स्याङ्जा ५ मंसिर । स्याङ्जामा ५८ प्रतिशत मत खसेको जिल्ला निर्वाचन कार्यालय स्याङ्जाले जनाएको छ।
जिल्लाभरका १ सय ९९ मतदान स्थल र एक अस्थायी केन्द्र सहित ३ सय २१ मतदान केन्द्रमागरी ५७ दशमलब ८५ प्रतिशत मत खसेको हो।
कार्यालयका अनुसार क्षेत्र नं १ मा ५५ दशमलब ९३ प्रतिशत, क्षेत्र नं. २ मा ५९ दशमलब ९३ प्रतिशत मत खसेको छ।
यसैगरी, १ को १ मा ५३ दशमलब ०७ प्रतिशत, १ को ख मा ५८ दशमलब ७१ प्रतिशत खसेको छ। यस्तै, २ को १ मा ५७ दशमलब ७३ प्रतिशत, २ को २ मा ६१ दशमलब ८४ प्रतिशत मत खसेको निर्वाचन अधिकारी गुरुप्रसाद मरासिनीले जानकारी दिनुभयो ।
दुई वटा प्रतिनिधिसभा सदस्य र ४ प्रदेशसभा सदस्य रहेको स्याङ्जाको चापाकोट र पेलाकोट बाहेक अन्यत्र शान्तिपूर्णरुपमा मतदान सम्पन्न भएका छन्। यी दुबै स्थानमा कांग्रेस र एमालेका युवाबीच भनाभन हुदा एक÷एक राउण्ड हवाई फायर भएको थियो। त्यसपछि सर्वपक्षिय बैठक बसेर दुबै स्थलमा मतदान सम्पन्न भएका छन्।
चापाकोट नगरपालिका १ भानुचौघेरा मतदान केन्द्र र गल्याङ नगरपालिका ७ पेलाकोट महेन्ददर्शन आधारभुत विद्यालयको मनहरि मतदान केन्द्रमा हवाई फायर भएको प्रहरी उपरीक्षक राजीबबहादुर बस्नेतले जानकारी दिनुभयो ।
दुई निर्वाचन र ४ प्रदेश रहेको स्याङ्जामा नेपाली कांगस्रे, माओवादी सहितको गठबन्धन, नेकपा एमाले, राष्टिय स्वतन्त्र पार्टी, राप्रपा लगायतका पार्टीबाट गरी प्रतिनिधिसभामा २४ जना, प्रदेशतसभा सदस्यको क्षेत्र नंं. १ को १ मा ७, २ मा ५ जना उम्मेदवार छन।
यसैगरी, क्षेत्र नं. २ को १ मा ७ जना र २ मा ६ जना गरी ४९ जना उम्मेदवार छन्। जिल्लामा २ लाख ४४ हजार ८९ जना मतदाता छन्। यि मध्ये निर्वाचन क्षेत्र नं. १ मा ७१ हजार २७३ र क्षेत्र न. २ का ६९ हजार ९२८ मत खसेको निर्वाचन कार्यालयले जनाएको छ।