स्याङजा, ८ साउन । स्याङ्जामा १५ दिन निषेधाज्ञा थप भएको छ । गएको मध्यरातसम्म रहेको निषेधाज्ञालाई थप गर्दै साउन २२ गतेसम्म लब्याइएको प्रमुख जिल्ला अधिकारी दिपकराज नेपालद्धारा जारी आदेशमा उल्लेख छ ।
स्याङजा प्रशासनले कोभिड १९ को संक्रमणदर र मृत्युदरमा केहि कमि आएको भएतापनि सक्रिय संक्रमितहरुको पूर्णरुपमा चेन व्रेक नभई सकेकोे भन्दै केही खुकुलोपनसंगै निषेधाज्ञाको अवधि थप गरेको हो ।
गत बैशाख २१ देखि सुरु भएको निषेधाज्ञा पटक पटक थपगर्दे आजसम्म कायमै छ । थप निषेधाज्ञामा खुकुलोपन छ । जिल्लाका पसलहरु बिहान ५ बजेदेखि साँझ ७ बजेसम्म खुल्ला राख्न सकिने र अत्यावश्यक काममा बाहेक घरबाट ननिस्कन जारी आदेश पत्रमा उल्लेख छ ।
विवाह, व्रतबन्ध जस्ता धार्मिक कार्यक्रम तोकिएको स्वास्थ्य मापदण्ड पालना गरी २५ जना व्यक्तिको सहभागितामा घरमै गर्न सकिने भएको छ । मठ, मन्दिर तथा बिभिन्न धार्मिकस्थलमा नित्य पुजा बाहेक अन्य पुजा गर्न पाइने छैन।
प्रशासनले अझै पनि सिनेमा हल, पार्टी प्यालेस, होटल, रेष्टुरेन्ट, मोटेल, नाँचघर, क्लब, ब्यूटीपार्लर, शैलुन, गोष्ठी, सेमीनार, सभा, सम्मेलन, सेमिनार र मानिसहरु भेला भई कार्यक्रम तथा अन्य गतिबिधी संचालन गर्न नपाईने जनाएको छ । तर, होटल रेष्टुरेन्ट तथा चिया पसलबाट केक अवे सेवा संचालन गर्न पाइने छ ।
कोभिडको नयाँ भेरियन्ट स्याङजामा देखिएकाले बिद्यालय र क्याम्पसले अनलाईन माध्यमवाट पठन पाठन गर्न गराउनु पर्ने जारी निषेधाज्ञामा उल्लेख छ ।
