स्याङ्जा २९ कात्तिक । मंसिर ४ गते हुने निर्वाचनमा पहिलो पटक कैदीवन्दीले आफनो मताधिकार प्रयोग गर्न पाउने भएका छन्।
सोही अनुरुप आसन्न निर्वाचनको समानुपातिकतर्फ स्याङ्जा जिल्ला कारागारमा रहेका ४५ जना कैैदीबन्दीले मतदान गर्न पाउने भएका हुन्।
जिल्ला कारागारा स्याङ्जामा ४ महिला सहित २ सय २९ जना कैदीबन्दी रहेका कारागार प्रमुख चुडामणी शर्माले जानकारी दिनुभयो । उनीहरु मध्ये मतदाता नामावलीमा नाम भएका १ महिला सहित ४४ पुरुषले मतदान गर्न पाउने भएका छन्। यसपटक पहिलो चोटी कैदीबन्दीले प्रतिनिधिसभातर्फको समानुपातिक तर्फमात्र मतदान गर्न पाउने भएका हुन्।
बिभिन्न प्रदेश तथा जिल्लाका समेत कारागारमा रहेकाले उनीहरुका लागि कर्मचारी सरकारी तथा अन्य कर्मचारी सरह समानुपातिकमा मात्र मतदान गर्न पाउने ब्यवस्था भएको निर्वाचन कार्यालयका प्रमुख मरासीनीले जनाउनुभयो ।
उनीहरुका लागि कारागार शाखामै अस्थायी मतदान केन्द्रको ब्यवस्था गरिएको जिल्ला निर्वाचन अधिकारी गुरुप्रसाद मरासीनीले बताए। यो संगै स्याङ्जामा १ अस्थायी मतदान केन्द्र सहित ३ सय २१ पुगेको छ। यहाँ १ सय ९९ मतदान स्थल छन्।
स्याङ्जामा २ लाख ४४ हजार ८९ मतदाता छन्। तीमध्ये १ लाख २४ लाख ७७८ महिला, १ लाख १९ हजार ३१० जना पुरुष र १ अन्य छन्।