्थायी, अस्थायी, करार र बिभिन्न परियोजना मार्फत बिशेषज्ञ चिकित्सक सहित ८७ जनाले सेवा दिदै आएका छन । जटिल अवस्थाको प्रजनन, प्रसुती,सुत्केरी सेवा, हाइड्रोशिल, एपेन्डिक्स, हर्निया लगायतका शल्यक्रिया सेवा, डायलायसीस सेवा लगायत दाँत, आँखा, भिडियो एक्सरे, थेरापी, ल्याब परिक्षण, पाठेघरको मुखको क्यान्सर भी.आई,ए परिक्षण, स्वास्थ्य विमा सुबिधा, बाल सेवा, खोप, गर्भवती परिक्षण, ओसीएमसी लगायतका सामान्य तथा आकस्मिसेवा सहित बिहान ७ बजेदेखि ओपीडि सेवा प्रवाह गर्दै आएको अस्पताल ब्यवस्थापन समितिका अध्यक्ष इन्द्रबहादुर गोदारले जानकारी दिनुभयो ।
पिआइसीयू कक्ष निर्माण कार्य जारी रहेको र बिशेष नवजात शिशु उपचार कक्ष संचालनमा ल्याइसकिएको पनि अध्यक्ष गोदारले बताउनुभयो । पछिल्लो समय अस्पतालको गुणस्तरीयता बृद्धि भएसंगै बिरामी तथा स्वास्थ्य परिक्षणका लागि आउनेको संख्यामा पनि बृद्धि भएको छ। सरदर दिनहुँ २ सय भन्दा बढीले सेवा लिने गरेका अस्पतालका मेसु रुक्बिना अधिकारीले बताउनुभयो ।
स्याङ्जा सदरमुकाम नजिक रहेको जिल्ला अस्पतालले ५० शैयाको अनुमति कुर्दै बसेको छ । तर, राज्य भने बिभिन्न वाहाना बनाउदै पन्छिन खोजेको अध्यक्ष गोदारले भन्नुभयो ।